Jeremias 6:5 - Chol: I T’an Dios

⁵ Conla. La' lac jats' che' ac'ʌlelix. La' lac jisʌbeñob i yotot jini ñuc bʌ yumʌlob”, che'ob.

Chol de Tumbalá Bible

⁵ Conla. La' lac jats' che' ac'ʌlelix. La' lac jisʌbeñob i yotot jini ñuc bʌ yumʌlob”, che'ob.

Jeremias 6:5 Iomraidhean Croise

2 Cronicas 36:19

Jini soldadojob tsi' pulbeyob i Templo Dios. Tsi' laj jemeyob jini ts'ajc am bʌ ti' joytʌlel Jerusalén. Tsi' laj puluyob pejtelel jini colem otot. Tsi' jisayob pejelel jini uts'at bʌ i bʌl Templo.

Salmos 48:3

Ya' ti colem otot tac am bʌ ti Sion Dios tsi' pʌsʌ i bʌ. Jiñʌch la caj Coltaya.

Isaias 32:14

Mi caj i jochtiyel jini colem bʌ i yotot rey ba' wen chumulob. Jini chan bʌ q'ueloñib am bʌ ti ojlil tejclum mi caj i sujtel ti ch'en. Ya'i mi caj i pam cha'leñob buc'bal burro yic'ot chivo,

Jeremias 17:27

Pero mi mach la' womic la' jac'beñon, mi mach ch'ujulic i yorajlel c'aj o ti la' wut, mi mux caj la' wersa ch'ʌm ochel la' cuch ti' ti' Jerusalén che' bajche' ti yan tac bʌ q'uin ti semana, che' jini mi caj c tsuc' c'ajc ti' ti' tac tejclum. Mux i pam ñumel cha'an mi' lu' jisan jini otot tac yic'ot ja'el i yotot tac reyob. Mach yajpic jini c'ajc”. Che' yom mi la' subeñob, che'en lac Yum.

Jeremias 52:13

Tsi' pulu i yotot lac Yum yic'ot i yotot jini rey, yic'ot pejtelel otot ti Jerusalén. Tsi' laj puluyob jini colem otot wen melbil tac bʌ.

Jeremias 52:7

Jini caldeojob tsa' majli i ts'ita' jamben ts'ajc ti' joytʌlel tejclum cha'an mi' yochelob. Pejtel jini soldadojob ti Jerusalén tsa' puts'iyob. Tsi' cʌyʌyob jini tejclum che' ac'ʌlelix. Tsa' ñumiyob ti mucul bij am bʌ ti' yojlil cha'p'ejl ts'ajc ya' ti' pʌc'ʌb jini rey. Ya' añob caldeojob ti' joytʌlel tejclum.

Jeremias 9:21

Come ochemix laj contra ti la cotot. Tsa'ix ochi ti ventana cha'an mi' tsʌnsan la calobilob, jini i t'ojolob jax bʌ. Ma'anix alp'eñelob ti bij. Ma'anix mi' cha'leñob alas. Ma'anix mi' tempañob i bʌ ch'iton winicob ti plaza.

Oseas 8:14

Tsa' ñajʌyiyon ti' pusic'al israelob. Tsi' meleyob colem otot. Judá ja'el tsi' mele cabʌl tejclum tac joyol bʌ ti ts'ajc ba' mi' lon ñopob i coltañob i bʌ. Pero ma'anix mi' chʌn ña'tañon jini israelob yic'ot judíojob. Mi caj c laj jisañob ti c'ajc. Che' tsi' yʌlʌ lac Yum.

Amos 2:5

Jini cha'an mi caj c choc tilel c'ajc ya' ti Judá. Mi caj c laj pulben jini wen melbil tac bʌ i yotot ti Jerusalén.

Abdias 1:1

Jiñʌch tsa' bʌ i q'uele Abdías ti espíritu. Lac Yum Dios tsi' cha'le t'an ti' contra Edom. Jiñʌch tsa' bʌ la cubi tilem bʌ ti lac Yum. Tsi' choco tilel i winic ti' tojlel winicob x'ixicob ti jujump'ejl lum. Tsi' yʌlʌ jini subt'an: Ch'ojyenla. Conla ti guerra ti' contra Edom, che'en.

Zacarias 11:1

Obol la' bʌ añet bʌ la ti Líbano. Yom mi la' jam i ti' tac la' lumal, come mi caj i tejchel meloñel. Mi' caj ti pulel jini ch'ujte' tac.