Jeremias 5:7 - Chol: I T’an Dios

⁷ Lac Yum woli yʌl: ¿Bajche' mi mejlel c ñusʌbeñet a mul? Tsi' cʌyʌyoñob a walobilob. Tsi' wa'chocoyob i t'an ti' c'aba' jini diosob mach bʌ mero Diosic. Che' bʌ ñajobix yic'ot i bʌl i ñʌc' tsa' bʌ cʌq'ueyob, tsajniyob ti' yotot sts'i'lel bʌ x'ixicob.

Chol de Tumbalá Bible

⁷ Lac Yum woli yʌl: ¿Bajche' mi mejlel c ñusʌbeñet a mul? Tsi' cʌyʌyoñob a walobilob. Tsi' wa'chocoyob i t'an ti' c'aba' jini diosob mach bʌ mero Diosic. Che' bʌ ñajobix yic'ot i bʌl i ñʌc' tsa' bʌ cʌq'ueyob, tsajniyob ti' yotot sts'i'lel bʌ x'ixicob.

Jeremias 5:7 Iomraidhean Croise

2 Cronicas 13:9

¿Mach ba tsa'iquix la' choco loq'uel i motomajob lac Yum yic'ot jini levíjob? Tsa' la' bajñel wa'choco la' motomajob che' bajche' mi' melob ti yan tac bʌ lum. Mi la' wa'chocon ti motomaj majqui jach mi' tilel i yʌc' juncojt alʌ tat wacax yic'ot wuccojt i tat tiñʌme'. Che' jini mi' lon melob i ye'tel jini motomajob ti' tojlel jini mach bʌ diosic.

Job 31:12

Tsa'ic c cha'le jontolil, i wentajʌch c'ajc mu' bʌ caj i jisan pejtel c chubʌ'an. Mach yajpic jinto mi' laj pulel.

Salmos 50:18

Che' ma' q'uel xujch', ma' coltan. Ma' pi'len majlel jini mu' bʌ i cha'len ts'i'lel.

Jeremias 12:16

Mi yomob i ñopon ti pejtelel i pusic'al cha'an mi' jac'ob c mandar che' bajche' tsaj cʌntesa c winicob, che' jini c cha'añobix. Temel yic'ot c winicob mi caj j coltañob mi tsi' junyajlel cʌyʌyob Baal cha'an mi' tsajcañoñob cha'an mi' q'ueloñob ti ñuc. Ti yambʌ ora tsi' tsajcayob Baal. Che'ʌch tsi' cha'leyob cʌntesa ja'el.

Jeremias 13:27

Q'uelel c cha'an pejtel a jontolil yic'ot a ts'i'lel yic'ot bajche' ma' pejcan a pi'ʌlob cha'an mi' pi'leñetob ya' ti ye' wits yic'ot ti jamil. Obol a bʌ, Jerusalén. ¿Jala to ba mi caj a sʌq'uesʌntel?

Jeremias 16:11

Che' jini mi caj a subeñob: “Lac Yum woli' yʌl: Tsi' cʌyʌyoñob la' tat. Tsi' ñopbeyob i diosob jini ñajt bʌ chumulob mach bʌ la' cʌñʌyic. Tsi' yumayob. Tsi' ch'ujutesayob. Tsi' cʌyʌyoñob. Ma'anic tsi' jac'beyoñob j cʌntesʌbal.

Jeremias 16:20

¿Chucoch mi' lon melob i diosob mach bʌ Diosic? Jini mero Dios mach i melbalic winicob.

Jeremias 2:11

¿Am ba jump'ejl lum ba' tsi' q'uexeyob i diosob? Anquese mach diosobic, pero mi' chʌn c'uxbiñob. Jatet jach la tsa' la' q'uexta la' Dios ba' tilem la' ñuclel cha'an mi la' c'uxbin jini mach bʌ diosic.

Jeremias 2:31

Jatetla cuxulet bʌ la wʌle, ¿mach ba la' womic la' jac'ben i t'an la' Yum? Ts'a' mi la' q'uelon che' bajche' tiquin lum. Lajal mi la' q'uelon che' bajche' ic'ch'ipan bʌ pañimil. Anquese mach che'ic añon mi la' wʌl: “Com lojon ñajt bʌ xʌmbal baqui jach yom c pusic'al. Mach chʌn talonix lojon ba' añet”, che'etla. ¿Chucoch che' mi' yʌl c tejclum bajche' jini?

Jeremias 23:10

Come but'ul ili lum ti xmulilob mu' bʌ i cʌyob i pi'ʌlob cha'an i ts'i'lel. Jini cha'an ch'ijiyem ili lum. Tiquinix i buc'ujib alʌc'ʌl. Mi' yesmañob jontolil. Mach tojic bajche' mi' cha'leñob ganar.

Jeremias 3:19

Tsa cʌlʌ tic pusic'al: Tijicñayon che' mi cʌq'ueñetla la' ñuclel yic'ot calobilob ti jini wen bʌ lum, jini i t'ojol jax bʌ ti' wutob pejtel tejclum tac. Che' jini mi caj la' pejcañon ti uts'at. Ma'anix mi caj la' chʌn xoy la' bijlel cha'an mi la' cʌyon, cho'on tic pusic'al.

Jeremias 3:8

Junlajal i jontolil Judá, i chich Israel. Tsi' q'uele i ts'i'lel Israel. Q'uelelix i cha'an che' bʌ tsac choco majlel yic'ot i juñilel divorcio cha'an tsi' cʌyʌyon che' bajche' x'ixic mu' bʌ i cʌy i ñoxi'al. Pero mach yujilic bʌq'uen Judá. Junlajal tsa' caji' mel i ts'i'lel che' bajche' Israel.

