Jeremias 5:1 - Chol: I T’an Dios

¹ Cucu ti ñumel ya' ba'an garita tac ti Jerusalén. Wen q'uele bajche' mi' melob. Otsan ti a pusic'al. Sʌclan ñumel juntiquil mu' bʌ i mel chuqui toj ya' ti choñoñibʌl. Q'uele mi an juntiquil mu' bʌ i yotsan ti' pusic'al chuqui tac isujm cha'an mic pʌsben i yutslel c pusic'al.

Chol de Tumbalá Bible

¹ Cucu ti ñumel ya' ba'an garita tac ti Jerusalén. Wen q'uele bajche' mi' melob. Otsan ti a pusic'al. Sʌclan ñumel juntiquil mu' bʌ i mel chuqui toj ya' ti choñoñibʌl. Q'uele mi an juntiquil mu' bʌ i yotsan ti' pusic'al chuqui tac isujm cha'an mic pʌsben i yutslel c pusic'al.

Jeremias 5:1 Iomraidhean Croise

1 Reyob 19:10

Elías tsi' jac'ʌ: Tsac wen melbeyet a we'tel i Yumet bʌ Panchan yic'ot Pañimil. Jini israelob tsi' laj tsʌnsayob jini x'alt'añob a cha'an ti oñiyi c'ʌlʌl wʌle. Tsi' cʌyʌyob jini xuc'ul bʌ a t'an. Tsi' jemeyob i pulʌntib a majtan. Tsi' tsʌnsayob x'alt'añob a cha'an. C bajñel jach tsa' cʌleyon. Woli' sʌclañoñob ja'el cha'an mi' tsʌnsañoñob, che'en.

2 Cronicas 16:9

Come lac Yum woli' sʌclan ñumel ti pejtelel pañimil jini xuc'ulo' bʌ i pusic'al mu' bʌ i ñopob, cha'an mi' pʌsbeñob ñuc bʌ i coltaya. Pero leco chuqui tsa' mele. Jini cha'an ma'anic mi caj i ñʌjch'el guerra ti a tojlel, che'en Hanani.

Salmos 12:1

C Yum, coltañon, come ma'anix winicob mu' bʌ i melob chuqui a wom. Ma'anix juntiquil xuc'ul bʌ.

Salmos 14:2

Lac Yum am bʌ ti panchan mi' q'uel winicob x'ixicob. Woli' q'uel mi an majch mi' ch'ʌmben isujm, Mi an majch mi' sajcan Dios.

Salmos 14:3

Ti pejtelelob tsa'ix i sʌtʌyob i bʌ, Tsa'ix i cha'leyob mulil. Ma'anic majqui mi' mel chuqui uts'at, mi juntiquilic.

Salmos 94:16

¿Majqui mi caj i coltañon ti contra jini jontolo' bʌ? ¿Majqui mi caj i wa'chocon i bʌ quic'ot, ti' contra jini mu' bʌ i cha'leñob jontolil?

Proverbios 20:6

Cabʌlob mi poj pʌsob i bʌ ti uts, pero ¿am ba juntiquil uts bʌ i pusic'al ti pejtelel ora? Wocol ti tajol.

Proverbios 23:23

C'uxbin jini isujm bʌ t'an, come lajalʌch bajche' letsem tac bʌ i tojol mu' bʌ lac mʌn. Mach a cha' chon ti pejtelel ora. Cha'len wersa cha'an ma' taj a ña'tʌbal yic'ot i tic'ol a pusic'al yic'ot a cʌntesʌntel.

Proverbios 8:3

Ya' ba' mi' cha'leñob meloñel ti' ti' tac tejclum c'am mi' cha'len t'an.

Cantares 3:2

Tsajni c sʌclan ñumel ti' bijlel tejclum yic'ot ti choñoñibʌl. Pero mach c tajayic jini c'uxbibil bʌ c cha'an.

