Jeremias 7:10 - Chol: I T’an Dios

¹⁰ Che' jini mi la' tilel ti wa'tʌl wʌ' ti cotot ba' tsa cʌc'ʌ ti cʌjñel j c'aba'. Mi la' lon ña'tan coltʌbiletla che' woli la' chʌn cha'len pejtel ili jontolil ts'a' bʌ mij q'uel.

Chol de Tumbalá Bible

¹⁰ Che' jini mi la' tilel ti wa'tʌl wʌ' ti cotot ba' tsa cʌc'ʌ ti cʌjñel j c'aba'. Mi la' lon ña'tan coltʌbiletla che' woli la' chʌn cha'len pejtel ili jontolil ts'a' bʌ mij q'uel.

Jeremias 7:10 Iomraidhean Croise

2 Cronicas 33:4

Tsi' mele pulʌntib ti' patiojlel i Templo lac Yum cha'an mi' ch'ujutesañob jini q'uin yic'ot jini uw yic'ot jini ec'. Tsi' meleyob ya' ti Jerusalén ba' yom mi' c'uxbintel i c'aba' lac Yum ti pejtelel ora che' bajche' tsi' yʌlʌ.

2 Cronicas 33:7

Tsi' ñumen cha'le mulil che' bʌ tsi' yotsa dioste' ti' Templo lac Yum. Tsi' ñusʌbe i t'an lac Yum tsa' bʌ i sube David yic'ot Salomón i yalobil: “Mi caj i yajñel j c'aba' ti pejtelel ora wʌ' ti Jerusalén, ti jini tejclum tsa' bʌ c yajca ti' tojlel israelob.

Proverbios 15:8

Lac Yum ts'a'atax mi' q'uel i majtan ti' c'ʌb xjontolilob, pero tijicña i pusic'al cha'an i yoración jini tojo' bʌ.

Isaias 48:2

Ma' wʌl chucul a c'aba' ti jini ch'ujul bʌ tejclum, cʌyʌlet ti' p'ʌtʌlel i Dios Israel, i Yum Panchan yic'ot Pañimil.

Jeremias 32:34

Tsi' c'ʌcchocoyob ti cotot jini dios tac ts'a'lebil bʌ c cha'an. Che' jini tsi' bib'esayob c Templo ba' mi' yʌlob j c'aba'.

Jeremias 34:15

Jatetla tsa' la' poj mele la' pusic'al. Tsa' la' mele chuqui toj tic wut che' bʌ tsa' la' wʌc'ʌ ti libre la' pi'ʌlob. Tsa' la' mele trato tic tojlel ya' tic Templo ba' mic tsictesan c ñuclel.

Jeremias 44:9

¿Tsa' ba ñajiyi la' cha'an i jontolil la' tatob yic'ot i jontolil jini reyob ti Judá yic'ot i jontolil jini yumʌlob? ¿Tsa' ba ñajiyi la' cha'an la' bajñel jontolil yic'ot i jontolil la' wijñam ya' ti' lumal Judá yic'ot ti' bijlel Jerusalén?

Jeremias 7:11

Ili cotot ba' tsa cʌc'ʌ ti cʌjñel j c'aba' tsa'ix sujti ti' ch'eñal xujch'ob. Pejtel la' melbal laj q'uelelix c cha'an, che'en lac Yum.

Jeremias 7:14

Jini cha'an lajal mi caj c jisan ili otot ba' tsa cʌc'ʌ ti cʌjñel j c'aba' che' bajche' tsac mele ti Silo.

Jeremias 7:30

Come cabʌlob i mul i yalobilob Judá ti' tojel c wut, che'en lac Yum. Tsi' yotsayob ti Templo jini ts'a'lebil tac. Tsi' wa'chocoyob ti' mal cotot ba' tsa cʌc'ʌ ti cʌjñel j c'aba'. Che' jini tsi' bib'esayob.

Ezequiel 20:39

Israelob, lac Yum Dios woli' yʌl: Cucula ch'ujutesan la' dioste' tac mi mach la' womic la' jac' chuqui mic subeñetla, pero mach mi la' wʌq'ueñon c majtan tac cha'an mi la' bib'esan j c'aba'.

