Jeremias 6:12 - Chol: I T’an Dios

¹² Mi caj i chilbentelob i yotot yic'ot i jamil yic'ot i yijñamob. Mi caj i ch'ʌmob i contrajob. Joñon mi caj cʌq'ueñob i toj i mul jini chumulo' bʌ ti jini lum, che'en lac Yum.

Chol de Tumbalá Bible

¹² Mi caj i chilbentelob i yotot yic'ot i jamil yic'ot i yijñamob. Mi caj i ch'ʌmob i contrajob. Joñon mi caj cʌq'ueñob i toj i mul jini chumulo' bʌ ti jini lum, che'en lac Yum.

Jeremias 6:12 Iomraidhean Croise

1 Cronicas 21:16

Che' bʌ tsi' ts'ita' letsa i wut David ti panchan, tsi' q'uele ya' wa'al i yángel lac Yum ya' ti yojlil pañimil, bots'bil i cha'an i yespada ti' c'ʌb cha'an mi' jisan jini año' bʌ ti Jerusalén. David yic'ot jini xñox taco' bʌ ya' ti tejclum tsi' ñocchocoyob i bʌ. Tsi' lʌpʌyob coxtal.

Isaias 10:4

Ma'anic mi caj j coltañetla. Mi caj la' mucul wutstʌl yic'ot xñujp'elob. Mi caj la' yajlel yic'ot jini tsʌnsʌbilo' bʌ. Anquese cabʌl la' wocol mach lajmic i mich'ajel lac Yum. Sʌts'ʌl to i c'ʌb cha'an mi' chʌn tic'lañetla.

Isaias 5:25

Jini cha'an mich'ix lac Yum ti' tojlel i cha'año' bʌ. Tsa'ix i sʌts'ʌ i c'ʌb cha'an mi' yʌq'ueñob i toj i mul. Jini wits tac mi' ñijcan i bʌ. P'ulul mi caj i cʌytʌlob jini ch'ujlelʌlob che' bajche' misujelʌl ti calle. Anquese cabʌlix i wocol, pero maxto lajmic i mich'lel lac Yum. Mu' to caj i chʌn aq'ueñob wocol.

Isaias 9:17

Jini cha'an lac Yum ma'anic mi' p'untan jini ch'iton winicob. Ma'anic mi' p'untan meba' x'ixicob yic'ot meba' alʌlob, come ti pejtelelob mi' cha'leñob lot. Leco jax i t'an. Jini cha'an maxto lajmic i mich'ajel lac Yum. Sʌts'ʌl to i c'ʌb cha'an mi' contrajiñob.

Isaias 9:21

Manasés yic'ot Efraín mi caj i contrajiñob i bʌ. Ti cha'mojtlel mi caj i contrajiñob Judá. Anquese cabʌl mi' p'ojlel i wocol, mach lajmic i mich'ajel lac Yum. Sʌts'ʌl to i c'ʌb cha'an mi' tic'lañob.

Jeremias 15:6

Tsa' cʌyʌyon, che'en lac Yum. Woli a chʌn tʌts' a bʌ tic tojlel. Jini cha'an tsac sʌts'ʌ j c'ʌb cha'an mic jisañet. Mach chʌn comix j cuch a mul. Wocol jax mi cubin.

Jeremias 21:5

Tic bajñel p'ʌtʌlel mi caj j contrajiñetla. Mi caj c jats'etla ti cabʌl c mich'ajel cha'an wen mich'on.

Jeremias 38:22

Tsaj q'uele pejtel jini x'ixicob tsa' bʌ cʌleyob ti' yotot jini rey ti Judá. Tsa' laj pʌjyiyob loq'uel ti' wenta jini yumʌlob chocbilo' bʌ tilel i cha'an i rey Babilonia. Jini yumʌlob tsi' subeyob: “Tsa' la' ñopbe i t'an la' pi'ʌlob, pero tsa' jach i lotiyetla. Jini cha'an ma'anic la' coltʌntel. Che' bʌ tsi' q'ueleyetla ti wocol, tsi' cʌyʌyetla”, che'ob.

