Jeremias 6:11 - Chol: I T’an Dios

¹¹ Jini cha'an an i mich'ajel Dios tic pusic'al. Mach chʌn cujchix c cha'an. Mi caj c mich'len Jerusalén. La' i yubiñob wocol jini alp'eñelob woliyo' bʌ ti alas ti bij yic'ot jini ch'iton winicob woli bʌ i tempañob i bʌ. Mi caj i cʌjchelob majlel winicob yic'ot i yijñamob, jini xñoxo' bʌ ja'el yic'ot jini mach bʌ añobix i p'ʌtʌlel.

Chol de Tumbalá Bible

¹¹ Jini cha'an an i mich'ajel Dios tic pusic'al. Mach chʌn cujchix c cha'an. Mi caj c mich'len Jerusalén. La' i yubiñob wocol jini alp'eñelob woliyo' bʌ ti alas ti bij yic'ot jini ch'iton winicob woli bʌ i tempañob i bʌ. Mi caj i cʌjchelob majlel winicob yic'ot i yijñamob, jini xñoxo' bʌ ja'el yic'ot jini mach bʌ añobix i p'ʌtʌlel.

Jeremias 6:11 Iomraidhean Croise

Isaias 40:30

Jini ch'itoñob mi' lujbañob. Jini ch'iton winicob mi' c'uñ'añob. Mi' jilel i wersa.

Jeremias 15:17

Ma'anic tsac pi'leyob ti alas jini xq'uiñijelob. Ma'anic tsa' ñuc'a c pusic'al quic'otob. C bajñel jach wʌ' chumulon cha'an añon ti a c'ʌb. Mich'on cha'an tsi' cʌyʌyetob.

Jeremias 15:6

Tsa' cʌyʌyon, che'en lac Yum. Woli a chʌn tʌts' a bʌ tic tojlel. Jini cha'an tsac sʌts'ʌ j c'ʌb cha'an mic jisañet. Mach chʌn comix j cuch a mul. Wocol jax mi cubin.

Jeremias 18:21

Jini cha'an, la' tsʌnsʌnticob ti espada. La' jilicob ti wi'ñal i yalobilob. La' sujticob ti meba' i yijñamob. La' jilic pejtel i yalobilob. La' chʌmicob jini winicob ti leco bʌ c'amʌjel. La' chʌmicob ti guerra jini ch'iton winicob.

Jeremias 20:9

Tsac lon ña'ta ma'anix mi caj c chʌn c'ajtesan Dios. Ma'anix mi caj c chʌn pejcan winicob ti' c'aba', lon cho'on, pero ya' jach tic pusic'al tsa' caji cubin i t'an che' bajche' c'ajc woli bʌ ti lejmel. Che' jini ma'anic tsa' mejliyon ti ñʌjch'el. Wersa tsac subu ti jamʌl.

Jeremias 5:9

¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Jeremias 9:20

Ubibeñob i t'an lac Yum, x'uq'uelob. Cʌntesanla xch'oc bʌ la' walobilob yic'ot jini lʌc'ʌlo' bʌ ti chumtʌl cha'an mi' yuc'tañob i lumal.

Jeremias 9:21

Come ochemix laj contra ti la cotot. Tsa'ix ochi ti ventana cha'an mi' tsʌnsan la calobilob, jini i t'ojolob jax bʌ. Ma'anix alp'eñelob ti bij. Ma'anix mi' cha'leñob alas. Ma'anix mi' tempañob i bʌ ch'iton winicob ti plaza.

Lamentaciones 1:15

Lac Yum tsi' jisʌbeyob i p'ʌtʌlel pejtel jini ch'ejlo' bʌ tic tojlel lojon. Tsi' pʌyʌ tilel jini ñajt bʌ ch'oyolob cha'an mi' jisañob jini ch'iton winicob. Lac Yum tsi' juch'teq'ue Judá che' bajche' mi lac pets'ben loq'uel i ya'lel ts'usub.

Lamentaciones 2:21

Q'ueleyob ya' ba' ñololob ti lum jini ñoxobix bʌ yic'ot ch'iton winicob yic'ot xch'ocob. Laj tsʌnsʌbilob ti espada cha'an i contrajob. Jatet tsa' tsʌnsayob cha'an mich'et, c Yum. Tsa' tsʌnsayob, ma'anic tsa' p'untayob.

Ezequiel 3:14

Jini Espíritu tsi' ch'uyuyon majlel ya' ti Tel Abib am bʌ ti' ti' ñoj ja' i c'aba' Quebar. Ya' añob c pi'ʌlob tsa' bʌ cʌjchiyob majlel. Wen ch'ijiyemon cha'an jini wocol tsa' bʌ i pʌsbeyon lac Yum. Wucp'ejl q'uin tsa' ajniyon yic'otob che' ma'añonic ti pañimil yubil, che' toj sajtem c pusic'al.

Ezequiel 9:6

Laj tsʌnsanla jini xñoxob yic'ot ch'itoñob yic'ot xch'ocob yic'ot alobob yic'ot x'ixicob. Tsʌnsanla ti pejtelelob jinto mi' laj jilelob. Pejtelel jini año' bʌ i marcajlel ti' pam, mach yomic mi la' tic'lan. Techela ya' ti Templo, che'en. Jini cha'an ñaxan tsi' tsʌnsayob jini lujuntiquil i chʌnc'al (70) xñoxob año' bʌ ti Templo.

Miqueas 3:8

Pero joñon but'ulon ti' p'ʌtʌlel i Ch'ujlel lac Yum cha'an mic tsictesʌbeñob i mul jini israelob. Dios mi caj i yʌq'ueñob i toj i mul.

Lucas 17:34

Mi' cajelob ti wʌyel cha'tiquil winicob ti jump'ejl wʌyibʌl ti jim bʌ ac'ʌlel. Mi caj i pʌjyel majlel juntiquil, yambʌ mi caj i cʌytʌl.

Hechos 17:16

Che' bʌ tsi' pijtayob ya' ti Atenas wen ch'ijiyem i pusic'al Pablo, come tsi' q'uele but'ul jini tejclum ti dioste'.

Hechos 18:5

Che' bʌ tsa' c'otiyob Silas yic'ot Timoteo, loq'uemo' bʌ ti Macedonia, Pablo woli' cha'len wersa subt'an ti Corinto. Tsi' chʌn sube judíojob Cristojʌch jini Jesús.

Hechos 4:20

Mach mejlic mij cʌy lojon ili t'an. Wersa mic sub lojon chuqui tsaj q'uele lojon yic'ot chuqui tsa cubi lojon, che'ob.

Apocalipsis 16:1

Tsa cubi wen c'am bʌ t'an loq'uem bʌ ti templo. Tsi' sube jini wuctiquil ángelob: Cucula. Beq'uela jubel ti lum i bʌl jini wucp'ejl taza but'ul bʌ ti' mich'ajel Dios, che'en.