Jeremias 7:9

Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Jeremias 9:1

La' c cha'len uq'uel. Mach ma' tic'on. La' tilic i ya'lel c wut ti q'uiñil yic'ot ti ac'ʌlel che' bajche' i loq'uib ja' cha'an woli' tsʌnsʌntelob jini c'uxbibilo' bʌ c pi'ʌlob.

Jeremias 9:2

Uts'at anic c cha'an otot cha'an mic majlel ti chumtʌl ya' ti tiquin bʌ lum. Comix j cʌy c pi'ʌlob come laj sojquemob ti' ts'i'lel. Laj yujilob lotiya.

Lamentaciones 3:42

Añʌch lac mul. Tsa' lac ñusʌbe i mandar. Maxto anic tsi' ñusʌbeyonla lac mul.

Ezequiel 22:11

Cabʌletla mi la' pi'leben i yijñam yambʌ winic. Mi la' pi'len la' wʌ'lib yic'ot la' majan ijti'an.

Oseas 11:8

¿Bajche' mi mejlel j cʌyet, Efraín? ¿Mejl ba c choquet, Israel? Mach comic j cʌyet che' bajche' Adma yic'ot Zeboim, come wolic wen mel c pusic'al. Com j coltañet.

Oseas 13:6

Che' ñajobix, che' bʌ tsa' ujtiyob ti we'el, chan tsi' meleyob i bʌ. Tsa' ñajʌyiyon i cha'añob.

Oseas 4:2

La' wujil p'ajoñel, yic'ot lot, yic'ot tsʌnsa, yic'ot xujch', yic'ot la' ts'i'lel, yic'ot leto. Cabʌl mi la' cha'len tsʌnsa.

Oseas 7:4

Junlajal an i ts'i'lel ti pejtelelob. Che' bajche' horno mach bʌ yujilic tsʌñ'an che' woli to i melob pan, che' ja'el i ts'i'lel. Mach yujilic lajmel.

Levitico 20:10

Che' an winic mu' bʌ i pi'lʌben i yijñam i pi'ʌl, jini winic yic'ot jini x'ixic wersa yom mi' tsʌnsʌntelob.

Amos 8:14

Mi caj i yajlelob mu' bʌ i yʌc'ob i t'an ti' c'aba' dioste' am bʌ ti Samaria, mu' bʌ i ch'ujutesañob jini dioste' am bʌ ti Dan. Mi' lon ñopob i mel bajche' jini año' bʌ ti Beerseba. Ma'anix mi caj i cha' ch'ojyelob che' mi' yajlelob, che'en lac Yum.

Sofonias 1:5

Mi' lon ñocchocoñob i bʌ ti calle cha'an mi' ch'ujutesañob jini q'uin yic'ot uw yic'ot ec'. Mi' lon tajoñob ti t'an che' woli' ch'ujutesañob Milcom.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

1 Corintios 6:9

¿Mach ba la' wujilic? Ma'anic mi caj i yochelob ti' yumʌntel Dios jini mach bʌ tojobic. Mach mi la' ñop lot. Ma'anic mi caj i yochelob ti' yumʌntel Dios jini mu' bʌ i tajob i ts'i'lel, mi jinic mu' bʌ i c'uxbiñob dioste' tac, mi jinic mu' bʌ i tajob i yixic, mi jinic mach bʌ anic mi' tic'ob i colosojlel i pusic'al, mi jinic winicob mu' bʌ i wʌlʌc pi'leñob i bʌ.

1 Corintios 8:4

¿Yom ba mi laj c'ux we'elʌl aq'uebil bʌ dioste' tac ti' majtan? La cujil ma'anic i c'ʌjñibal dioste' tac ti pañimil, come ma'anic yambʌ Dios, juntiquil jach.

Gálatas 4:8

Ti yambʌ ora, che' maxto anic tsa' la' ñopo Dios, tsa' la' cha'le to'ol e'tel ti' wenta jini mach bʌ mero diosic.

Deuteronomio 32:15

Jini israelob tsa' ñaj'ayob, Tsa' wen jujp'iyob. Che' jini tsi' cʌyʌyob i Dios anquese i melbalob. Tsi' ts'a'leyob jini Xajlel tsa' bʌ i coltayob.

Deuteronomio 32:21

Tsa'ix i techbeyon i tsʌytsʌñʌyel c pusic'al cha'an i dioste' mach bʌ Diosic. Joñon mi caj cotsʌbeñob i tsʌytsʌyñʌyel i pusic'al Che' mij c'uxbin yambʌ tejclumob año' bʌ ti pañimil, jini cʌybilix bʌ.

Hebreos 13:4

Ña'tanla uts'at ñujpuñel, uts'at mi' pʌy i yijñam winic. Yom xuc'ul mi' pi'leñob i bʌ. Come majqui jach mi' taj i yixic, mi an i yijñam, o mi ma'anic i yijñam, Dios mi caj i mel.

Santiago 4:4

Lajaletla bajche' x'ixic mu' bʌ i cʌy i ñoxi'al cha'an mi' c'uxbiben i contra. ¿Mach ba la' wujilic? Jini mu' bʌ i c'uxbin i cha'an bʌ pañimil, mi' contrajin Dios. Jini yom bʌ i c'uxbintel ti pañimil, woli' yotsan i bʌ ti' contra Dios.

Josue 23:7

Mach yomic mi la' wajñel la' wic'ot jini winicob x'ixicob tsa' bʌ cʌleyob ti la' tojlel. Mach yomic mi la' pejcʌben i dioste'. Mach yomic mi la' taj ti t'an i diosob. Mach yomic mi la' ch'ujutesan.