Jeremias 7:13 - Chol: I T’an Dios

¹³ Wolix c cha' mel che' bajche' ti yambʌ ora, come cabʌlix la' mul. Seb tsa' ch'ojyiyon cha'an mic pejcañetla. Ma'anic tsaj cʌyʌ c pejcañetla, pero ma'anic tsa' la' ñich'ta. Tsac pʌyʌyetla, pero ma'anic tsa' la' jac'beyon.

Chol de Tumbalá Bible

¹³ Wolix c cha' mel che' bajche' ti yambʌ ora, come cabʌlix la' mul. Seb tsa' ch'ojyiyon cha'an mic pejcañetla. Ma'anic tsaj cʌyʌ c pejcañetla, pero ma'anic tsa' la' ñich'ta. Tsac pʌyʌyetla, pero ma'anic tsa' la' jac'beyon.

Jeremias 7:13 Iomraidhean Croise

Proverbios 1:24

Anix ora wolic chʌn pʌyetla tilel pero tsa' la' ñusʌbeyon c t'an. Tsac pejcayetla ti wocol t'an pero ma'anic majch tsi' p'isi ti' wenta.

Isaias 50:2

Che' bʌ tsa' tiliyon, ¿chucoch ma'anic majch tsac taja? Che' bʌ tsac pʌyʌyetla, ¿chucoch ma'anic majch tsi' jac'ʌ? ¿Tutsul ba j c'ʌb cha'an mach c tajayeticla? ¿Mach ba anic c p'ʌtʌlel cha'an mij coltañetla, cha'an mi cʌq'uetla ti libre? Jasʌl mi cʌc' c t'an cha'an mi' laj tiquin jini colem ñajb. Ya' ti colem ja' tiquin lumix mi' majlel. Muq'uix i tuw'an chʌy cha'an ma'anix ja'. Woli' chʌmelob ti tiquin ti'.

Isaias 65:12

mi caj cʌq'uetla ti tsʌnsʌntel ti espada. Ti la' pejtelel mi caj la' majlel ti tsʌnsʌntel. Come che' bʌ tsac pʌyʌyetla, ma'anic tsa' la' jac'beyon. Che' bʌ tsac pejcayetla, ma'anic tsa' la' wubiyon. Tsa' la' mele jontolil ti' tojel c wut. Tsa' la' yajca chuqui tac ts'a'lebil c cha'an.

Isaias 66:4

Tsa'ix c yajcʌbeyob i wocol mu' bʌ caj c chocbeñob tilel. Chuqui tac mi' bʌc'ñañob mi caj c chocbeñob. Come ma'anic tsi' jac'beyoñob che' bʌ tsac pʌyʌyob. Che' bʌ tsac cha'le t'an ma'anic tsi' ñich'tayob. Tsi' cha'leyob jontolil ti' tojel c wut. Tsi' yajcayob i mel chuqui tac mic ts'a'len.

Jeremias 11:7

Come tsac subeyob la' tatob ti wocol t'an che' bʌ tsac pʌyʌyob loq'uel ti Egipto ti oñiyi c'ʌlʌl wʌle: “Jac'beñonla c t'an”, cho'on.

Jeremias 11:8

Pero ma'anic tsi' jac'ʌyob, mach yomobic i ñich'tan. Ti jujuntiquil tsi' meleyob bajche' tsi' bajñel ña'tayob cha'an jontol i pusic'al. Jini cha'an tsac chocbeyob tilel wocol cha'an tsi' ñusayob c t'an, come ma'anic tsi' meleyob che' bajche' tsac subeyob, che'en.

Jeremias 13:10

Jontolob. Mach yomobic i yubin c t'an. Mi' bajñel melob bajche' yom i bajñel pusic'al. Majlemobix yic'ot yan tac bʌ dios cha'an mi' ch'ujutesañob. Jini cha'an lajal mi caj i sujtelob che' bajche' jini cajchiñʌc' mach bʌ anix i c'ʌjñibal.

Jeremias 13:11

Che' bajche' tsi' toyoyet jini cajchiñʌc', che'ʌch ja'el tsi' toyoyon Israel yic'ot Judá come c cha'añobʌch ili winicob. Tsa' cʌlʌ mux caj i q'ueloñob ti ñuc ti' tojlel pejtel tejclum tac. Pero ma'anic tsi' jac'ʌyob.

Jeremias 25:3

Uxp'ejl i cha'c'al jab (23) woli' tilel i t'an Dios ba' añon. Tsa' caji che' i yuxlujump'ejlix (13) jab i yumʌntel Josías (i yalobil Amón) rey bʌ ti Judá. C'ʌlʌl wʌle wolic lu' subenetla ti' xuc'tʌlel c pusic'al, pero ma'anic tsa' la' ñich'ta.

Jeremias 26:5

machic mi la' wubiben i t'an jini x'alt'añob tsa' bʌ c chocbeyetla tilel c'ʌlʌl ti oñiyi c'ʌlʌl wʌle (pero maxto anic tsa' la' ñich'ta),

Jeremias 29:19

cha'an ti' caj tsi' ñusayob c t'an. Ma'anic tsi' ñich'tayob c t'an che' bʌ tsac chocbeyob tilel x'alt'añob cha'an mic pejcañob ti oñiyi c'ʌlʌl wʌle. Mach yomic i jac'ob, che'en lac Yum.

