Jeremias 6:10 - Chol: I T’an Dios

¹⁰ ¿Majqui mi caj c pejcan? ¿Majqui yom i yubin c t'an? Awilan laj mʌcʌlob i chiquin. Jini cha'an ma'anic mi' ch'ʌmbeñob isujm. Ts'a' mi' yubiñob c t'an i wenta a'leya. Leco mi' yubiñob.

Chol de Tumbalá Bible

¹⁰ ¿Majqui mi caj c pejcan? ¿Majqui yom i yubin c t'an? Awilan laj mʌcʌlob i chiquin. Jini cha'an ma'anic mi' ch'ʌmbeñob isujm. Ts'a' mi' yubiñob c t'an i wenta a'leya. Leco mi' yubiñob.

Jeremias 6:10 Iomraidhean Croise

Salmos 1:2

Ili winic mi' taj i tijicñʌyel ti' mandar lac Yum, Mi' chʌn ña'tan chuqui yom lac Yum ti q'uinil yic'ot ti ac'ʌlel.

Salmos 119:16

Tijicñayon cha'an a ts'ijbujel. Ma'anic mi' ñajʌyel a t'an tic pusic'al.

Salmos 119:174

C Yum, ti pejtelel c pusic'al, com ma' coltañon. Mic tijicñesan c pusic'al ti a t'an.

Salmos 119:24

Isujm, tijicña c pusic'al cha'an a t'an, Come mi' pʌsbeñon bajche' yom mic mel.

Salmos 119:35

Toj'esañon majlel ti a bijlel, Come tijicña mi cubin a mandar.

Salmos 119:70

Mach mejlicob i ch'ʌmbeñob isujm a t'an, Pero joñon tijicñayon cha'an a mandar.

Salmos 119:77

Yom ma' p'untañon cha'an cuxul mic chʌn ajñel, Come tijicña mi cubin cha'an a cʌntesa.

Salmos 40:8

C Dios tijicña wolic mel chuqui a wom. Lotol a mandar tic pusic'al.

Exodo 6:12

Pero Moisés tsi' sube lac Yum: Ma'anic tsi' jac'beyoñob jini israelob. ¿Bajche' mi' caj i jac'on Faraón? Mach wen cujilic t'an, che'en.

Isaias 42:20

Come an cabʌl chuqui mi la' q'uel, pero ma'anic mi' c'otel la' wut. Tocol la' chiquin, pero mach la' womic la' wubin c t'an, che'en.

Isaias 53:1

¿Majqui tsi' ñopo jini tsa' bʌ lac subu? ¿Majqui tsi' q'uelbe i p'ʌtʌlel lac Yum tsa' bʌ tsictiyi? Ma'anic jaytiquil.

Jeremias 4:4

Sʌq'uesan la' pusic'al, mach jinic jach la' bʌc'tal. Ñopox la' Yum ti jump'ejl la' pusic'al, winicob ti Judá yic'ot ti Jerusalén, ame cajic c choc tilel c'ajc mach bʌ yujilic yajpel cha'an ti' caj la' jontolil, che'en.

Jeremias 5:21

Ñich'tanla ti la' pejtelel. Tontojetla. Ma'anic la pusic'al. An la' wut pero ma'anic mi' c'otel la' wut. An la' chiquin, pero ma'anic mi la' wubin t'an.

Jeremias 7:13

Wolix c cha' mel che' bajche' ti yambʌ ora, come cabʌlix la' mul. Seb tsa' ch'ojyiyon cha'an mic pejcañetla. Ma'anic tsaj cʌyʌ c pejcañetla, pero ma'anic tsa' la' ñich'ta. Tsac pʌyʌyetla, pero ma'anic tsa' la' jac'beyon.

Jeremias 7:26

Pero ma'anic tsa' la' ñich'tayob. Ma'anic tsa' la' jac'beyob. Tsʌts la' pusic'al, ñumen bajche' la' tatob.

Jeremias 9:26

Egipto, Edom, i yalobilob Amón yic'ot Moab yic'ot jini arabob chumulo' bʌ ti tiquin bʌ lum yic'ot ja'el jini año' bʌ ti Judá. Come junlajalob pejtelel ili tejclum tac mach bʌ anic mi' tsepob i pʌchʌlel. Pero jatet Judá, ma'anic ma' tsep a pusic'al cha'an ma' c'uxbiñon. Lolom jach ma' tsep a pʌchʌlel.

