Jeremias 6:16 - Chol: I T’an Dios

¹⁶ Lac Yum woli' yʌl: Wa'i'la ba' mi' rusin i bʌ bij cha'an mi la' q'uel. C'ajtibenla xñumelob baqui an jini wen bʌ bij, jini oñiyix bʌ. Ya' yom mi la' cha'len xʌmbal cha'an mi la' taj i tijicñʌyel la' pusic'al. Pero tsi' yʌlʌyob: “Mach comic lojon xʌmbal ya'i”, che'ob.

Chol de Tumbalá Bible

¹⁶ Lac Yum woli' yʌl: Wa'i'la ba' mi' rusin i bʌ bij cha'an mi la' q'uel. C'ajtibenla xñumelob baqui an jini wen bʌ bij, jini oñiyix bʌ. Ya' yom mi la' cha'len xʌmbal cha'an mi la' taj i tijicñʌyel la' pusic'al. Pero tsi' yʌlʌyob: “Mach comic lojon xʌmbal ya'i”, che'ob.

Jeremias 6:16 Iomraidhean Croise

1 Reyob 8:36

ñich'tʌbeñob i t'an ya' ti panchan. Ñusʌbeñob i mul a winicob israelob. Cʌntesañob ti jini wen bʌ bij. Cha' choco tilel ja'al ti ili lum tsa' bʌ a wʌq'ueyob.

2 Cronicas 19:11

Na'tan ja'el, an ti' wenta jini ñuc bʌ motomaj Amarías cha'an mi' meletla ti' tojlel lac Yum, pero Zebadías (i yalobil Ismael) am bʌ i ye'tel ti Judá mi caj i meletla ti' tojlel jini rey. Jini levíjob mi caj i coltañetla. Cha'len la' we'tel ti xuc'ul. Lac Yum mi caj i wen coltañetla, che'en Josafat.

Salmos 116:7

La' sujticon ti pejtelel c pusic'al ba' mij c'aj co, Come c Yum tsi' wen pʌsbeyon i yutslel.

Isaias 2:5

Conla winicob, i yalobiletla Jacob. La' lac cha'len xʌmbal ti' sʌclel lac Yum.

Isaias 28:12

Diosʌch tsa' bʌ i wʌn subeyob: Ubinla c t'an come jiñʌch i ñʌch'tilel la' pusic'al. Che' jini mux caj la' c'aj la' wo, che'en Dios. Pero mach yomobic. Ma'anic tsi' jac'ʌyob.

Isaias 30:21

Che' mi la' ts'ita' xoy la' bijlel mi ti la' ts'ej mi ti la' ñoj, mi caj la' wubin T'an ti la' pat mu' bʌ i yʌl: Mach ya'ic yom. Wʌ jach an jini bij. Wʌ' yom mi la' cha'len xʌmbal, che'en.

Isaias 46:9

Ña'tanla c melbal ti' tojlel Israel ti wajali. Dioson. Joñon jach Dioson. Ma'anic yambʌ.

Isaias 57:2

Mi' tajob i ñʌch'tʌlel i pusic'al jini tojo' bʌ mu' bʌ i chʌmelob. Mi' c'ajob i yo.

Isaias 8:20

Ña'tanla chuqui ts'ijbubil ti' T'an Dios. Ubinla i t'an: Majqui jach mi' contrajin c t'an jiñʌch payxo x'alt'an. Mach chocbilic tilel c cha'an, come ma'anic i c'ʌc'al. Mach i sujmic i t'an.

Jeremias 12:16

Mi yomob i ñopon ti pejtelel i pusic'al cha'an mi' jac'ob c mandar che' bajche' tsaj cʌntesa c winicob, che' jini c cha'añobix. Temel yic'ot c winicob mi caj j coltañob mi tsi' junyajlel cʌyʌyob Baal cha'an mi' tsajcañoñob cha'an mi' q'ueloñob ti ñuc. Ti yambʌ ora tsi' tsajcayob Baal. Che'ʌch tsi' cha'leyob cʌntesa ja'el.

Jeremias 18:12

Pero mi' yʌlob: “Lolom jach ma' pejcañon lojon. Wersa com c mel lojon bajche' wolic ña'tan lojon. Wersa com c mel lojon jontolil bajche' jach yom lojon c pusic'al”, che'ob.

Jeremias 18:15

Pero ma'anic i xuc'tʌlel c tejclumob. Tsa'ix i cʌyʌyoñob. Woli' pulbeñob pom jini mach bʌ Diosic. Mach uts'atic tsi' q'ueleyob jini toj bʌ bij tsa' bʌ c pʌsbeyob c'ʌlʌl ti oñiyi. Tsi' xoyoyob i bijlel. Woliyob ti xʌmbal ti yambʌ bij tac cha'an yomob mulil.

Jeremias 2:25

Tsajaletme ame i tajet wocol. Come mux caj a wubin wocol che' pits'il a woc, che' tiquin a ti'. Pero wola' wʌl: “Lolom jach ma' tic'on. Wersa com c chʌn mel che' bajche' mi' melob jini parte bʌ i t'añob, come c'ux mi cubiñob”, che'et.

Jeremias 22:21

Che' wen chumulet, che' wen cabʌl a chubʌ'an, tsac subeyet tsajaletme. Tsa' wʌlʌ: “La' ajnicon”, che'et. A tilel che'ʌch ma' mel c'ʌlʌl che' ch'itoñet to. Mach a womic a ñich'tañon.

