Jeremias 5:12 - Chol: I T’an Dios

¹² Cha'p'ejax i pusic'al tic tojlel. Mi' yʌlob: “Mach muq'uic i q'uelonla lac Yum. Mach talic wocol ti lac tojlel. Ma'anic mi caj lac chʌmel ti espada yic'ot ti wi'ñal.

Chol de Tumbalá Bible

¹² Cha'p'ejax i pusic'al tic tojlel. Mi' yʌlob: “Mach muq'uic i q'uelonla lac Yum. Mach talic wocol ti lac tojlel. Ma'anic mi caj lac chʌmel ti espada yic'ot ti wi'ñal.

Jeremias 5:12 Iomraidhean Croise

2 Cronicas 36:16

Pero tsi' chʌn wajleyob jini subt'añob i cha'an lac Yum. Tsi' ñusʌbeyob i t'an. Tsi' ts'a'leyob x'alt'añob jinto lac Yum tsi' wen mich'leyob. Ma'anix tsi' chʌn coltayob.

Salmos 10:6

Mi' yʌl ti' pusic'al: Ma'anic mi caj c mel c pusic'al. Ti pejtelel ora ma'anic mi caj cubin wocol, lon che'en.

Salmos 14:1

Jini tontojo' bʌ mi' lon alob ti' pusic'al: Ma'anic Dios, che'ob. Sojquemob jax, leco jax i melbalob. Ma'anic mi juntiquilic mu' bʌ i mel chuqui uts'at.

Proverbios 30:9

ame c ñusañet che' ñajonix, ame c sub ¿bac'an tsiquil lac Yum? ame cho'onic, ame cajicon ti xujch' mi pobrejon, ame c p'ajben i c'aba' lac Dios.

Jeremias 14:22

¿Mejl ba i chocob tilel ja'al i diosob yan tac bʌ tejclum? ¿Yilol jach ba mi' tilel ja'lel ti panchan? Jatet c Yumet, c Dioset. Mic pijtañet lojon. Jatet jach ma' mel pejtel iliyi.

Jeremias 2:6

Ma'anic mi juntiquilic mu' bʌ i ña'tañon. Ma'anic majqui mi' yʌl: “¿Baqui an lac Yum tsa' bʌ i pʌyʌyonla loq'uel ti' lumal egiptojob? Tsi' toj'esayonla ñumel ba' jochol lum ba'an wits yic'ot ch'en ya' ba' wen pim i yi'ic'lel pañimil, ba' ma'anic xchumtʌl”. Ma'anic majqui mi' ña'tañon, mi juntiquilic.

Jeremias 28:4

Mi caj c cha' pʌy tilel Jeconías (i yalobil Joacim) rey bʌ ti Judá yic'ot pejtel jini cʌchbilo' bʌ tsa' bʌ pʌjyiyob majlel ti Babilonia. Mi caj c jisʌben i p'ʌtʌlel jini rey ti Babilonia cha'an mi' yʌc'ob ti colel”. Che' tsi' yʌlʌ lac Yum, che'en Hananías.

Jeremias 4:10

Mi' cajelob ti a'leya: “C Yum Dios, tsa' lotiyon lojon. Tsa' subeyon lojon tal i ñʌch'tʌlel lojon c pusic'al, pero tal espada cha'an mi' jec'beñon lojon c pusic'al”. Che' mi caj i yʌlob, che'en lac Yum.

Jeremias 43:1

Jeremías tsa' ujti i laj subeñob i t'an lac Yum Dios. Che' bajche' Dios tsi' sube Jeremías tsi' cha' subeyob.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Jeremias 6:14

Jini cha'an mach lajmic i lojwel c winicob, come mi' lon alob: “Ma'anic ba' lojwemonla”, che'ob, anquese woli' chʌmelob. Jini x'alt'añob yic'ot jini motomajob mi' lon alob: “Yom ñʌch'ʌletla”, che'ob, anquese ma'anic ba' ñʌch'ʌl.

Ezequiel 13:6

Mi' lon q'uelob chuqui mach isujmic. Mi' ñopob lot. Mi' lon alob: Che'ʌch tsi' yʌlʌ lac Yum, che'ob, pero mach chocbilic majlel c cha'an. Woli' lon ña'tañob che'ʌch mi caj i yujtel che' bajche' woli' yʌlob.

Miqueas 2:11

Mi tsa' caji' yʌl juntiquil winic: “Subt'añon, mi caj c tsictesʌbeñetla cha'an uts'at mi lac cha'len yʌc'ajel yic'ot vino yic'ot lembal”. Mi che'ʌch tsi' cha'le lot, tijicña tsa' la' jac'be i t'an ti jump'ejl la' pusic'al.

Miqueas 3:11

Mi la' tempan la' chubʌ'an ya' ti Jerusalén ti' caj la' xujch'. Jini am bʌ i ye'tel mi' to'ol ñusan jontolil che' on mi' yʌq'uentel taq'uin. Jini motomajob yic'ot jini x'alt'añob mi' cha'leñob cʌntesa cha'an jach i mulʌntel taq'uin. Pero mi' lon alob: “Añonla ti' wenta lac Yum. Mach talic wocol ti lac tojlel”, lon che'ob.

Deuteronomio 29:19

Che'ʌch mi' yujtel ti' tojlel winic mu' bʌ i ñusan i tic'ol. Mi' lon chañ'esan i bʌ. Che' mi' yujtel i yubin mi yʌl: “Uts'at añon anquese mic mel chuqui jach com ila ti pañimil. Ma'anic muc'on ti bʌq'uen”, lon che'en. Jini mu' bʌ i mel che' bajche' jini woli' yʌc' ti jilel i lum.

1 Juan 5:10

Majqui jach mi' ñop i Yalobil Dios yujil ti' pusic'al isujmʌch ili t'an. Jini mach bʌ anic mi' ñop Dios tsa'ix i cuyu ti xlot, come ma'anic tsi' ñopo jini t'an tsa' bʌ i yʌlʌ Dios cha'an mi laj cʌmben i Yalobil.

1 Samuel 6:9

Yom mi la' wen q'uel baqui mi' majlel. Mi ya' mi' letsel majlel ti' bijlel Betsemes, muq'uix caj la' ña'tan jiñʌch Dios tsa' bʌ i tic'layonla. Pero mi mach tojic mi' majlel, muq'uix la' ña'tan mach Diosic tsa' bʌ i tic'layonla. Yilol jach tsa' ujti, che'ob.