Jeremias 6:7 - Chol: I T’an Dios

⁷ Che' bajche' mi' bujlel loq'uel ja' ti' loq'uib, che' ja'el mi' loq'uel jontolil ti' pusic'al jini año' bʌ ti Jerusalén. Ya' ti' bijlel tac mi' cha'leñob jats' yic'ot xujch'. Ti pejtelel ora mi cubibeñob i t'an jini lojwemo' bʌ yic'ot jini xc'amʌjelob.

Chol de Tumbalá Bible

⁷ Che' bajche' mi' bujlel loq'uel ja' ti' loq'uib, che' ja'el mi' loq'uel jontolil ti' pusic'al jini año' bʌ ti Jerusalén. Ya' ti' bijlel tac mi' cha'leñob jats' yic'ot xujch'. Ti pejtelel ora mi cubibeñob i t'an jini lojwemo' bʌ yic'ot jini xc'amʌjelob.

Jeremias 6:7 Iomraidhean Croise

Proverbios 4:23

Cʌntan a pusic'al ti jump'ejl jach, come bajche' jach an lac pusic'al che'ʌch añonla.

Isaias 1:6

C'ʌlʌl ti' la' xinjol yic'ot c'ʌlʌl ti' mal la' woc ma'anic la' c'oc'lel, lojwemetla, sit'iletla. Tsa' wen yʌx'a la' bʌc'tal, ñuqui ech'elix la' tsoy. Ma'anic majqui tsi' pixbeyetla. Ma'anic majqui tsi' bombeyetla ti aceite mi ti ts'ac cha'an mi' lajmel i c'uxel.

Isaias 57:20

Pero jini mu' bʌ i contrajiñoñob lajalobʌch bajche' colem ñajb, mu' bʌ i wec'ulan i bʌ, mach bʌ ñʌch'ʌlic an. Mi' yʌc' ti tejchel i lumil yic'ot i bibi'al.

Isaias 59:6

Mi la' cha'len xujch'. Mi la' chilbeñob i chubʌ'an la' pi'ʌlob. Pero ma'anic mi' coltañetla come jontol la' melbal. Mi la' p'ol wocol ti pejtelel la' melbal. Mi la' c'ʌn la' c'ʌb cha'an jontolil. Bʌxetla ti jontolil.

Jeremias 20:8

Come belel ora che' mic pejcañob, wersa mic subeñob ti c'am bʌ t'an: Tal guerra. Muc'ʌch i jisañonla, cho'on. Che' jini cabʌl mi' p'ojlel c wocol ti' tojlelob cha'an ts'a' mi' yubiñob a t'an c Yum.

Jeremias 30:12

Wen tam a lojwel. Mach yujilic lajmel. Wen wocol jax ma' wubin.

Jeremias 30:13

Ma'anic majqui mi caj i coltañet che' mic melet. Lolom jach ma' cʌch a bʌ ya' ba' lojwemet, come ma'anic i ts'ʌcal.

Jeremias 30:15

¿Chucoch woliyet ti uq'uel cha'an lojwemet? Mach lajmix a wocol, come cabʌl a mul. Wen jontolet. Jini cha'an tsa cʌc'ʌyet ti wocol.

Jeremias 32:31

Ti jini q'uin che' bʌ tsi' wa'chocoyob ili tejclum c'ʌlʌl wʌle mich'on cha'an i mul. Jini cha'an mi caj c chocob ba' ma'anix mic chʌn q'uelob.

Jeremias 8:22

¿Mach ba anic ts'ac ti Galaad? ¿Mach ba anic sts'ʌcaya? ¿Chucoch ma'anic mi' lajmelob jini c'uxbibilo' bʌ c pi'ʌlob?

Ezequiel 21:29

Come jini payxo bʌ x'alt'añob la' cha'an woli' subeñetla lot ti' c'aba' la' dioste' tac. Woli' lon alob mi caj la' coltʌntel che' mi' tilelob jini ch'oyolo' bʌ ti Babilonia. Che' jini woli' yʌq'uetla ti chʌmel ti espada. Jini espada mi caj i jisañetla ti' q'uiñilel toj mulil.

Ezequiel 24:7

Come ti pam xajlel tsa' bec'beyob i ch'ich'el jini tsʌnsʌbilo' bʌ. Ma'anic tsa' beq'ue ti lum ba' mi' mujlan jini ts'ubejn.

Ezequiel 45:9

Che'ʌch woli yʌl lac Yum Dios: Yumʌlo' bʌ ti Israel, jasʌlix tsa' la' mele mulil. Cʌyʌxla jini leto yic'ot xujch'. Melexla chuqui toj. Cʌyʌxla la' tic'lan c tejclum, che' woli' yʌl lac Yum.

Ezequiel 7:11

Cabʌl tsa' p'ojli i jontolil yumʌlob yic'ot wen chumulo' bʌ, pero mi caj i laj jilelob yic'ot i t'an yic'ot i chubʌ'an. Ma'anic majch mi caj i cʌytʌl i yuc'tañetla.

Ezequiel 7:23

Mele cadena come laj yujilob tsʌnsa yic'ot leto wʌ' ti jini lum yic'ot ti Jerusalén. Jini cha'an cʌchʌl mi caj c chocob majlel.

Sofonias 3:1

Mi caj la' toj la' mul añet bʌ la ti Jerusalén. Pʌjq'uemetla ti mulil.