Jeremias 7:23 - Chol: I T’an Dios

²³ Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

Chol de Tumbalá Bible

²³ Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

Jeremias 7:23 Iomraidhean Croise

Job 36:11

Mi tsi' yubibeyob i t'an, mi tsi' jac'beyob, che' jini mi caj i ñajt'an i jabilel ti pañimil c'ʌlʌl che' ñoxobix, tijicñayob i pusic'al.

Salmos 119:3

Ma'anic mi' cha'leñob jontolil. Mi' cha'leñob xʌmbal ti a bijlel c Yum.

Salmos 40:6

Ma'anic ma' mulan tsʌnsʌbil bʌ a majtan yic'ot ofrenda. Ma'anic tsa' c'ajtibeyon pulbil bʌ a majtan yic'ot majtañʌl cha'an i tojol c mul. Pero tsa' wʌq'ueyon c ch'ujbin a t'an.

Salmos 81:13

Uts'atax tsa'ic i ch'ujbibeyon c t'an jini c cha'año' bʌ, Tsa'ic i cha'leyob xʌmbal israelob tic bijlel.

Exodo 15:26

Tsi' yʌlʌ: Mi xuc'ul mi la' jac'beñon c t'an cha'an mi la' wen mel chuqui uts'at, ma'anic mi caj cʌq'ueñetla jini c'amʌjel tac tsa' bʌ cʌq'ueyob egiptojob. Yom mi la' wen jac'beñon c mandar yic'ot pejtel j cʌntesʌbal, come joñon Yumʌlon mu' bʌ c lajmesañetla. Che' tsi' yʌlʌ lac Yum.

Exodo 16:32

Moisés tsi' yʌlʌ: Lac Yum tsi' yʌlʌ ja'el: “Yom mi la' ch'ʌm tilel jump'ejl p'isonib but'ul ti maná cha'an mi la' lot ti pejtelel ora, cha'an mi' chʌn q'uejlel bajche' yilal jini waj tsa' bʌ cʌq'ueyetla ti colem bʌ i tiquiñal lum che' bʌ tsac pʌyʌyetla loq'uel ti Egipto”, che'en lac Yum. Che' tsi' yʌlʌ Moisés.

Isaias 3:10

Pero uts'at mi caj i loq'uel pejtel chuqui mi' mel jini xuc'ul bʌ winic. Suben mi caj i taj i chobejtʌbal cha'an uts'at i melbal.

Jeremias 11:7

Come tsac subeyob la' tatob ti wocol t'an che' bʌ tsac pʌyʌyob loq'uel ti Egipto ti oñiyi c'ʌlʌl wʌle: “Jac'beñonla c t'an”, cho'on.

Jeremias 13:11

Che' bajche' tsi' toyoyet jini cajchiñʌc', che'ʌch ja'el tsi' toyoyon Israel yic'ot Judá come c cha'añobʌch ili winicob. Tsa' cʌlʌ mux caj i q'ueloñob ti ñuc ti' tojlel pejtel tejclum tac. Pero ma'anic tsi' jac'ʌyob.

Jeremias 22:21

Che' wen chumulet, che' wen cabʌl a chubʌ'an, tsac subeyet tsajaletme. Tsa' wʌlʌ: “La' ajnicon”, che'et. A tilel che'ʌch ma' mel c'ʌlʌl che' ch'itoñet to. Mach a womic a ñich'tañon.

Jeremias 22:3

Lac Yum woli' yʌl: Cha'lenla meloñel ti toj. La' loq'uicob pejtel woliyo' bʌ ti wocol ti' c'ʌb xtic'layajob. Mach la' contrajin jini meba'ob yic'ot jini ñajt bʌ ch'oyolob. Mach la' to'ol ñusañob che' yomob i coltʌntel. Mach la' tsʌnsan jini mach bʌ añobic i mul.

