Jeremias 52:3 - Chol: I T’an Dios

³ Jini cha'an tsa' mich'a lac Yum. Tsi' choco loq'uel jini chumulo' bʌ ti Jerusalén yic'ot ti Judá cha'an ts'a' tsi' q'ueleyob. Sedequías tsi' ñusʌbe i t'an jini rey ti Babilonia.

Chol de Tumbalá Bible

³ Jini cha'an tsa' mich'a lac Yum. Tsi' choco loq'uel jini chumulo' bʌ ti Jerusalén yic'ot ti Judá cha'an ts'a' tsi' q'ueleyob. Sedequías tsi' ñusʌbe i t'an jini rey ti Babilonia.

Jeremias 52:3 Iomraidhean Croise

Genesis 4:14

Awilan tsa' chocoyon loq'uel ti lum. Tsa'ix a cʌyʌyon. Xputs'elon ti pejtelel ora. Stsuctsucniyelon ti pañimil. Che' an majqui mi' tajon mi caj i tsʌnsañon, che'en Caín.

Genesis 4:16

Caín tsa' loq'ui majlel ti' tojlel lac Yum. Tsa' chumle ti lum i c'aba' Nod am bʌ ti' tojel Edén ba' mi' pasel q'uin.

2 Samuel 24:1

Tsa' cha' caji ti mich' lac Yum yic'ot pejtelel israelob. Tsi' ña'ta i yʌq'ueñob wocol. Tsi' yotsa ti' pusic'al David cha'an mi' choc ñumel x'e'telob i cha'an, cha'an mi' melob censo ti tejclum tac.

1 Reyob 10:9

La' sujbic i ñuclel a Yum Dios tsa' bʌ i yajcayet cha'an ma' wochel ti' yum israelob. Tsiquil cabʌl jax i c'uxbiya lac Yum ti pejtelel ora come tsi' yʌq'ueyet a ña'tʌbal cha'an ma' cha'len meloñel ti toj. Uts'at bajche' ma' cha'len yumʌntel ti' tojlel i cha'año' bʌ, che'en.

2 Reyob 17:18

Jini cha'an lac Yum tsi' chocoyob loq'uel ti' tojlel. Cojach tsa' cʌle jini junmojt am bʌ ti Judá.

2 Reyob 17:20

Jini cha'an lac Yum tsi' cʌyʌ jini israelob. Tsi' chocbeyob tilel wocol. Tsi' yʌc'ʌyob ti' c'ʌb i contrajob cha'an mi' chojquelob loq'uel ti' tojlel.

2 Reyob 17:23

Jini cha'an lac Yum tsi' wets'eyob loq'uel che' bajche' tsi' subeyob jini x'alt'añob i cha'an. Jini cha'an tsa' cʌjchiyob majlel jini israelob c'ʌlʌl ti Asiria ba' chumulob c'ʌlʌl wʌle.

2 Reyob 24:20

Cabʌl tsa' tejchi i mich'ajel lac Yum ti' tojlel jini año' bʌ ti Jerusalén yic'ot ti Judá. Jini cha'an tsi' chocoyob loq'uel ti' tojlel. Jini rey Sedequías tsa' caji i contrajin jini rey am bʌ ti Babilonia.

2 Cronicas 36:13

Sedequías tsi' ñusʌbe i t'an Nabucodonosor, anquese tsi' yʌq'ue i t'an ti' c'aba' Dios. Tsi' yʌlʌ muc'ʌch i jac' pero tsi' tsʌts'esa i pusic'al. Ma'anic tsi' ñopo lac Yum i Dios Israel.

Esdras 4:15

Yom ma' sʌclan ya' ti jun ba' ts'ijbubil i melbal a ñojte'elob. Mi caj a q'uel ya' ti jun ba' ts'ijbubil i yesomal ili tejclum. Jontolob. Wen ñʌmʌlob ti leto yic'ot guerra c'ʌlʌl ti oniyi. Cabʌl tsi' tic'layob jini yumʌlob año' bʌ i yumʌntel ti' joytʌlel. Jini cha'an tsa' jisʌntiyob.

Proverbios 28:2

Mi' p'ojlel año' bʌ i ye'tel che' mi' t'oxob i bʌ ti leto winicob x'ixicob. Jini p'ip' bʌ i pusic'al yujil i ñʌch'chocontel leto cha'an mi' jalijel i yumʌntel.

Eclesiastes 10:16

Wocol jax mi' yubiñob winicob che' mi' yochel ti rey jini mach bʌ anic i pusic'al. P'ump'un i lumal jini año' bʌ i ye'tel mu' bʌ i ñusañob q'uin ti yʌc'ajel.

Isaias 19:4

Mi caj cʌc' jini egiptojob ti' wenta jontol bʌ yumʌl yujil bʌ tic'laya. Wersa mi caj i yumañob, che'en i Yum Panchan yic'ot Pañimil.

Isaias 3:1

Awilan, i Yum Panchan yic'ot Pañimil mi caj i chilbeñob i chubʌ'an jini año' bʌ ti Judá yic'ot ti Jerusalén. Mi caj i chilbeñob chuqui mi' c'uxob yic'ot chuqui mi' japob.

Isaias 36:5

¿Nuc ba ma' q'uel i t'an Faraón? ¿Mejl ba i yʌq'ueñet a p'ʌtʌlel ti guerra? ¿Majqui mi mejlel i coltañet cha'an ma' tilel a contrajiñon? Lon xuc'ul a pusic'al.

Jeremias 15:1

Lac Yum tsi' subeyon: Mach uts'atic mi caj c pʌs c bʌ ti' tojlel ili winicob. Muq'uic i xin otsañob i bʌ Moisés yic'ot Samuel cha'an mi' c'ajtibeñoñob wocol t'an, ma'anic mic jac'beñob. Chocoyob loq'uel tic tojlel. Subeñob majlel.

Jeremias 7:15

Mi caj c choquetla loq'uel tic tojlel che' bajche' tsac choco loq'uel pejtel a pi'ʌlob, i p'olbalob Efraín”. Che'ʌch yom ma' subeñob, che'en lac Yum.