Jeremias 51:5 - Chol: I T’an Dios

⁵ Come mach cʌybilobic ti meba' Israel yic'ot Judá anquese cabʌlob i mul ti' tojlel jini Ch'ujul Bʌ ti Israel, jiñʌch i Dios, i Yum Panchan yic'ot Pañimil.

Chol de Tumbalá Bible

⁵ Come mach cʌybilobic ti meba' Israel yic'ot Judá anquese cabʌlob i mul ti' tojlel jini Ch'ujul Bʌ ti Israel, jiñʌch i Dios, i Yum Panchan yic'ot Pañimil.

Jeremias 51:5 Iomraidhean Croise

1 Reyob 6:13

Mi caj c chʌn ajñel ti' tojlel pejtelel israelob. Ma'anic mi caj j cʌyob, che'en.

2 Reyob 21:16

Lac Yum tsi' yʌlʌ ja'el: Manasés tsi' tsʌnsa cabʌl i pi'ʌlob mach bʌ añobic i mul. Tsa' bujt'i Jerusalén ti tsʌnsʌbilo' bʌ i cha'an. Tsi' xiq'ui ti mulil jini año' bʌ ti Judá.

Esdras 9:9

Ti yambʌ ora wolic mozojintel. Che' cabʌl lojon c wocol ma'anic tsa' cʌyʌyon lojon. Tsa' ñijcʌbeyob i pusic'al jini reyob ti Persia cha'an mi' pʌsbeñoñob i yutslel i pusic'al. Tsi' coltayon lojon cha'an mic cha' wa'chocon lojon a Templo yic'ot i ts'ajquil Jerusalén.

Salmos 94:14

Come lac Yum ma'anic mi caj i choc i cha'año' bʌ. Ma'anic mi caj i cʌyob.

Isaias 44:21

Lac Yum woli' yʌl: Ña'tan pejtelel iliyi, Jacob, come c winiquet Israel. Joñon tsac meleyet, c cha'añet. Ma'anic mi caj a ñajʌyel c cha'an.

Isaias 51:15

Joñon a Yum Dios, i Yumon Panchan yic'ot Pañimil. Jiñʌch j c'aba. Tsac t'oxo colem ñajb. Tsac tiquesʌbeyet bij ti ojlil wʌlʌcña bʌ ja'.

Isaias 62:12

Mi caj i pejcʌntelob jini israelob ti Chujul bʌ Tejclum, yic'ot Coltʌbilo' bʌ i cha'an i Yum. Jixcu Jerusalén, mi caj i yotsʌbentel i c'aba' ti Sʌclʌbil bʌ Tejclum, yic'ot Tejclum mach bʌ Cʌybilic. Che' tsi' yʌlʌ lac Yum.

Jeremias 14:19

C Yum, ¿tsa' ba a junyajlel ts'a'le Judá? ¿Mach ba yujilic lajmel a mich'ajel? ¿Chucoch wen wocol tsa' wʌc'ʌyon lojon ti lojwel cha'an ma'anix mic lajmel lojon? Tsa cʌlʌ lojon mux i lajmel wocol, pero ma'anic. Junyajlel ch'ijiyem lojon c pusic'al.

Jeremias 14:9

¿Chucoch ma' tʌts' a bʌ che' bajche' winic mach bʌ yujilic coltaya, che' bajche' laj contra mach bʌ mejlic i coltañonla? Pero wʌ' añet tic tojlel lojon, c Yum. A cʌñʌyonix lojon, a winicon lojon. Mach a cʌyon lojon.

Jeremias 16:18

Cha'yajl mi caj i tojob i mul cha'an tsi' bib'esayob c lum. Ya' ba' com chumtʌl tsi' p'ojlesayob i diosob. Leco mij q'uel i diosob che' bajche' ch'ujlelʌl ts'a'lebil bʌ c cha'an, che'en lac Yum.

Jeremias 19:4

Tsa' la' cʌyʌyon. Tsa' la' bib'esa ti mulil ili lum. Woli la' pulbeñob pom yambʌ dios tac mach bʌ la' cʌñʌyic, mi jatetla mi la' tatob mi la' reyob. Baqui jach mi la' ñumel ti ili lum an i ña'tʌntel la' mul cha'an tsa' la' tsʌnsa jini mach bʌ añobic i mul.

Jeremias 23:15

Jini cha'an, q'uele chuqui mi caj c tumbeñob jini x'alt'añob. Mi caj cʌq'ueñob i jap ch'aj bʌ ja' am bʌ i venenojlel, che'en i Yum Panchan yic'ot Pañimil, come ti' caj i mul jini x'alt'añob ti Jerusalén but'ul ili lum ti jontolil.

Jeremias 31:37

Lac Yum woli' yʌl: Ma'anic mi caj c junyajlel choc Israel cha'an ti' caj i mul. Mi tsa' tajle winic mu' bʌ mejlel i p'is i c'ʌclib panchan yic'ot pañimil, che' jini mux a ña'tan mach isujmic c t'an, che'en lac Yum.

