Jeremias 51:9 - Chol: I T’an Dios

⁹ Tsac lon ña'ta j coltan ti ts'ac pero mach i coltayic. Cʌyʌla. Conla ti lac lumal ti jujuntiquilonla, come Dios woli' pʌy ti meloñel laj contra. Mux caj i choc jubel wocol ti panchan.

Chol de Tumbalá Bible

⁹ Tsac lon ña'ta j coltan ti ts'ac pero mach i coltayic. Cʌyʌla. Conla ti lac lumal ti jujuntiquilonla, come Dios woli' pʌy ti meloñel laj contra. Mux caj i choc jubel wocol ti panchan.

Jeremias 51:9 Iomraidhean Croise

2 Cronicas 28:9

Pero ya' ti Samaria an juntiquil x'alt'an i cha'an lac Yum i c'aba' Obed, tsa' bʌ majli i taj jini soldadojob che' woli' sujtelob ti Samaria. Tsi' subeyob: Awilan, lac Yum, i Dios la' ñojte'elob, tsi' mich'leyob jini año' bʌ ti Judá, come tsi' ñusʌbeyob i t'an. Jini cha'an tsi' yʌc'ʌyob ti la' c'ʌb, pero ma'anic tsa' la' p'untayob. Cʌlʌx jax tsa' la' tsʌnsayob ti la' mich'lel. Jini cha'an tal i mich'lel jini am bʌ ti panchan ti la' tojlel.

Esdras 9:6

Tsac sube ti oración: C Dios, ch'ijiyem c pusic'al. Quisintic jax woli cubin, come tsa'ix wen p'ojli c mul lojon. Tsa'ix c'ʌlʌ c'oti ti panchan yubil i yonlel c sajtemal lojon.

Isaias 13:14

Jini soldadojob tilemo' bʌ ti Babilonia mi caj i lujbañob ti puts'el che' bajche' me' mu' bʌ la' wajñesan. Mi caj i pam pujquelob che' bajche' tiñʌme' mach bʌ anic i yaj cʌntaya.

Isaias 47:15

Laj majlemobix a cʌñʌyo' bʌ tsa' bʌ i pejcayet c'ʌlʌl che' bʌ tsa' coliyet. Ti jujuntiquil tsi ch'ʌmʌyob i bijlel. Wʌle ma'anic majch mi' coltañet.

Jeremias 46:16

Lac Yum tsi' yʌc'ʌ ti yajlel cabʌlob. P'ulul tsa' yajliyob. Tsi' yʌlʌyob: Conla ti sujtel ti lac lumal ba'an lac pi'ʌlob, come cabʌl woli lac jilel ti espada, che'ob.

Jeremias 46:21

Egipto tsi' yʌq'ueyob taq'uin cabʌl soldadojob cha'an mi' coltañob ti guerra. Woli' sutq'uiñob i pat che' bajche' alʌ tat wacax am bʌ i bʌq'uen. Temel woli' puts'elob. Mach xuc'ulobic che' ti' yorajlel jini ñuc bʌ wocol. Jiñʌch i yorajlel che' mi' q'uextʌbentelob i mul.

Jeremias 50:16

Jisan xpac'ob ti Babilonia yic'ot xc'ajbalob. Jini ya' bʌ chumulob mi' cajelob ti bʌq'uen. Mi caj i puts'elob majlel ti jujuntiquil, ame jisʌnticob ti espada.

Jeremias 8:20

Tsa'ix ñumi i yorajlel c'ajbal. Tsa'ix ñumi i yorajlel ticwal, pero mach coltʌbilonic la.

Oseas 7:13

Obolob i bʌ cha'an tsi' cʌyʌyoñob. Jini cha'an wersa mi caj i jisʌntelob, come tsa'ix i ñusʌbeyoñob c mandar. Ti pejtelel c pusic'al com coltañob, pero ma'anic tsi' ñopoyob come tsʌtsob i pusic'al.

Apocalipsis 18:4

Tsa cubi yambʌ t'an loq'uem bʌ ti panchan. Tsi' yʌlʌ: Loq'uenla ya'i, c cha'añet bʌ la. Mach mi la' tsajcan año' bʌ ti Babilonia ti mulil, ame aq'uentiquet la' wocol lajal bajche'ob.

Apocalipsis 18:5

Come tsa'ix i lʌtschoco i mul c'ʌlʌl ti panchan. Ña'tʌbilix i cha'an Dios i jontolil.