Jeremias 50:4 - Chol: I T’an Dios

⁴ Ti jim bʌ ora jini ch'oyolo' bʌ ti Israel yic'ot ti Judá mi caj i temel sujtelob ti' lumal. Ju'ucñayob mi caj i tilelob. Mi caj i sʌclañob i Yum Dios.

Chol de Tumbalá Bible

⁴ Ti jim bʌ ora jini ch'oyolo' bʌ ti Israel yic'ot ti Judá mi caj i temel sujtelob ti' lumal. Ju'ucñayob mi caj i tilelob. Mi caj i sʌclañob i Yum Dios.

Jeremias 50:4 Iomraidhean Croise

2 Cronicas 7:14

yom mi' peq'uesañob i bʌ. Mi tsa' caji i pejcañoñob ti oración, mi tsi' cʌyʌyob i jontolil yic'ot leco bʌ i melbalob cha'an mi' tsajcañon, che' jini mi caj c ñich'tʌbeñob i yoración wʌ' ba'añon ti panchan. Mi caj c ñusʌbeñob i mul. Mi caj c lajmesʌbeñob i wocol cha'an i mul.

Salmos 105:4

Sajcan lac Yum ba' tilem lac p'ʌtʌlel. Ajñenla ti' tojlel ti pejtelel ora.

Isaias 14:1

Lac Yum mi caj i p'untan jini israelob. Mi caj i cha' yajcan i cha'año' bʌ. Mi caj i cha' pʌyob ochel ti' lumal. Cabʌl mach bʌ i pi'ʌlobic mi caj i tilelob cha'an temel mi' yajñelob yic'ot israelob.

Isaias 45:19

Ma'anic mic cha'len t'an ti mucul. Ma'anic mic mujcun c bʌ ti ic'yoch'an bʌ pañimil. Ma'anic tsac subeyob i p'olbalob Jacob cha'an mi' lon tsajcañoñob. Joñoñʌch la' Yumon. Mic sub chuqui tac isujm. Mic sub chuqui tac toj, che'en.

Isaias 55:6

Sajcanla lac Yum che' mu' to mejlel ti tajtʌl. Pʌyʌla che' lʌc'ʌl to an.

Isaias 63:4

Tsac wʌn ña'ta jini q'uin. I q'uiñilelʌch i q'uextʌntel mulil. Wolij coltan c tejclum cha'an mi' loq'uelob ti' wenta jini mu' bʌ i tic'lañob.

Jeremias 31:31

Tal jini q'uin tac che' mi caj c mel tsijib xuc'ul bʌ t'an yic'ot i p'olbal Israel yic'ot i p'olbal Judá.

Jeremias 33:15

Ti jim bʌ ora mi caj c tsictesan juntiquil i p'olbal David i wentajʌch i Buts te' mu' bʌ caj i pasel ti junts'ijt i c'ʌb. Mero tojʌch ajñel. Mi caj i cha'len toj bʌ meloñel wʌ' ti ili lum.

Jeremias 41:6

Ismael (i yalobil Netanías) tsa' loq'ui ti Mizpa cha'an mi' tajob ti bij. Che' bʌ tsi' tajayob, tsi' subeyob: La'la ba'an Gedalías (i yalobil Ahicam), che'en.

Ezequiel 16:61

Che' ma' cha' ña'tan bajche' tsa' mele, mi caj a cha'len quisin come mi caj cʌq'ueñet ti a wenta a chich yic'ot a wijts'in i wenta a walobilob cha'an mi' yumañetob.

Ezequiel 39:25

Pero lac Yum Dios woli' yʌl: Wʌle mi caj c cha' coltan jini tsa' bʌ cʌjchiyob. Mi caj c cha' pʌsbeñob i yutslel c pusic'al pejtel israelob i p'olbalo' bʌ Jacob. Mi caj cʌc' ti cʌjñel ch'ujul bʌ j C'aba'.

Oseas 1:11

Jini año' bʌ ti Judá yic'ot Israel mi caj i tem ajñelob ti junmojt jach. Mi caj i tem yumañob juntiquil yumʌl. Mi caj i cha' loq'uelob ba' cʌchʌlob. Wen tijicña jini q'uin che' temel mi' sujtelob ti' lumal. Dios mi caj i cha' otsañob ti jini wen bʌ lum tsa' bʌ i yʌq'ueyob, che'en.

Oseas 11:10

Mi caj i ñopon. Joñon mi caj c cha'len oñel che' bajche' bajlum. Tsiltsilñayob ti bʌq'uen mi caj i tilelob calobilob loq'uemo' bʌ ti' bʌjlibal q'uin.

Oseas 3:5

Che' ñumenix cabʌl ora mi caj i cha' sutq'uiñob i bʌ jini israelob cha'an mi' sʌclañob Dios, i Yum. Mi caj i cha' sutq'uiñob i bʌ cha'an mi' yumañob i Yalobil David, yajcʌbil bʌ ti Dios. Ti jini cojix bʌ q'uin tac mi caj i cha' bʌc'ñañob lac Yum. Mi caj i pijtañob i wenlel ti lac Yum.

Oseas 6:1

Mi caj i yʌlob: “La'ix la. Conla ti sujtel ba'an lac Yum. Come jiñʌch tsa' bʌ i yʌq'ueyonla wocol. Mi caj i cha' coltañonla. Tsi' contrajiyonla, pero mi caj i cha' p'untañonla.

Joel 2:12

Jini cha'an mi' yʌl lac Yum: Sutq'uin la' bʌ ba' añon ti pejtelel la' pusic'al che' anto i yorajlel. Cha'lenla ch'ajb. Cha'lenla uq'uel. Yom ch'ijiyem la' pusic'al, che'en.

Zacarias 12:10

Che' jini mi caj cʌq'ueñob quEspíritu jini año' bʌ ti Jerusalén cha'an mi' cʌñob i yutslel c pusic'al yic'ot cha'an mi' c'ajtibeñoñob i coltʌntel. Mi caj i q'uelob jini jec'bil bʌ i cha'añob. Mi caj i yuc'tañob che' bajche' winicob mi' yuc'tañob jini yʌx alʌl c'uxbibil bʌ i cha'añob, che' bajche' mi' yuc'tañob jini ascuñʌl bʌ i yalobil.

Santiago 4:9

Mele la' pusic'al. Cha'lenla uq'uel. Uc'tan la' mul. La' ujtiquetla ti tse'ñal. La' pʌntʌyic ti uq'uel. La' jilic i tijicñʌyel la' pusic'al. La' pʌntʌyic ti la' ch'ijiyemlel.