Ezequiel 3:7

Pero jini israelob ma'anic mi caj i ñich'tañob a t'an, come ma'anic mi' ñich'tañob c t'an. Wen jontolob israelob, wen tsʌtsob jax i pusic'al.

Ezequiel 33:3

Che' mi' q'uel jini soldadojob woli bʌ i tilelob, la' i wus jini trompeta cha'an mi' tsictesʌbeñob i pi'ʌlob.

Ezequiel 33:9

Pero mi tsa'ix a sube cha'an mi' cʌy i mul, mi ma'anic tsi' cʌyʌ, mi caj i bajñel toj i mul. Che' jini ma'anic ti a wenta i ch'ich'el come tsa' tsictesʌbe i mul.

Amos 7:10

Amasías jini motomaj chumul bʌ ti Betel tsi' choco majlel jini t'an ba'an Jeroboam i rey Israel. Tsi' yʌlʌ: Amós woli' tem i t'an ti a contra ti' tojlel israelob. Mach cujchic lac cha'an i t'an.

Mateo 3:7

Che' bʌ tsi' q'uele woli' tilelob cabʌl fariseojob yic'ot saduceojob cha'an mi' ch'ʌmob ja', Juan tsi' subeyob: I yalobiletla xc'ʌñʌñej. ¿Majqui tsi' subeyetla cha'an mi la' puts'tan jini tojmulil mu' bʌ i tilel?

Lucas 11:45

Juntiquil xcʌntesa mandar tsi' sube Jesús: Maestro, che' ma' cha'len t'an bajche' jini wolix a wʌ'leñon lojon ja'el, che'en.

Lucas 20:19

Ti jim bʌ ora jini ñuc bʌ motomajob yic'ot sts'ijbayajob tsa' caji i ña'tañob bajche' mi mejlel i chucob Jesús, come yujilob tsi' cha'le jini t'an ti lajiya ti' contrajob. Pero tsi' bʌc'ñayob winicob.

Juan 7:7

Winicob x'ixicob i cha'año bʌ pañimil mach mejlic i ts'a'leñetla. Mi' ts'a'leñoñob come mic tsictesʌbeñob jontol bʌ i melbal.

Juan 9:40

Ya' añob fariseojob yic'ot Jesús. Tsi' yubibeyob i t'an. Tsi' subeyob: ¿Xpots'on ba lojon ja'el? che'ob.

Hechos 7:51

Tsʌtsatax la' pusic'al. Mach sʌq'uesʌbilic la' pusic'al. Mʌcʌl la' chiquin. Ti pejtelel ora jatetla mi la' mʌctan jini Ch'ujul bʌ Espíritu. Che' bajche' tsi' mele la' ñojte'el, che' ja'el mi la' mel jatetla.

Hechos 7:60

Tsa' ñocle. C'am tsi' cha'le t'an: C Yum, mach a wʌq'ueñob ti' wenta ili i mul, che'en. Che' bʌ tsa' ujti i sub jini t'an tsa' chʌmi.

Romanos 7:22

Come tic pusic'al mic wen mulan i mandar Dios.

Deuteronomio 29:4

Pero c'ʌlʌl ti ili ora lac Yum maxto anic tsi' yʌq'ueyetla la' ña'tʌbal cha'an mi la' ch'ʌmben isujm. Maxto anic mi' c'otel la' wut. Maxto anic mi la' wen ñich'tan.

Colosenses 1:28

Mic sub lojon majlel Cristo. Mic xic'ben lojon pejtelel winicob. Mij cʌntesañob lojon cha'an mi' ch'ʌmbeñob isujm ti jujuntiquil cha'an chajpʌbilob ti Cristo Jesús.

2 Timoteo 4:3

Come tal i yorajlel che' ma'anic mi caj i mulañob toj bʌ cʌntesa. Mi caj i mulañob i yubin yambʌ t'an. Mi caj i pʌyob cabʌl i maestrojob mu' bʌ i subob chuqui mi' mulañob.

Hebreos 11:7

Noé tsi' ñopo Dios. Jini cha'an tsi' jac'be i t'an ba' ora Dios tsi' sube chuqui mi' caj ti ujtel che' maxto tsiquilic. Tsi' mele jini colem barco cha'an mi' coltan pejtelel año' bʌ ti' yotot. Cha'an tsi' ñopo Dios, Noé tsi' tsictesʌbeyob i mul pejtelel año' bʌ ti pañimil. Tsa' aq'uenti toj bʌ i pusic'al cha'an mi' yochel ti' cha'an bʌ Dios yic'ot pejtel mu' bʌ i ñopob.