Jeremias 31:21

Cha' ña'tan i bijlel a lumal. Ac'ʌ seña tac ti bij cha'an toj mi' majlelob a pi'ʌlob. Chajpan a bʌ cha'an ma' cha' sujtel ti jini jach bʌ bij ba' tilemet. Cucux xch'oc bʌ calobil, Israel. Sujten ti ili tejclum tac.

Jeremias 42:3

C'ajtiben a Yum Dios cha'an mi' subeñon lojon baqui yom mic majlel lojon. C'ajtiben cha'an mi' cʌntesañon lojon chuqui yom mic mel lojon, che'ob.

Jeremias 44:16

Mach tilemic ti Dios jini t'an woli bʌ a subeñon lojon. Ma'anic mi caj c jac' lojon.

Jeremias 50:5

Mi caj i c'ajtiñob majlel i bijlel Sion. “Conla”, che'ob. “La' lac ñochtan lac Yum. La' la cʌq'uen lac bʌ ti trato mach bʌ yujilic jejmel ti pejtelel ora”, che'ob. Che' yom ma' subeñob, che'en lac Yum.

Jeremias 7:23

Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

Jeremias 7:24

Pero ma'anic tsi' ñich'tayob c t'an. Ma'anic tsi' jac'ʌyob. Tsi' chʌn cha'leyob xʌmbal che' bajche' yomob i bajñel pusic'al. Tsʌtsob i pusic'al. Jontol bajche' tsi' meleyob. Tsi' tʌts'ʌyob i bʌ. Ma'anic tsi' lʌc'tesayob i bʌ.

Jeremias 7:3

Lac Yum woli' yʌl: Mele la' pusic'al. Ñopoxla chuqui wen. Mi tsa' la' cʌyʌ la' jontolil mij coltañetla cha'an mi la' chʌn ajñel wʌ' ti la' lumal.

Malaquias 4:4

Yom mi la' jac' jini mandar tsa' bʌ cʌq'ue c winic Moisés ya' ti wits Horeb cha'an mi' cha' subeñob israelob.

Lucas 16:29

Abraham tsi' sube: “An i cha'añob i jun Moisés yic'ot x'alt'añob. La' i yubibeñob i t'an”, che'en.

Juan 12:35

Jesús tsi' subeyob: Mach jalix wʌ'an i sʌclel pañimil la' wic'ot. Cha'lenla xʌmbal che' anto i sʌclel pañimil la' wic'ot ame mi' tajet ic'ch'ipan bʌ pañimil, come jini mu' bʌ i cha'len xʌmbal ti ic'ch'ipam bʌ pañimil mach yujilic baqui mi' majlel.

Juan 13:17

Mi la' wujilʌch chuqui tsac subeyetla, tijicñayetla che' mi la' mel.

Juan 5:39

Cabʌl woli la' lon q'uel i Ts'ijbujel Dios, come ya' mi la' ña'tan la' taj la' cuxtʌlel mach bʌ anic mi' jilel. Pero wen q'uelela come jiñʌch mu' bʌ i yʌc'on ti cʌjñel.

Hechos 17:11

Jini año' bʌ ti Berea ñumen weñob bajche' jini año' bʌ ti Tesalónica come ti jump'ejl jach i pusic'al tsi' jac'ʌyob jini t'an. Ti jujump'ejl q'uin tsi' wen q'ueleyob i Ts'ijbujel Dios cha'an mi' ña'tañob mi isujm chuqui tsa' subentiyob.

Romanos 4:12

I tatʌch ja'el jini tsepbilo' bʌ i pʌchʌlel mu' bʌ i ñopob. Mach cojic jach tsi' ch'ʌmʌyob tsep pʌchʌlel, pero tsi' ñopoyob. Che' jini woli' tsajcañob lac tat Abraham tsa' bʌ i ñopo Dios che' maxto tsepbilic i pʌchʌlel.

Deuteronomio 32:7

Ña'tanla bajche' añetla ti wajali. C'ajtiben la' tat yic'ot jini xñoxob Cha'an mi' tsictesʌbeñetla.

Colosenses 2:6

Jini cha'an che' bajche' tsa' la' ñopo lac Yum Jesucristo, che' ja'el chʌn ajñenla ti Cristo.

Hebreos 11:2

Che'ʌch tsi' ñopoyob Dios jini winicob ti oñiyi. Jini cha'an Dios tsi' q'ueleyob ti uts'at.

Hebreos 6:12

Mach comic lojon mi la' lij la' bʌ. Tsajcanla majlel jini woli bʌ i yʌq'uentelob pejtelel jini albil bʌ i cha'an Dios, come mi' chʌn cha'leñob pijt ti' xuc'tʌlel i pusic'al woli bʌ i ñopob.

Juezob 2:17

Pero ma'anic tsi' jac'beyob i yaj coltayajob ja'el. Tsi' tsajcayob dios tac. Tsi' ch'ujutesayob. Tsi' bʌc' cʌyʌyob jini bij tsa' bʌ i xʌñʌyob majlel i ñojte'elob tsa' bʌ i jac'beyob i mandar lac Yum. Ma'anic tsi' jac'beyob lac Yum.