Jeremias 7:14 - Chol: I T’an Dios

¹⁴ Jini cha'an lajal mi caj c jisan ili otot ba' tsa cʌc'ʌ ti cʌjñel j c'aba' che' bajche' tsac mele ti Silo.

Chol de Tumbalá Bible

¹⁴ Jini cha'an lajal mi caj c jisan ili otot ba' tsa cʌc'ʌ ti cʌjñel j c'aba' che' bajche' tsac mele ti Silo.

Jeremias 7:14 Iomraidhean Croise

2 Reyob 25:9

Tsi' pulbe i yotot lac Yum yic'ot i yotot jini rey. Pejtelel jini otot tac ti tejclum tsa' laj puli, yic'ot ja'el i yototob jini año' bʌ i ye'tel.

2 Cronicas 7:21

Majqui jach mi' ñumel che' mi' q'uel jejmenix ili i t'ojol jax bʌ cotot mi caj i toj sajtel i pusic'al. Mi caj i yʌl: “¿Chucoch woli' yʌc' ti ts'a'lentel i yotot yic'ot i lum jini lac Yum?” che'en.

Salmos 78:60

Jini cha'an tsi' cʌyʌ jini Ch'ujul bʌ Ajñibʌl am bʌ ti Silo, ba' tsa' chumle yic'otob.

Isaias 64:11

Laj pulemix ti c'ajc jini ch'ujul bʌ Templo, jini i t'ojol jax bʌ baqui tsi' ch'ujutesayetob c ñojte'el lojon. Laj jisʌbilix pejtelel jini c'uxbibil bʌ c cha'an lojon.

Jeremias 12:7

Lac Yum tsi' yʌlʌ: Tsa'ix j cʌyʌ cotot. Tsa'ix c choco c tejclum ba' tsac ña'ta c taj c ñuclel. Tsa'ix cʌc'ʌ jini c'uxbibilo' bʌ c cha'an ti' c'ʌb i contrajob.

Jeremias 23:39

Ma'anix mi caj c chʌn cuchetla. Mi caj c choquetla jubel. Mi caj c jisañetla tic tojlel yic'ot ili tejclum tsa' bʌ cʌq'ue la' tatob.

Jeremias 26:18

Che' woli to ti yumʌl Ezequías rey bʌ ti Judá, tsa' tili juntiquil x'alt'an i c'aba' Miqueas ch'oyol bʌ ti Moreset. Tsi' cha'le subt'an ti' tojlel pejtel año' bʌ ti Judá. Tsi' yʌlʌ: “I Yum Panchan yic'ot Pañimil woli' yʌl: Sion mi' caj ti xitchocontel che' bajche' jamil. Jerusalén mi caj i sujtel ti bujtʌl. Ili lum ba' wa'chocobil cotot mi caj i sujtel ti te'el. Che' tsi' yʌlʌ lac Yum”, che'en Miqueas.

Jeremias 26:4

Subeñob: “Lac Yum woli' yʌl: Machic mi la' ñicht'añon, machic mi la' jac'beñon c mandar tsa' bʌ cʌq'ueyetla,

Jeremias 7:10

Che' jini mi la' tilel ti wa'tʌl wʌ' ti cotot ba' tsa cʌc'ʌ ti cʌjñel j c'aba'. Mi la' lon ña'tan coltʌbiletla che' woli la' chʌn cha'len pejtel ili jontolil ts'a' bʌ mij q'uel.

Jeremias 7:12

Cucu ti Silo ba' tsa cʌc'ʌ ti cʌjñel j c'aba' che' ti ñaxan. Q'uele chuqui tsac tumbe Silo cha'an i jontolil Israel.

Jeremias 7:4

Mach la' ñopben i t'an jini yujilo' bʌ lot mu' bʌ i yʌlob: Umba'an i Templo lac Yum. Q'uele i Templo lac Yum, lon che'ob. Come mach c templojix.

Lamentaciones 2:7

Tsi' ts'a'le i pulʌntib yic'ot ch'ujul bʌ i yajñib. Tsi' yʌc'ʌ ti jisʌntel jini colem otot tac ti' c'ʌb i contrajob. Tsi' cha'leyob oñel ya' ti' yotot lac Yum che' bajche' ti' yorajlel q'uiñijel.

Lamentaciones 4:1

Tsa'ix sujti ti bibi' jini oro. Ma'anix i c'ʌc'al. Pamal an jini xajlel tac ba' jejmenix otot.

Ezequiel 23:31

Ti jini jach bʌ bij ba' tsa' ñumi a chich, ya' tsa' ñumiyet ja'el. Jini cha'an mi caj cʌq'ueñet wocol che' bajche' tsa' cʌq'ue a chich.

Deuteronomio 12:5

Dios mi caj i yajcan i yajñib ba' mi caj i pʌs i ñuclel. Ya' yom mi la' majlel la' ch'ujutesan ya' ba' mi caj i chumtʌl lac Yum.

Deuteronomio 28:52

Mi caj i joy mʌctañet ti jujump'ejl tejclum, c'ʌlʌl jinto mi' jejmel jini ts'ajc am bʌ ti a joytʌlel anquese tsa' lon ña'ta muq'uix i coltañet jini chan bʌ ts'ajc ya' ba' chumuletla ti jini lum tsa' bʌ i yʌq'ueyetla lac Yum Dios.