Jeremias 24:7

Mi caj cʌq'ueñob wen bʌ i pusic'al cha'an mi' cʌñoñob cha'an i Yumon. Mi caj i sujtelob tic cha'an bʌ. Mi caj i pejcañoñob ti' Dios. Mi caj i sutq'uiñob i bʌ cha'an mi' ñopoñob ti pejtelel i pusic'al.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Jeremias 32:23

Wʌ' tsa' ochi jini c tat lojon. Tsi' ch'ʌmʌyob jini lum. Pero ma'anic tsi' jac'ʌyob a t'an. Ma'anic tsi' meleyob che' bajche' cʌntesʌbilob ti a mandar. Ma'anic chuqui tsi' wis meleyob ti uts'at ti' tojlel a mandar. Jatet wola' chocbeñob tilel ili wocol cha'an ti' cajob i mul.

Jeremias 38:20

Pero Jeremías tsi' sube: Ma'anic mi caj a wʌjq'uel ti' wenta. Jac'beñon wʌle. Mij c'ajtibeñet ti wocol t'an, come jiñʌch i t'an lac Yum woli bʌ c subeñet. Muq'uic a jac', tijicñayet mi caj a cuxtiyel.

Jeremias 42:6

Mi caj c jac'ben lojon i t'an lac Yum Dios mi uts'at mi cubin lojon o mi mach uts'atic, come wolic xiq'uet lojon cha'an ma' pejcan. Che' jini uts'at mi caj cajñel lojon che' mic jac'ben lojon i t'an lac Yum Dios, che'ob.

Sofonias 3:2

Tsa' la' tic'la la' pi'ʌlob. Ma'anic tsa' la' ñich'ta jini t'an. Ma'anic tsa' la' wubi la' tic'ol. Ma'anic tsa' la' bʌc'ña lac Yum. Ma'anic tsa' la' lʌc'tesa la' bʌ ba'an Dios.

Zacarias 6:15

Jini ñajt bʌ ch'oyolob mi caj i tilelob che' bajche' ili uxtiquilob cha'an mi' cha' melob i Templo lac Yum. Che' mi' yujtel mi caj a ña'tan tilem c t'an ti' Yum Panchan yic'ot Pañimil. Che'ʌch mi caj i yujtel mi xuc'ul ma' jac'ben i t'an a Yum Dios. Che' tsi' yʌlʌ lac Yum.

Zacarias 7:7

Che'ʌch ja'el tsa cʌlʌ ti oñiyi ti' tojlel jini x'alt'añob che' tijicñayob to la' tatob ya' ti Jerusalén yic'ot ti' joytʌlel yic'ot ti joctʌl am bʌ ti sur, come tsi' bajñel yajcayob i bijlel ja'el”. Che' yom ma' subeñob. Che' tsi' yʌlʌ lac Yum.

Romanos 16:26

Tsictiyemix jini t'an wʌle, ts'ijbubil i cha'an x'alt'añob cha'an ti' mandar jini Dios am bʌ ti pejtelel ora. Tsi' yʌc'ʌ ti cʌjñel ti pejtelel lum cha'an mi' jac'ob jini mu' bʌ i ñopob.

2 Corintios 10:5

Mic lʌmben lojon pejtel lolom jach bʌ i t'an winicob, yic'ot pejtel i ña'tʌbal mu' bʌ i mʌctan yaño' bʌ ti' cʌñol i sujmlel Dios. Mic tic' lojon pejtelel chuqui mi' lon tejchel tic bajñel pusic'al lojon cha'an mic jac'ben lojon i t'an Cristo.

Deuteronomio 11:27

An la' bendición tilem bʌ ti Dios mi tsa' la' chʌn jac'be i t'an lac Yum Dios woli bʌ c subeñetla wʌle.

Deuteronomio 13:4

Yom mi la' chʌn cha'len xʌmbal ti' bijlel lac Yum Dios. Cojach jini yom mi la' bʌc'ñan. Yom mi la' jac'ben i mandar. Jini jach yom mi la' yuman. Yom mi la' tsajcan ti pejtelel ora.

Deuteronomio 13:5

Jini x'alt'an yic'ot jini mu' bʌ i ñajlen chuqui mi' yujtel muq'uix caj i chʌmel, come tsi' subeyetla cha'an mi la' cha'len jontolil ti' tojlel lac Yum Dios tsa' bʌ i loc'sayetla ti Egipto. Dios tsi' loc'sayetla ba'an jini majtan e'tel. Jini payxo bʌ x'alt'an tsi' ñopo i choquetla loq'uel ti' bijlel lac Yum baqui tsi' cʌntesayetla lac Yum. Puts'tanla ili jontolil. Chocola loq'uel ti la' tojlel.

