Jeremias 5:6 - Chol: I T’an Dios

⁶ Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Chol de Tumbalá Bible

⁶ Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 5:6 Iomraidhean Croise

2 Cronicas 36:14

Pejtelel jini yumʌlob yic'ot jini motomajob tsi' cʌyʌyob lac Yum. Tsi' ñopbeyob i melbal yan tac bʌ tejclumob. Che' jini tsi' bib'esʌbeyob i Templo lac Yum ba' tsi' yʌc'ʌ i bʌ ti cʌjñel ya' ti Jerusalén.

Esdras 10:10

Jini motomaj Esdras tsi' subeyob: Tsa'ix la' cha'le mulil, come tsa'ix la' pʌyʌ la' wijñam ch'oyolo' bʌ ti yambʌ lum. Tsa'ix la' p'ojlesʌbe i mul Israel ti' wut Dios.

Esdras 9:6

Tsac sube ti oración: C Dios, ch'ijiyem c pusic'al. Quisintic jax woli cubin, come tsa'ix wen p'ojli c mul lojon. Tsa'ix c'ʌlʌ c'oti ti panchan yubil i yonlel c sajtemal lojon.

Job 10:16

Che' lon comix ch'ojyel ila ba' añon ti lum, ma' cha' xitchocon jubel che' bajche' bajlum mu' bʌ i cha' jats' jubel i colojm. Ma' contrajiñon ti cabʌl a p'ʌtʌlel.

Salmos 104:20

Jatet ma' wʌc' ac'ʌlel, mi' yic'an. Che' iq'uix, mi' loq'uel ti xʌmbal pejtel bʌte'el.

Salmos 80:13

Jini mate' chitam mi' c'uxe'. Jini bʌte'el am bʌ ti jamil mi' c'uxe'.

Isaias 1:23

Jini yumʌlob la' cha'an xñusa t'añob, i pi'ʌlobʌch xujch'. Mi ch'ʌmob taq'uin cha'an mi' mucbeñob i mul i pi'ʌlob. Mu' jach i sʌclañob i majtan. Ma'anic mi' wen coltañob jini meba'ob. Ma'anic mi' p'isob ti wenta i wocol t'an jini meba' x'ixicob.

Isaias 59:12

Cabʌlix la' mul ti' wut Dios. Mi' tsictesañetla cha'an xmuliletla. Isujm, la cujil xmulilonla.

Jeremias 14:7

Isujm, cabʌl c mul lojon ti a tojlel, c Yum, pero p'untañon lojon cha'an ma' q'uejlel ti ñuc. Tsaj cʌyʌyet lojon. Tsac ñusa lojon a t'an.

Jeremias 2:15

Woli' mʌjlel i cha'an año' bʌ ti ñajtʌl. Mi' pam tsictiyel i t'añob che' bajche' bajlum. Tsi' yʌc'ʌyob ti pujch'el i lum Israel. Tsi' yʌc'ʌyob ti bujchel jini tejclum tac. Laj majlemobix i yumob otot. Ma'anix majqui an.

Jeremias 2:17

¿Mach ba cha'anic a mul tsa' tili ili wocol? Tsa' cʌyʌ a Yum Dios che' bʌ tsi' wen pʌsbeyet jini wen bʌ bij.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 2:31

Jatetla cuxulet bʌ la wʌle, ¿mach ba la' womic la' jac'ben i t'an la' Yum? Ts'a' mi la' q'uelon che' bajche' tiquin lum. Lajal mi la' q'uelon che' bajche' ic'ch'ipan bʌ pañimil. Anquese mach che'ic añon mi la' wʌl: “Com lojon ñajt bʌ xʌmbal baqui jach yom c pusic'al. Mach chʌn talonix lojon ba' añet”, che'etla. ¿Chucoch che' mi' yʌl c tejclum bajche' jini?

Jeremias 25:38

Tsa'ix loq'ui i sʌclan i buc'bal che' bajche' bajlum. Jocholix i lumal Judá. Cha'an mich' lac Yum tsa' jisʌntiyob ti espada jini ya' bʌ chumulob.

Jeremias 30:14

Jini c'uxbibilo' bʌ a cha'an ma'anix mi' chʌn ña'tañet. Ma'anix mi' sʌclañet. Joñon tsac jats'ʌyet. Tsaj c'ʌñʌ a contra mach bʌ yujilic p'untaya cha'an mi cʌq'uet ti wocol, come cabʌl a mul. Wen jontol jax a pusic'al.

Jeremias 30:15

¿Chucoch woliyet ti uq'uel cha'an lojwemet? Mach lajmix a wocol, come cabʌl a mul. Wen jontolet. Jini cha'an tsa cʌc'ʌyet ti wocol.

Jeremias 30:24

Mach lajmix i mich'ajel lac Yum jinto mi' yujtel i mel pejtel chuqui wʌn ña'tʌbil ti' pusic'al. Ti jini cojix bʌ q'uin tac, mux caj la' ch'ʌmben isujm.

Jeremias 4:7

P'ʌtʌlʌch che' bajche' bajlum jini tal bʌ i jisan cabʌl tejclum. Wolix ti jijlel ti pisil bʌ otot jinto mi' laj jochtesan la' lum. Jochol mi' cajelob ti cʌytʌl la' tejclum tac. Laj majlemob i yum otot.

