Jeremias 7:18 - Chol: I T’an Dios

¹⁸ Jini cha'an cabʌlix c mich'ajel. Jini alp'eñelob mi' tempañob si'. I tatob mi' xic'ob c'ajc. Jini x'ixicob mi' xʌc'ob harina cha'an mi' melbeñob pan jini x'ixic bʌ dios. Mi' lon alob: “Woli ti yumʌl ti panchan”, che'ob. Mi' yʌq'ueñob japbil bʌ i majtan jini diosob mu' bʌ c ts'a'len.

Chol de Tumbalá Bible

¹⁸ Jini cha'an cabʌlix c mich'ajel. Jini alp'eñelob mi' tempañob si'. I tatob mi' xic'ob c'ajc. Jini x'ixicob mi' xʌc'ob harina cha'an mi' melbeñob pan jini x'ixic bʌ dios. Mi' lon alob: “Woli ti yumʌl ti panchan”, che'ob. Mi' yʌq'ueñob japbil bʌ i majtan jini diosob mu' bʌ c ts'a'len.

Jeremias 7:18 Iomraidhean Croise

1 Reyob 14:9

Ñumen jontolet che' bajche' pejtel yumʌlob. Cʌlʌx jax c mich'ajel, come tsa' mele i yejtal dios tac. Tsa' ch'ujutesa. Tsa' cʌyʌyon.

1 Reyob 16:2

Tsa cʌq'ueyet a ñuclel, Baasa, che' mach cʌmbiletic. Tsac wa'chocoyet ti' yum israelob, pero lajal tsa' mele che' bajche' Jeroboam. Tsa' xiq'ui ti mulil israelob. Tsa' techbeyon c mich'ajel cha'an cabʌl a mul.

Salmos 16:4

Jini mu' bʌ i ch'ujutesañob yambʌ dios mi' wen tajob wocol. Ma'anic mi caj cʌc' majtañʌl tac che' bajche' mi' melob. Ma'anic mi caj c pejcʌben i c'aba' i dioste' tac.

Isaias 3:8

Jini año' bʌ ti Jerusalén tsa'ix i jats'ʌyob i yoc. Tsa'ix yajli Judá. Jochocña mi caj i cʌytʌl. Come jontol tsi' cha'leyob t'an ti contra lac Yum, jontol i melbalob. Tsi' ts'a'leyob i ñuclel. Tsi' techbeyob i mich'ajel.

Isaias 57:6

Ma' ch'ujutesan jini melbil tac bʌ xajlel an tac bʌ ti joctʌl. Ma' bec'ben vino. Ma' wʌq'uen trigo yic'ot waj cha'an i majtan. ¿Mu' ba caj j q'uelet ti uts'at che' jini?

Isaias 65:11

Pero jatetla mu' bʌ la' tʌts' la' bʌ tic tojlel, mu' bʌ la' ts'a'len jini Templo, mu' bʌ la' ch'ujutesan jini dios Gad, yic'ot jini dios Meni,

Isaias 65:3

Mi' chʌn xic'oñob ti mich'ajel, come ñʌmʌlob ti dioste' tac. Mi' ch'ujutesañob ti pʌc'ʌbʌl. Mi' pulbeñob pom ti pulʌntib melbil bʌ ti ladrillo.

Jeremias 1:16

Cabʌl jax i jontolil c tejclumob. Jini cha'an mi caj c chocbeñob tilel pejtel jini wocol cha'an tsa'ix i cʌyʌyoñob. Mi' pulbeñob pom yambʌ diosob. Mi' ñocchocoñob i bʌ ti' tojel jini melbil tac bʌ tsa' bʌ i meleyob.

Jeremias 11:17

Come i Yum Panchan yic'ot Pañimil tsa' bʌ i pʌc'ʌyet mi caj i contrajiñet che' bajche' tsi' yʌlʌ cha'an ñuc a mul. Cabʌl tsa' jec'beyon c pusic'al che' bʌ tsa' pulbe pom Baal, che'en lac Yum.

Jeremias 17:2

Jini ch'itoñob ti Judá mi' yesmañob mulil. Mi' c'uxbiñob i yejtal Asera ti' yʌxñʌlel te' ya' ti' chañelal wits,

Jeremias 19:13

Bibi' che' bajche' Tofet mi caj j q'uel jini otot tac ti Jerusalén yic'ot i yotot tac reyob ti Judá, come tsa' letsiyob i yum ti' jol i yotot cha'an mi' pulbeñob pom jini q'uin yic'ot uw yic'ot ec' am bʌ ti panchan. Ya' tsi' yʌq'ueyob japbil bʌ i majtan yambʌ diosob tilem bʌ ti yan tac bʌ lum, che'en lac Yum.

