Jeremias 7:19 - Chol: I T’an Dios

¹⁹ ¿Mach ba wolic i yʌc'oñob ti mich'ajel? ¿Mach ba wolic i yʌc'ob i bʌ ti wocol? Cha'an ti' cajob i mul woli' sajtelob, che'en lac Yum.

Chol de Tumbalá Bible

¹⁹ ¿Mach ba wolic i yʌc'oñob ti mich'ajel? ¿Mach ba wolic i yʌc'ob i bʌ ti wocol? Cha'an ti' cajob i mul woli' sajtelob, che'en lac Yum.

Jeremias 7:19 Iomraidhean Croise

Esdras 9:7

C'ʌlʌl ti' yorajlel c tatob lojon, c'ʌlʌl ti ili ora, an cabʌl lojon c mul. Jini cha'an tsa'ix mʌjli i cha'añob j contrajob lojon. Tsa'ix tsʌnsʌntiyob ti espada c reyob lojon yic'ot c motomaj lojon. Lamital tsa' cʌjchiyob majlel. Tsa' chilbentiyon lojon c chubʌ'an. Tsa' ajq'uiyon lojon ti quisin che'ʌch bajche' wʌle.

Job 35:6

Mi an a mul, ¿mu' ba caj ti yʌjñel i pusic'al Dios cha'an jini? Mi cʌlʌxix a mul, ¿mu' ba caj i yʌsiyel i pusic'al?

Isaias 1:20

Pero mi mach la' womic, mi chʌn tsʌts la' pusic'al mi la' ñusʌbeñon c t'an, mi caj la' jilel ti espada ti' c'ʌb la' contrajob. Che' tsi' yʌlʌ lac Yum.

Isaias 1:24

Jini cha'an i Dios Panchan yic'ot Pañimil, jini P'ʌtʌl bʌ i cha'an Israel, woli' yʌl: A wila to, mi caj cʌq'ueñob i toj i mul pejtelel mu' bʌ i contrajiñoñob. I yorajlelix mij q'uextʌbeñob i mul j contrajob.

Isaias 45:16

Mi' cajelob ti quisin jini xmel diosob ti pejtelelob. Mi caj i puts'elob cha'an bʌq'uen.

Jeremias 15:9

Meba'ix jini x'ixic tsa' bʌ i cʌnta wuctiquil i yalobilob. Laj chʌmeñobix. C'unix pañimil. Ma'anix tijicña bʌ. Bʌjlemix q'uin yubil che' xinq'uiñil to. Ts'a'lebilix, wolix ti quisin, come ma'anix i yalobil. Mi caj cʌc' i colojbal winicob ti' wenta i contrajob cha'an mi' chʌmelob ti espada, che'en lac Yum.

Jeremias 2:17

¿Mach ba cha'anic a mul tsa' tili ili wocol? Tsa' cʌyʌ a Yum Dios che' bʌ tsi' wen pʌsbeyet jini wen bʌ bij.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 20:11

Pero wʌ'an c Yum quic'ot. Wen yujil guerra. Mi' bʌc'tesan j contrajob. Jini cha'an mi' cajelob ti yajlel. Mach mʌjlic i cha'añob. Mi caj i yubiñob quisin come mach uts'atic bajche' woli' melob. Ma'anic mi caj i ñusʌbentel i mul ti pejtelel ora.

Jeremias 22:22

Wʌle bʌc' majlemobix pejtel a waj q'ueloñelob che' bajche' i yopol te' mu' bʌ i wejlan ic'. Mi caj i cʌjchelob majlel a pi'ʌlob c'uxbibilo' bʌ a cha'an. Che' jini mi caj i toj sajtel a pusic'al ti quisin cha'an pejtel a jontolil.

Jeremias 25:7

Pero, ma'anic tsa' la' ñich'tayon, che'en lac Yum. Tsa' la' wʌc'ʌyon ti mich'ajel ti' caj i melbal la' c'ʌb, cha'an wersa la' wom jini wocol.

Jeremias 3:25

La' lac pʌcchocon lac bʌ cha'an cabʌl woliyonla ti quisin. Wen wocol añonla, come tsa' laj contraji lac Yum Dios, joñonla yic'ot lac tatob c'ʌlʌl che' ch'itoñon to la c'ʌlʌl wʌle. Ma'anic tsa' lac jac'be i t'an lac Yum Dios”. Che'ʌch woli' comol pejcañob i bʌ, che'en lac Yum.

Jeremias 44:3

Tsac jisayob cha'an cabʌl i jontolil. Tsi' ch'ujutesayob yambʌ diosob mach bʌ i cʌñʌyobic, ch'oyolo' bʌ ti ñajt bʌ pañimil. Tsi' pulbeyob pom. Che' jini tsi' techbeyoñob c mich'ajel.

Jeremias 8:19

Ubinla, woliyob ti uq'uel jini c'uxbibilo' bʌ c pi'ʌlob ti ñajt bʌ lum. ¿Baqui an lac Yum? ¿Tsa' ba i cʌyʌ i cha'len yumʌl ti lac tojlel? che'ob. Lac Yum woli' yʌl: ¿Chucoch tsi' yʌc'ʌyoñob ti mich'? ¿Chucoch tsi' ch'ujutesayob jini dios tac, i melbal tac jini ch'oyolo' bʌ ti ñajtʌl? che'en lac Yum.

Jeremias 9:19

Wen ch'ijiyem i pusic'al jini año' bʌ ti Sion. Woli' yʌlob: “Ma'anix lac pijtaya. Junyajlel jisʌbilonla. Wersa mi laj cʌy lac lum yic'ot la cotot”, che'ob.

Ezequiel 16:26

Tsa' cha'le ts'i'lel yic'ot winicob ti Egipto cha'an ma' techbeñon c mich'ajel.

1 Corintios 10:22

¿Mu' ba lac techben i mich'ajel lac Yum? ¿Ñumen p'ʌtʌlon ba la bajche' lac Yum?

Deuteronomio 32:16

Tsa' caji i tsajcañob yambʌ dioste' tac, Lac Yum tsi' mich'leyob, Tsʌytsʌyña i pusic'al tsi' q'ueleyob.