Jeremias 5:9 - Chol: I T’an Dios

⁹ ¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Chol de Tumbalá Bible

⁹ ¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Jeremias 5:9 Iomraidhean Croise

Proverbios 6:29

Che' ja'el mux i toj i mul majqui jach mi' pi'len i yijñam yambʌ.

Isaias 1:24

Jini cha'an i Dios Panchan yic'ot Pañimil, jini P'ʌtʌl bʌ i cha'an Israel, woli' yʌl: A wila to, mi caj cʌq'ueñob i toj i mul pejtelel mu' bʌ i contrajiñoñob. I yorajlelix mij q'uextʌbeñob i mul j contrajob.

Isaias 57:6

Ma' ch'ujutesan jini melbil tac bʌ xajlel an tac bʌ ti joctʌl. Ma' bec'ben vino. Ma' wʌq'uen trigo yic'ot waj cha'an i majtan. ¿Mu' ba caj j q'uelet ti uts'at che' jini?

Jeremias 23:2

Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Jeremias 32:31

Ti jini q'uin che' bʌ tsi' wa'chocoyob ili tejclum c'ʌlʌl wʌle mich'on cha'an i mul. Jini cha'an mi caj c chocob ba' ma'anix mic chʌn q'uelob.

Jeremias 44:22

Mach chʌn cuchbilix i cha'an la' jontolil yic'ot pejtelel chuqui mi la' mel. Jini cha'an tsa' pujch'i la' lum. Tsa' sujti ti tiquin bʌ lum mach bʌ anic i c'ʌjñibal. Ma'anix i yumob. Tsa' p'ajleyob jini ya' bʌ chumulob. Tsa' jiliyob. Jini cha'an woliyetla ti wocol wʌle.

Jeremias 5:10

Cucu ti ts'usubil tac, pero mach ma' lu' jisan. Loc'sʌben i c'ʌb te', come mach i cha'anic lac Yum.

Jeremias 5:29

¿Mach ba muq'uic i tojob i mul? che'en lac Yum. Joñon mi caj cʌq'ueñob i toj i mul jini tejclum.

Jeremias 6:11

Jini cha'an an i mich'ajel Dios tic pusic'al. Mach chʌn cujchix c cha'an. Mi caj c mich'len Jerusalén. La' i yubiñob wocol jini alp'eñelob woliyo' bʌ ti alas ti bij yic'ot jini ch'iton winicob woli bʌ i tempañob i bʌ. Mi caj i cʌjchelob majlel winicob yic'ot i yijñamob, jini xñoxo' bʌ ja'el yic'ot jini mach bʌ añobix i p'ʌtʌlel.

Jeremias 6:6

I Yum Panchan yic'ot Pañimil woli' yʌl: Seq'uela jubel te'el tac cha'an mi la' cha'len jats'. Much'quinla lum ti' joytʌlel jini tejclum Jerusalén. Laj xaxabil ti jontolil. Wersa mi caj i toj i mul.

Jeremias 9:8

Come jontol jax i yac' che' bajche' i te'el jalʌjb. Wen yujil lotiya. Jujuntiquil mi' pejcan i pi'ʌl ti uts bʌ t'an che' woli' chijtan cha'an mi' tsʌnsan.

Jeremias 9:9

¿Mach ba yomic mi cʌc'ob ti wocol cha'an cabʌl i mul c tejclum? ¿Mach ba yomic mic sutq'uibeñob wocol cha'an che'ʌch woli' melob? che'en lac Yum.

Lamentaciones 3:42

Añʌch lac mul. Tsa' lac ñusʌbe i mandar. Maxto anic tsi' ñusʌbeyonla lac mul.

Lamentaciones 4:22

Wʌ' jach jaxʌl mi caj a toj a mul, Sion. Ma'anix mi caj a chʌn pʌjyel majlel ti to'ol e'tel. Wʌle lac Yum mi caj i melet, Edom. Mi caj i tsictesan a mul.

Ezequiel 7:9

Ma'anic mi caj j coltañetla. Mi caj c sutq'uibeñetla pejtel la' jontolil cha'an jini ts'a'lebil tac bʌ am bʌ ti la' tojlel. Mi caj la' ña'tan la' Yumon woli bʌ c chocbeñetla tilel wocol.

Oseas 2:13

Mi caj cʌq'uen i toj i mul cha'an tsi' pulbe pom jini Baal dios. Tsi' ch'ʌlʌ i bʌ ti ujʌl yic'ot mʌtc'ʌb wen letsem bʌ i tojol. Tsa' majli i sʌclan i winic. Ma'anix tsi' chʌn ña'tayon. Jini cha'an mi caj i toj i mul. Jiñʌch laj cʌntesʌntel ti lac Yum.

Oseas 8:13

Jini israelob mi' yʌq'ueñoñob cotol bʌ c majtan. Mi' c'uxob jini we'elʌl, pero mach tijicñayic mij q'uel. Mach ñajʌyic c cha'an i mul. Mi caj c melob. Mi caj cʌq'ueñob i toj i mul. Mi caj i cha' majlelob ti majtan e'tel ti Egipto.

Levitico 18:25

Come tsa' wen p'ojli jontolil ti jini tejclum. Wolix cʌq'ueñob i toj i mul. Mi caj c chocob loq'uel ba' chumulob.

Levitico 26:25

Mi caj ti jisañetla espada cha'an ti caj tsa' la' ñusʌbeyon c t'an. Anquese mi la' lon ña'tan la' coltan la' bʌ ya' ti la' tejclum tac, ya'i mi caj cʌq'ueñetla leco bʌ la' c'amʌjel. Wersa mi caj i jisañetla jini la' contrajob.

Nahum 1:2

Lac Yum Dios mi' mich'an che' mi' yʌñob i pusic'al i cha'año' bʌ. Mi' q'uextʌbeñob i mul, cabʌl i mich'lel. Mi' q'uextʌbeñob i mul i contrajob. Ma'anic mi' cʌy i mich'leñob.

Deuteronomio 32:35

Joñon mi caj j q'uextʌbeñob i mul i contrajob. Mi caj cʌq'ueñob castigo. Mach jalix mi caj i yajlelob, che'en.

Deuteronomio 32:43

Ti pejtelel tejclum tac Subula i ñuclel i winicob Dios, Come lac Yum mi caj i q'uextʌbeñob i ch'ich'el i cha'año' bʌ. Mi caj i yʌq'ueñob castigo i contrajob. Mi caj i sʌq'uesan i winicob x'ixicob yic'ot i lumal.