Jeremias 32:33

Tsi' mʌyʌyob i wut cha'an mach yomobic i q'uelon, anquese tsac chʌn cʌntesayob. Tsa' bʌx'ayon ti cʌntesaya c'ʌlʌl che' ch'itoñob to, pero ma'anic tsi' ñich'tayoñob. Ma'anic tsi' jac'ʌyob i cʌntesʌntel.

Jeremias 35:14

I yalobilob Jonadab woli' chʌn jac'beñob i t'an i tat. C'ʌlʌl wʌle ma'anic mi' japob vino, come woli' jac'beñob i t'an i tat. Pero ma'anic tsa' la' jac'beyon c t'an, anquese cabʌlix ora wolic pejcañetla.

Jeremias 35:15

Tsac chocbeyetla tilel pejtel c winicob x'alt'año' bʌ. C'ʌlʌl wʌle wolic chocob tilel cha'an mi' pejcañetla ti wocol t'an. Tsi' yʌlʌyob: “Sujtenla. A wocolic mic subeñetla, cʌyʌ la' jontolil. Cha' ñopoxla chuqui uts'at. Mach la' tsajcan yambʌ dios tac. Mach la' ch'ujutesan. Muq'uic la' mel che' bajche' mic subeñetla, mi caj la' chumtʌl ti la' lum tsa' bʌ cʌq'ueyob la' tat. Che' woli' yʌl lac Yum”, che'ob. Pero ma'anic tsa' la' ñich'tʌbeyon c t'an. Ma'anic tsa' la' jac'ʌ.

Jeremias 35:17

Lac Yum, i Yumʌch Panchan yic'ot Pañimil, i Diosʌch Israel. Tsi' yʌlʌ: Q'uele woli cʌc'ob ti wocol pejtel chumulo' bʌ ti Judá yic'ot Jerusalén cha'an i mul che' bajche' tsac wʌn subeyob, pero ma'anic tsi' ñich'tayob che' bʌ tsac pejcayob. Tsac pʌyʌyob, pero ma'anic tsi' jac'ʌyob, che'en lac Yum.

Jeremias 44:23

Tsa' la' pulu pom. Tsa' la' cha'le mulil ti' tojlel lac Yum. Ma'anic tsa' la' jac'be i t'an. Tsa' la' ñusʌbe i mandar yic'ot pejtelel i cʌntesʌbal. Jini cha'an tsa' tili ti la' tojlel ili ñuc bʌ wocol, che'en.

Jeremias 44:4

Tsac chocbeyetla tilel pejtel c winicob c'ʌlʌl ti oñiyi c'ʌlʌl wʌle cha'an mic subeñetla ti wocol t'an mach yomic mi la' mel ili jontolil, come ts'a' mij q'uel.

Jeremias 5:21

Ñich'tanla ti la' pejtelel. Tontojetla. Ma'anic la pusic'al. An la' wut pero ma'anic mi' c'otel la' wut. An la' chiquin, pero ma'anic mi la' wubin t'an.

Jeremias 6:10

¿Majqui mi caj c pejcan? ¿Majqui yom i yubin c t'an? Awilan laj mʌcʌlob i chiquin. Jini cha'an ma'anic mi' ch'ʌmbeñob isujm. Ts'a' mi' yubiñob c t'an i wenta a'leya. Leco mi' yubiñob.

Jeremias 7:25

C'ʌlʌl che' bʌ tsa' loq'uiyob ti Egipto la' tatob c'ʌlʌl wʌle ma'anic tsaj cʌyʌ c chocbeñetla tilel jini x'alt'añob c cha'an.

Oseas 11:2

Pero che' bʌ tsac pʌyʌyob, tsi' tʌts'ʌyob i bʌ tic tojlel. Tsa' utsi ñusʌbeyon c t'an. Tsi' yʌq'ueyob i majtan jini dios Baal. Tsi' pulbeyob pom jini dioste' tac.

Oseas 11:7

C cha'año' bʌ tsi' junyajlel cʌyʌyoñob. Anquese jini x'alt'añob mi' subeñob cha'an mi' pejcañob Dios am bʌ ti Chan, pero mach yomobic.

Oseas 9:17

Che' jini Dios mi caj i chocob, come ma'anic tsi' ñich'tʌbeyob i t'an. Pam pujquemob mi caj i yajñelob ti pañimil.

Zacarias 7:13

Tsac pʌyʌyob, pero ma'anic tsi' yubiyob. Jini cha'an ba' ora tsi' pejcayoñob, ma'anic tsac jac'beyob i t'an ja'el.

Mateo 23:37

¡Jerusalén, Jerusalén, jatet mu' bʌ a tsʌnsan x'alt'añob! ¡Ma' jul ti xajlel jini chocbilo' bʌ tilel ba' añetla! ¡Anix jayyajl com c tempan la' walobilob che' bajche' mi' luts' i yal jini ña' mut! ¡Pero mach la' womic!