Jeremias 6:4 - Chol: I T’an Dios

⁴ Wolix i tejchel guerra, talob i contrajiñet. Mi' yʌlob: “Conla cha'an mi laj c'otel che' ti xinq'uiñil. Obol lac bʌ, come wolix ti bʌjlel q'uin. Wolix i tam'an axñal.

Chol de Tumbalá Bible

⁴ Wolix i tejchel guerra, talob i contrajiñet. Mi' yʌlob: “Conla cha'an mi laj c'otel che' ti xinq'uiñil. Obol lac bʌ, come wolix ti bʌjlel q'uin. Wolix i tam'an axñal.

Jeremias 6:4 Iomraidhean Croise

Job 7:2

Jal mic pijtan cha'an mi' bʌjlel majlel q'uin. Lajalon bajche' x'e'tel jal bʌ mi' pijtan i tojol cha'an i ye'tel.

Cantares 2:17

jinto che' mi' sʌc'an pañimil, che' ma'anix axñal. La', c'uxbibil bʌ c cha'an, sutq'uin a bʌ. La' ti tijp'el che' bajche' alʌme' ti jini wits mu' bʌ i t'oxonla.

Jeremias 15:8

Tsac p'ojlesa meba' x'ixicob. Lajalob ti tsic che' bajche' i ji'il colem ñajb. Che' ti xinq'uiñil tsac chilbeyob jini ch'iton bʌ winicob. Tsac bʌc' chocbeyob tilel cabʌl i ch'ijiyemlel i pusic'al. Tsa' toj sajtiyob i pusic'al ti bʌq'uen.

Jeremias 15:9

Meba'ix jini x'ixic tsa' bʌ i cʌnta wuctiquil i yalobilob. Laj chʌmeñobix. C'unix pañimil. Ma'anix tijicña bʌ. Bʌjlemix q'uin yubil che' xinq'uiñil to. Ts'a'lebilix, wolix ti quisin, come ma'anix i yalobil. Mi caj cʌc' i colojbal winicob ti' wenta i contrajob cha'an mi' chʌmelob ti espada, che'en lac Yum.

Jeremias 5:10

Cucu ti ts'usubil tac, pero mach ma' lu' jisan. Loc'sʌben i c'ʌb te', come mach i cha'anic lac Yum.

Jeremias 6:23

Wen yujilob julbʌl. Chuculob i cha'an espada. Jontolob. Mach yujilobic p'untaya. Ju'ucñayob ti t'an che' bajche' colem ñajb. C'ʌchʌlob woli' tilelob, chajpʌbilob cha'an guerra. Mi caj i contrajiñet, xch'oc bʌ calobil Sion, che'en lac Yum.

Jeremias 8:20

Tsa'ix ñumi i yorajlel c'ajbal. Tsa'ix ñumi i yorajlel ticwal, pero mach coltʌbilonic la.

Joel 3:9

Subeñob ti pejtelel pañimil: “Chajpan la' bʌ cha'an guerra. Pʌyʌla wen ch'ejl bʌ soldadojob. Tempanla pejtelel la' soldadojob.

Abdias 1:1

Jiñʌch tsa' bʌ i q'uele Abdías ti espíritu. Lac Yum Dios tsi' cha'le t'an ti' contra Edom. Jiñʌch tsa' bʌ la cubi tilem bʌ ti lac Yum. Tsi' choco tilel i winic ti' tojlel winicob x'ixicob ti jujump'ejl lum. Tsi' yʌlʌ jini subt'an: Ch'ojyenla. Conla ti guerra ti' contra Edom, che'en.

Miqueas 3:5

Lac Yum i contrajʌch jini x'alt'añob mu' bʌ i socbeñob i pensar winicob. Jini x'alt'añob mi' pejcañob ti uts bʌ t'an jini winicob mu' bʌ i yʌq'ueñob i bʌl i ñʌc': “Yom mi la' wʌq'uentel la' wenlel. Ñʌjch'enla”, che'ob. Pero mi' p'ajob jini winic mach bʌ anic mi' yʌq'ueñob.

Sofonias 2:4

Jochol mi caj i cʌytʌl Gaza yic'ot Ascalón. Mi caj i laj jisʌntel Asdod ti jump'ejl jach q'uin. Mi caj i bojquel loq'uel Ecrón.