Ezequiel 23:29

Jontol mi caj i tic'lañet. Mi caj i chilbeñet pejtelel i wut tac a pʌc'ʌb. Pits'il mi caj i cʌyet che' ma'anic a chubʌ'an. Che' jini mi caj a wʌjq'uel ti quisin ti' wutob jini año' bʌ ti pañimil cha'an pejtel a ts'i'lel.

Ezequiel 23:37

Come tsi' cha'leyob i ts'i'lel yic'ot tsʌnsa. Tsi' c'uxbiyob i dioste'. Tsi' puluyob ti c'ajc jini calobilob tsa' bʌ i yʌc'ʌyob ti pañimil.

Ezequiel 23:39

Che' bʌ tsa' ujti i pulob i yalobilob, tsa' ochiyob tic Templo. Che' jini tsi' bib'esayob. Che'ʌch tsi' lon ch'ujutesayoñob ti cotot.

Ezequiel 33:25

Jini cha'an yom ma' subeñob: “Lac Yum Dios woli' yʌl: Mach mejliquetla come cabʌl la' mul. Mi la' c'ux we'elʌl yic'ot i ch'ich'el. Mi la' ch'ujutesan dioste' tac. Mi la' cha'len tsʌnsa. Ma'anic mi caj j coltañetla.

Ezequiel 33:31

Che' jini motocña mi' tilelob ti a tojlel. Mi' buchtʌlob cha'an mi' yubiñob a t'an, pero ma'anic mi' jac'ob. Mach yomobic i mel chuqui mic subeñob. “Uts'at i t'an”, lon che'ob, pero ti' pusic'alob woli jach i ña'tañob bajche' mi' tajob taq'uin.

Ezequiel 5:11

Mic subeñetla ti isujm, mi caj c jisañetla cha'an tsa' la bib'esa jini Templo yic'ot pejtel chuqui ts'a'lebil c cha'an. Ma'anix mi caj c chʌn ñusan la' mul. Ma'anic mi caj c p'untañetla.

Daniel 9:18

C Dios, ñich'tan c t'an. Wen q'uele bajche' wolic tic'lʌntel lojon. P'ul jembil a tejclum. Laj yujilob a cha'añʌch jini tejclum. Mij c'ajtibeñet lojon wocol t'an, p'untañon lojon anquese ma'anic c wenlel lojon, come cabʌl i yutslel a pusic'al.

Oseas 6:9

Mi' muchq'uiñob i bʌ cha'an mi' chijtañob winicob. Che'ʌch mi' melob motomajob ja'el ya' ti' bijlel Siquem. Wen yujilob tsʌnsa yic'ot xujch'.

Amos 4:5

Woli la' pulben Dios caxlan waj am bʌ i levadurajlel i wenta i majtan Dios cha'an mi la' suben wocolix i yʌlʌ. Woli la' sub ti tejclum chuqui tsa' la' wʌc'ʌ ti ofrenda, come che'ʌch yom la' pusic'al, winicob x'ixicob ti Israel. Che'ʌch woli' yʌl lac Yum Dios.

Sofonias 1:5

Mi' lon ñocchocoñob i bʌ ti calle cha'an mi' ch'ujutesañob jini q'uin yic'ot uw yic'ot ec'. Mi' lon tajoñob ti t'an che' woli' ch'ujutesañob Milcom.

Mateo 23:13

¡Mi caj la' taj wocol sts'ijbayajob yic'ot fariseojob! ¡Cha'p'ejl jax la' pusic'al! Come woli la' mʌctʌbeñob winicob x'ixicob i ti' ba' mi' yochelob ti' yumʌntel jini am bʌ ti panchan. Jatetla ma'anic mi la' wochel. Che' ja'el, ma'anic mi la' wʌc'ob ti ochel jini yomo' bʌ ochel.

Juan 13:18

Ma'anic mic pejcañetla ti la' pejtelel. Cujil majqui tsac yajca cha'an mi' ts'ʌctiyel i Ts'ijbujel Dios mu' bʌ i yʌl: “Jini tsa' bʌ i c'uxu waj quic'ot tsi' contrajiyon”. Che'ʌch ts'ijbubil.

Juan 18:28

Tsa' caji i pʌyob loq'uel Jesús ti' yotot Caifás. Tsi' pʌyʌyob majlel ti meloñibʌl. Wolix i sʌc'an pañimil. Ma'anic tsa' ochiyob ti meloñibʌl judíojob ame bib'acob, come yom i cha'leñob we'el che' ti Pascua.