Jeremias 38:23

Ña'tan che' jini, mi caj i pʌjyelob loq'uel ti a wotot pejtel a wijñamob yic'ot a walobilob ti' wenta jini caldeojob. Jatet ja'el ma'anic mi caj a colel ti' c'ʌbob. Jini rey am bʌ ti Babilonia mi caj i chuquet ti' c'ʌb. Mi caj i pul ili tejclum. Che' tsi' yʌlʌ Jeremías.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Jeremias 8:10

Jini cha'an mi caj cʌc' ti tic'lʌntel i yijñamob ti' tojlel i contrajob. Mi caj i chilbeñob i lum cha'an i mul, come wen yujilob lot pejtel winicob x'ixicob, jini ñuco' bʌ yic'ot jini ch'o'ch'oco' bʌ, jini x'alt'añob yic'ot motomajob.

Lamentaciones 2:8

Lac Yum tsi' yʌc'ʌ ti jisʌntel i ts'ajquil Sion che' bajche' tsi' wʌn ña'ta ti' pusic'al. Tsi' yotsʌbe i mojonlel tejclum ba' jaxʌl mi' jisʌntel. Jini cha'an tsa' yajli ts'ajc ti' tojlel.

Lamentaciones 3:3

Isujm tsa'ix sujti tij contra. Woli' yʌc'on ti wocol ti q'uiñil yic'ot ti ac'ʌlel.

Lamentaciones 5:11

J contrajob tsi' tic'layob x'ixicob ti Sion yic'ot xch'ocob ti Judá.

Lamentaciones 5:2

Tsa' ochiyob yaño' bʌ tic lum lojon tsa' bʌ a wʌq'ueyon lojon. Jini ñajt bʌ ch'oyolob tsi' chilbeyon lojon cotot.

Lamentaciones 5:3

Tsa' sujtiyon lojon ti meba'. Ma'añobix c tat lojon. Meba' x'ixicob c ña' lojon.

Ezequiel 35:3

Che'ʌch yom ma' subeñob: “Lac Yum Dios woli' yʌl: Wʌle wolix j contrajiñetla añet bʌ la ti wits i c'aba' Seir. Mux caj c jats'etla tij c'ʌb. Jochocña mi caj i cʌytʌl la' lumal.

Ezequiel 7:24

Mi caj c pʌy tilel jini xjontolilob ti yambʌ tejclum tac cha'an mi' lu' chilbeñob i yotot. Che'i mi caj c peq'uesan jini ñuco' bʌ ti pañimil. Mi caj cʌc' ti bib'esʌntel i yotlel tac i diosob.

Miqueas 2:4

Ti jim bʌ ora mi caj i wajleñetla la' contrajob. Mi caj i tse'tañetla che' ch'ijiyem mi la' cha'len uq'uel. Mi caj la' wʌl: “Junyajlel jisʌbilonixla. Isujm lac Yum tsa'ix i laj chilbeyonla lac lum. Tsi' cha' t'oxbeyob yaño' bʌ. Tsa'ix i chocoyonla majlel ti ñajtʌl”. Che'ʌch mi caj la' wuc'tan la' bʌ, che'en lac Yum.

Sofonias 1:13

Jini cha'an mi caj i laj chilbentelob i chubʌ'an che' mi' tilelob i contrajob. Jochol mi caj i cʌytʌl i yototob. Jini mu' bʌ i wa'chocoñob i yotot ma'anic mi caj i chumtʌlob ya'i. Jini mu' bʌ i pʌc'ob i ts'usub ma'anic mi caj i japob i ya'lel ts'usub.

Sofonias 1:4

Mi caj cʌq'ueñob wocol ya' ti Judá yic'ot ti Jerusalén. Mi caj c laj jisan jini mu' bʌ i ch'ujutesañob Baal yic'ot i motomajob. Ma'anix mi caj i chʌn ña'tʌntelob i c'aba'.