Jeremias 49:19

Awilan, mi caj c bʌc' chocbeñob tilel i contra che' bajche' bajlum loq'uem bʌ ti mate'el ti' ti' Jordán. Mi' mucul ochel ti corral ba' tempʌbil tiñʌme'. Che' ja'el mi caj cajñesañob. Mi' caj ti yumʌntel jini wa'chocobil bʌ c cha'an. ¿Am ba yambʌ bajche' joñon? ¿Majqui mi' subeñon chuqui yom mic mel? ¿Am ba juntiquil xq'uel winicob mu' bʌ mejlel i mʌctañon? che'en lac Yum.

Jeremias 8:5

Pero mach che'ic mi' melob jini chumulo' bʌ ti Jerusalén. Tsi' junyajlel tʌts'ʌyob i bʌ tic tojlel. Ñajt mi' majlelob. Mi' mulañob jontolil, mi' wen mulañob lot. Mach yomobic sujtel.

Jeremias 8:7

Jini ja'al pech mi' ña'tan che' i yorajlelix mi' sujtel ti' c'u'. Che' ja'el jini xmucuy yic'ot x'ajlum yic'ot jojmay yujilob che' i yorajlelix mi' cha' tilelob, pero tontojob c winicob x'ixicob. Mach yomobic i jac'ob c mandar.

Lamentaciones 1:5

Añobix ti' wenta i contrajob. Woli' mʌjlel i cha'añob. Lac Yum woli' jultesʌben i pusic'al Judá cha'an ti' caj cabʌl i mul. Pʌybilob majlel ti to'ol e'tel i yalobilob. Tic'lʌbilob cha'an i contrajob.

Ezequiel 16:25

yic'ot ti pejtelel i bijlel tejclum ba' ma' ñocchocon a bʌ ti' wut pejtelel xñumelob. Ma' pʌsben a bʌc'tal majqui jach mi' pejcañet. Cabʌl ma' cha'len ts'i'lel yic'ot pejtel pañimil.

Ezequiel 22:27

Lajalob la' yumob bajche' bʌte'el ts'i' mu' bʌ i chuc i we'el. Mi' tsʌnsañob winicob cha'an mi' xujch'ibeñob i chubʌ'an.

Ezequiel 23:19

Pero tsa' caji i yutsi cha'len i ts'i'lel. Tsa' caji i cha' mel che' bajche' tsi' mele che' xch'oc to che' bʌ tsi' cha'le i ts'i'lel ya' ti Egipto.

Daniel 7:4

Jini ñaxan bʌ lajalʌch bajche' bajlum, pero an i wich' che' bajche' xiye'. Che' bʌ tsaj q'uele tsa' c'ocbenti loq'uel i wich'. Tsa' wa'le ti cha'ts'ijt i yoc che' bajche' winic. Tsi' aq'uenti i ña'tʌbal che' bajche' winic.

Daniel 7:6

Ti wi'il tsaj q'uele yambʌ bʌte'el, lajal bajche' bajlum. An cha'q'uejl i wich' ti' pat. An chʌmp'ejl i jol. Tsa' aq'uenti cabʌl i p'ʌtʌlel cha'an mi' mʌlben yambʌ bʌte'el tac.

Oseas 5:14

Joñon lajalon bajche' bajlum ti' tojlel Efraín yic'ot Judá. C'ax p'ump'uñob mi caj c jisañob che' bajche' mi' bic'ti c'ux i colojm jini bajlum. Ma'anix majqui mi caj i coltan.

Habacuc 1:8

Ñumen ajñel mi' cha'len xʌmbal i caballo che' bajche' bajlum. Ñumen jontol che' bajche' jini mate'el ts'i' am bʌ i wi'ñal. C'ʌchʌl woli' tilelob jini ch'oyolo' bʌ ti ñajtʌl. Mi' chañ'esañob i bʌ. Ora jach mi' tilelob che' bajche' xiye' mu' bʌ caj i c'ux i colojm.

Sofonias 3:3

Come jini yumʌlob chan tsi' meleyob i bʌ che' bajche' wen bʌbʌq'uen bʌ bajlum. Jini juezob ti mucul jach mi' melob winicob che' bajche' bʌte'el ts'i' mu' bʌ i lu' jisan i colojm. Che' ti yijc'ʌlal ma'anix tsiquil baqui tsi' cʌyʌ i bʌquel.

Numeros 32:14

Wʌ'ix añetla i yalobilet bʌ la. I q'uexoletla. Lajal la' mul. Junlajal xjontoliletla. La' womix la' wutsi p'olben i mich'ajel lac Yum ti' tojlel israelob.

Apocalipsis 13:2

Tsaj q'uele lajalʌch jini jontol bʌ bʌte'el bajche' c'ʌnbo'lay. Che' yilal i yoc bajche' i yoc oso. Lajal i yej bajche' i yej colem bajlum. Jini ajin tsi' yʌq'ue i p'ʌtʌlel yic'ot i buchlib yic'ot ñuc bʌ i ye'tel.