Jeremias 46:28

Mach a cha'len bʌq'uen, c winic, Jacob, che'en lac Yum. Añon quic'otet. Mi caj c lu' jisan yambʌ winicob, pero mach jatetic. Jini jach mi caj c jultesʌbeñet a pusic'al. Ma'anic mi caj c to'ol ñusan a mul, che'en lac Yum.

Jeremias 50:20

Ti jim bʌ ora mi caj i wersa sʌclʌntel i mul i colojbal Israel yic'ot Judá, pero ma'anix tsiquil i mul, come joñon mi caj c ñusʌbeñob.

Jeremias 51:19

Pero ma'anic mi caj i jisan Jacob, come yajcʌbil Israel i cha'an Dios tsa' bʌ i mele pejtel chuqui an. Jiñʌch i Yum Panchan yic'ot Pañimil. Che'ʌch i c'aba'.

Ezequiel 8:17

Lac Yum tsi' subeyon: I yalobil winic, ¿woli' ba a q'uelob? ¿Mach ba ñuquic i mul Judá? Che' woli' bib'esañob ili lum yic'ot i diosob. Che'ʌch woli' cʌntesañob i pi'ʌlob cha'an mi' contrajiñoñob cha'an mi' yutsi techbeñoñob c mich'ajel.

Ezequiel 9:9

Tsi' jac'beyon: Wen cabʌl i mul jini año' bʌ ti Jerusalén yic'ot jini año' bʌ ti Judá. But'ul jini pañimil ti tsʌnsa yic'ot leto, come mi' yʌlob: “Tsa'ix i cʌyʌ lac Yum jini pañimil. Ma'anix mi' q'uel chuqui mi lac mel”, lon che'ob.

Oseas 1:10

Pero tal i yorajlel che' mi caj i p'ojlelob israelob che' bajche' i yonlel i ji'il colem ñajb mach bʌ mejlic ti tsicol. Ti jim bʌ ora ma'anix mi caj c chʌn subeñob: “Mach c cha'añeticla”. Mi caj c pejcañob ti calobil: “I yalobilet bʌ la jini cuxul bʌ Dios”. Che' mi caj c subeñob.

Oseas 2:1

La', calobil Jezreel. Yom ma' cha' otsʌbeñob i c'aba' a wijts'iñob. Pejcan Loammi ti Ammi. Pejcan Loruhama ti Ruhama. (Ammi mi' yʌl: “C cha'añetʌch”. Ruhama mi' yʌl: “P'untʌbilet”, come Dios wolix i p'untañob.)

Oseas 2:3

Mi mach yomic i jac', mi caj c junyajlel jochben i pislel. Pits'il mi caj j cʌy che' bajche' tsi' yila pañimil. Mi caj c chilben i bʌl i ñʌc' yic'ot i ya'al che' bajche' ti tiquin lum ba' mi' chʌmelob ti wi'ñal yic'ot tiquin ti'.

Oseas 4:1

Israelob, yom mi la' ñich'tʌben i t'an lac Yum. Lac Yum woli' tsictesʌbeñet la' mul: Ma'anic i xuc'tilel la' pusic'al. Ma'anic la' wutslel. Ma'anic mi la' cʌn Dios.

Oseas 4:2

La' wujil p'ajoñel, yic'ot lot, yic'ot tsʌnsa, yic'ot xujch', yic'ot la' ts'i'lel, yic'ot leto. Cabʌl mi la' cha'len tsʌnsa.

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Miqueas 7:20

Mi caj a wʌq'ueñon lojon i yutslel a t'an che' bajche' tsa' sube Jacob ti wajali. Mi caj a c'uxbiñon lojon che' bajche' tsa' sube Abraham yic'ot yambʌ c ñojte'el lojon.

Zacarias 12:6

Ti jim bʌ ora mi caj cʌc' i yumob Judá ti' tojlel i contrajob che' bajche' nich c'ajc woli bʌ ti lejmel ti' yojlil cholel che' tiquinix. Mi caj i lu' jisañob yambʌ tejclum tac ti jujunwejl, pero uts'at mi caj i chʌn ajñel Jerusalén.

Zacarias 12:8

Ti jim bʌ ora joñon mi caj j coltan jini xchumtʌlob ti Jerusalén. Jini c'uño' bʌ mi caj i ch'ejl'añob che' bajche' jini rey David. I p'olbal David mi caj i yajñel che' bajche' Dios, che' bajche' i yAngel lac Yum am bʌ ti' tojlelob.

Zacarias 2:12

Judá i cha'añʌch lac Yum. Mi caj i sujtel ti Ch'ujul bʌ Lum. Lac Yum mi caj i cha' mulan jini tejclum Jerusalén yajcʌbil bʌ i cha'an.

1 Samuel 12:22

Ma'anic mi caj i bajñel cʌy i tejclum lac Yum ame ts'a'lentic jini ñuc bʌ i c'aba', come woli' ña'tan ti' pusic'al bajche' yom i yotsañetla ti' tejclum.