Jeremias 6:6 - Chol: I T’an Dios

⁶ I Yum Panchan yic'ot Pañimil woli' yʌl: Seq'uela jubel te'el tac cha'an mi la' cha'len jats'. Much'quinla lum ti' joytʌlel jini tejclum Jerusalén. Laj xaxabil ti jontolil. Wersa mi caj i toj i mul.

Chol de Tumbalá Bible

⁶ I Yum Panchan yic'ot Pañimil woli' yʌl: Seq'uela jubel te'el tac cha'an mi la' cha'len jats'. Much'quinla lum ti' joytʌlel jini tejclum Jerusalén. Laj xaxabil ti jontolil. Wersa mi caj i toj i mul.

Jeremias 6:6 Iomraidhean Croise

Isaias 37:33

Ma'anic mi caj i yochel ti Jerusalén jini rey ch'oyol bʌ ti Asiria. Ma'anic mi caj i wis choc ochel i te'el i jalʌjb. Mach talic yic'ot i mʌctijib cha'an mi' contrajin. Mach muq'uic i ñʌcchocon tec'oñib cha'an mi' letsel ochel.

Jeremias 20:8

Come belel ora che' mic pejcañob, wersa mic subeñob ti c'am bʌ t'an: Tal guerra. Muc'ʌch i jisañonla, cho'on. Che' jini cabʌl mi' p'ojlel c wocol ti' tojlelob cha'an ts'a' mi' yubiñob a t'an c Yum.

Jeremias 22:17

Pero mach lajaletic bajche' a tat. Pejtel chuqui tac ma' q'uel yic'ot pejtel chuqui tac ma' mulan ma' wersa ch'ʌm, anquese mach tojic bajche' ma' taj. Ma' wʌc' ti chʌmel jini mach bʌ anic i mul. Ma' tic'lan a pi'ʌlob. Ma' chilbeñob i chubʌ'an.

Jeremias 32:24

Awilan jini xguerrajob woli' wa'chocoñob bujtʌl tac ti' t'ejl ts'ajc cha'an mi' yochelob i t'uchtan jini tejclum. Cha'an ti' caj jini espada, yic'ot jini wi'ñal, yic'ot c'amʌjel, woli' yʌjq'uel ili tejclum ti' c'ʌb jini caldeojob laj contrajob. Wolix ti ujtel che' bajche' tsa' wʌlʌ. Awilan wolix a q'uel.

Jeremias 32:31

Ti jini q'uin che' bʌ tsi' wa'chocoyob ili tejclum c'ʌlʌl wʌle mich'on cha'an i mul. Jini cha'an mi caj c chocob ba' ma'anix mic chʌn q'uelob.

Jeremias 33:4

Lac Yum, i Dios Israel, tsi' yʌlʌ: Jejmenix jini otot tac wʌ' ti tejclum yic'ot ja'el i yotot i reyob Judá. Tsi' jemeyob cha'an mi' mʌctʌbeñob i yespada i contrajob ya' ba' tsi' meleyob bujtʌl tac ti' t'ejl jini ts'ajc.

Jeremias 39:1

I bolomp'ejlel jab che' woli ti yumʌl Sedequías rey bʌ ti Judá tsa' tili ti guerra jini rey Nabucodonosor yic'ot pejtel i winicob ti' contra Jerusalén. Tsi' joyoyob.

Jeremias 5:29

¿Mach ba muq'uic i tojob i mul? che'en lac Yum. Joñon mi caj cʌq'ueñob i toj i mul jini tejclum.

Jeremias 5:9

¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Ezequiel 4:2

Yom ma' pʌs jini lum yic'ot i corrʌlel ti' joytʌlel. Ti wi'il yom ma' wa'chocon chan bʌ ts'ajc yic'ot q'ueloñib ti' pat corral yic'ot colem xajlel yic'ot cabʌl soldadojob. Ya' ti' joytʌlel yom ma' wʌc' jini e'tijibʌl tac cha'an guerra.

Ezequiel 5:5

Lac Yum Dios woli' yʌl: Jiñʌch i yejtal chuqui mi caj i yujtel ti Jerusalén, come tsi' q'uextayob c mandar cha'an mi' socob i bʌ che' bajche' yambʌ tejclumob. Ñumen jontol tsi' meleyob bajche' yaño' bʌ año' bʌ ti' joytʌlel. Ma'anic tsi' subeyoñob wocolix cʌlʌ.

Daniel 11:15

Jini rey ti Siria mi caj i cha' chajpan i winicob, ñumen on che' bajche' ti ñaxan. Mi cajel i joy mʌctañob jini p'ʌtʌl bʌ tejclum am bʌ ti Egipto. Mi caj i mʌjlel i cha'an.

Sofonias 3:1

Mi caj la' toj la' mul añet bʌ la ti Jerusalén. Pʌjq'uemetla ti mulil.

Lucas 19:43

Mi caj i tajetla yan tac bʌ q'uin che' mi caj i top'ob lum ti la' joytilel la' contrajob. Mi caj i joyetla. Mi caj i mʌctañetla ti jujunwejl.