Deuteronomio 30:2

mi a wom a cha' sutq'uin a bʌ ba'an lac Yum Dios ti pejtelel a pusic'al cha'an ma' jac' pejtelel ili mandar woli bʌ c subeñetla, jatet yic'ot a walobilob ti pejtelel a pusic'al yic'ot pejtelel a ña'tʌbal,

Deuteronomio 30:20

C'uxbin lac Yum Dios. Chʌn nich'tʌben i t'an, chʌn tsajcan. Come jiñʌch a cuxtʌlel yic'ot i ñajtesʌntel a jabilel. Che' jini xuc'ul mi caj a chumtʌl ya' ti lum mu' bʌ i yʌq'ueñet lac Yum che' bajche' tsi' sube a ñojte'elob, Abraham, yic'ot Isaac, yic'ot Jacob, che'en Moisés.

Deuteronomio 30:8

Mi caj a sutq'uin a bʌ cha'an ma' cha' mel pejtelel i mandar lac Yum mu' bʌ c subeñetla wʌle.

Deuteronomio 4:10

Mach yomic mi' ñajʌyel la' cha'an jini q'uin che' wa'aletla ti' tojlel la' Yum Dios ya' ti Horeb. Lac Yum tsi' subeyon: Tempʌbeñon jini winicob cha'an mi yubiñob c t'an. Wersa mi caj i ñopob i bʌc'ñañon ti pejtelel ora che' wʌ'to añob ti pañimil. Che'ʌch yom mi' cʌntesañob i yalobilob ja'el, che'en lac Yum.

Deuteronomio 4:40

Yom mi' la' jac'ben pejtelel i t'an yic'ot i mandar woli bʌ c subeñetla cha'an mi' tam'esʌntel la' jabilel yic'ot i jabilel la' walobilob. Che' jini mi caj la' wajñel ti ili lum mu' bʌ caj i yʌq'ueñetla. Che' jini la' cha'añʌch ti pejtelel ora.

Deuteronomio 5:16

Q'uele ti ñuc a tat a ña' che' bajche' tsi' subeyet lac Yum Dios, cha'an uts'at pejtelel chuqui mi' yujtel ti a tojlel, cha'an ja'el ma' taj cabʌl a jabilel ti ili lum mu' bʌ i yʌq'ueñet lac Yum Dios.

Deuteronomio 5:29

Uts'atax muq'uic i bʌc'ñañoñob ti pejtelel ora cha'an mi' jac'beñonob c t'an yic'ot c mandar. Che'ic jini, muq'uix i ñusañob q'uin ti uts'at yic'ot i yalobilob ti pejtelel ora.

Deuteronomio 5:33

Chʌn cha'lenla xʌmbal ti' bijlel lac Yum che' bajche' tsi' subeyetla, cha'an cuxul mi la' wajñel ti pejtelel ora, cha'an mi' jastiyel la' chubʌ'an, cha'an mi' tam'esʌntel la' jabilel ya' ti lum baqui mi la' majlel ti chumtʌl.

Deuteronomio 6:3

Ñich'tanla che' jini, israelob, cha'an xuc'ul mi la' jac'ben i mandar lac Yum. Che' jini uts'at mi caj la' ñusan q'uin ya' ti la' lum baqui mi' colel pejtelel pʌc'ʌbʌl. Mi caj la' p'ojlel ja'el che' bajche' tsi' subeyetla lac Yum Dios, jini jach bʌ i Dios la' ñojte'elob.

Hebreos 5:9

Che' bʌ tsa' ts'ʌctiyi i chajpʌntel yic'ot i ñuclel Jesús, tsa' ochi ti la caj Coltaya ti pejtelel ora. Mi' coltan pejtelel mu' bʌ i jac'beñob i t'an.

1 Samuel 15:22

Samuel tsi' yʌlʌ: ¿Tijicña ba mi' q'uel lac Yum jini pulbil bʌ i majtan yic'ot tsʌnsʌbil bʌ i majtan che' ma'anic wola' jac'ben i t'an? Yom cu mi la cʌq'uen tsʌnsʌbil bʌ i majtan Dios. Pero ñumen yom mi lac jac'ben i t'an.