Jeremias 25:7

Pero, ma'anic tsa' la' ñich'tayon, che'en lac Yum. Tsa' la' wʌc'ʌyon ti mich'ajel ti' caj i melbal la' c'ʌb, cha'an wersa la' wom jini wocol.

Jeremias 32:29

Jini caldeojob woliyo' bʌ ti guerra ti' joytʌlel ili tejclum mi caj i pulob ti c'ajc. Mi caj i laj pulel otot tac ya' ba' mi' pulbeñob pom jini Baal ba' mi' yʌq'ueñob japbil bʌ i majtan dios tac cha'an mi' yʌc'oñob ti mich'ajel.

Jeremias 44:25

I Yum Panchan yic'ot Pañimil, i Dios Israel, woli' yʌl: Winicob yic'ot la' wijñamob, lajal tsa' la' mele che' bajche' tsa' la' wʌlʌ. Tsa' la' wʌlʌ: “Mux caj c wersa ts'ʌctesan lojon c t'an ti' tojlel jini x'ixic bʌ rey ti panchan che' bajche' tsac sube lojon. Mi caj c pulben pom. Mi caj cʌq'uen japil bʌ i majtan”, che'etla. Melela, abi, che' bajche' tsa' la' wʌlʌ.

Jeremias 44:4

Tsac chocbeyetla tilel pejtel c winicob c'ʌlʌl ti oñiyi c'ʌlʌl wʌle cha'an mic subeñetla ti wocol t'an mach yomic mi la' mel ili jontolil, come ts'a' mij q'uel.

Jeremias 7:17

¿Mach ba q'uelelic a cha'an chuqui woli' melob ti' tejclum tac Judá yic'ot ti' bijlel tac Jerusalén?

Lamentaciones 5:13

Tsi' yʌq'ueyob i cuch ña'tun jini ch'itoñob. Colel i yajlel cha'an woli' cuchob tilel si' cabʌl bʌ i yalel.

Ezequiel 16:26

Tsa' cha'le ts'i'lel yic'ot winicob ti Egipto cha'an ma' techbeñon c mich'ajel.

Ezequiel 20:28

Che' bʌ tsac pʌyʌyob tilel ila ti lum tsa' bʌ cʌq'ueyob che' bajche' tsac subeyob i tatob, tsi' ch'ujutesayob dioste' tac ba'an colem te' tac ti bujbujtʌl. Ya' tsa' majli i tsʌnsʌbeñob i majtan cha'an mi' yutsi techbeñoñob c mich'ajel. Ya' tsi' puluyob jini xojocña bʌ pom. Tsi' bec'beyob jini japbil bʌ majtañʌl tac.

Ezequiel 8:16

Che' jini tsi' pʌyʌyon ochel ti' patiojlel i yotot lac Yum. Ya' ti' yochibal Templo ti' tojel jini pulʌntib tsaj q'uele jo'tiquil i cha'c'al winicob laj wa'alob, sujtemob i pat ti' tojel i Templo lac Yum, sujtemob i wut ti' tojel i pasibal q'uin. Woli' ch'ujutesañob jini q'uin.

Ezequiel 8:17

Lac Yum tsi' subeyon: I yalobil winic, ¿woli' ba a q'uelob? ¿Mach ba ñuquic i mul Judá? Che' woli' bib'esañob ili lum yic'ot i diosob. Che'ʌch woli' cʌntesañob i pi'ʌlob cha'an mi' contrajiñoñob cha'an mi' yutsi techbeñoñob c mich'ajel.

1 Corintios 10:22

¿Mu' ba lac techben i mich'ajel lac Yum? ¿Ñumen p'ʌtʌlon ba la bajche' lac Yum?

Deuteronomio 32:16

Tsa' caji i tsajcañob yambʌ dioste' tac, Lac Yum tsi' mich'leyob, Tsʌytsʌyña i pusic'al tsi' q'ueleyob.

Deuteronomio 32:21

Tsa'ix i techbeyon i tsʌytsʌñʌyel c pusic'al cha'an i dioste' mach bʌ Diosic. Joñon mi caj cotsʌbeñob i tsʌytsʌyñʌyel i pusic'al Che' mij c'uxbin yambʌ tejclumob año' bʌ ti pañimil, jini cʌybilix bʌ.

Deuteronomio 4:19

Che' ja'el mach yomic mi la' letsan la' wut ti panchan cha'an mi la' ch'ujutesan jini q'uin yic'ot uw yic'ot ec' tac. Mach yomic mi la' ñocchocon la' bʌ ti' tojlel. Lac Yum Dios tsi' yʌc'ʌ jini q'uin yic'ot uw yic'ot ec' cha'an mi' pʌs i c'ʌc'al tac ti' tojlel winicob ti pañimil.