Isaias 59:4

Ma'anic majqui yom toj bʌ meloñel. Mi la' mulan lot. Mi la' sub chuqui mach isujmic. Mi' tejchel mulil ti la' pusic'al. Mi' xiq'uet ti jontolil.

Jeremias 2:29

¿Chucoch wola' wʌ'leñon cha'an a wocol? Junlajaletla, tsa' la' ñusʌbeyon c t'an, che'en lac Yum.

Jeremias 44:15

Ya' tempʌbilob bajc'ʌl winicob x'ixicob tsa' bʌ majliyob ti Egipto, chumulo' bʌ ti Patros. Añʌch i mul ili x'ixicob cha'an tsi' pulbeyob pom jini dioste' tac. Ña'tʌbil i cha'an i ñoxi'alob, pero ma'anic tsi' tiq'uiyob. Tsi' yʌlʌyob jini winicob:

Jeremias 8:6

Tsac wen q'ueleyob, tsac ñich'tʌbeyob i t'an pero mach uts'atic i t'an. Ma'anic majqui mi' cʌy i mul. Ma'anic mi' tsicob i pusic'al cha'an jontol i melbal. Ti pejtelelob mi' yajcañob majlel i bijlel jontolil che' bajche' caballo mu' bʌ i choc ochel i bʌ ba' woliyob ti guerra.

Jeremias 9:2

Uts'at anic c cha'an otot cha'an mic majlel ti chumtʌl ya' ti tiquin bʌ lum. Comix j cʌy c pi'ʌlob come laj sojquemob ti' ts'i'lel. Laj yujilob lotiya.

Jeremias 9:7

Lac Yum woli' yʌl: P'isi ti a wenta. Mi caj cʌc'ob ti wocol che' bajche' mi la' wʌc' ti c'ajc jini tsucu taq'uin che' mi la' wulmesan cha'an mi la' loc'sʌben i ta'. Che'ʌch mi caj c melbeñob. ¿Mach ba che'ic yom?

Ezequiel 22:30

Tsac lon sajca juntiquil toj bʌ i pusic'al yujil bʌ coltaya i wentajlel i ts'ajquil jini tejclum cha'an mi' mʌctan c mich'ajel cha'an la' mul, pero mi juntiquilic tsac taja.

Ezequiel 9:9

Tsi' jac'beyon: Wen cabʌl i mul jini año' bʌ ti Jerusalén yic'ot jini año' bʌ ti Judá. But'ul jini pañimil ti tsʌnsa yic'ot leto, come mi' yʌlob: “Tsa'ix i cʌyʌ lac Yum jini pañimil. Ma'anix mi' q'uel chuqui mi lac mel”, lon che'ob.

Daniel 12:4

Pero jatet Daniel, mach yomic ma' tsictesan ili t'an. Yom ma' wotsʌben i sellojlel jini jun c'ʌlʌl ti jini cojix bʌ ora. Winicob mi' cajelob ti cabʌl xʌmbal. Mi caj i p'ojlel i ña'tʌbal winicob ti pañimil. Tsa' ujti ti t'an Gabriel.

Joel 2:9

Jomocña mi' yochelob ti tejclum. Mi' cha'leñob ajñel ti' pam ts'ajc. Mi' letselob ochel ti otot. Mi' yochelob ti ventana che' bajche' xujch'.

Amos 8:12

Mi' cajelob ti xʌmbal ñumel ti jujump'ejl colem ñajb. Mi caj i majlelob ti norte yic'ot ti' pasibal q'uin cha'an mi' sajcʌbeñob i t'an lac Yum. Pero mach i tajayobic.

Zacarias 2:4

Tsi' sube: La' ti ora. Suben jini ch'iton winic cha'an tal i yorajlel mi caj i bujt'el Jerusalén ti winicob x'ixicob. Mach laj ochicob cha'an cabʌlob yic'ot i yʌlac'. Xuc'ul mi caj i yajñelob.

Lucas 14:21

Tsa' sujti jini x'e'tel. Tsi' laj sube i yum bajche' tsa' ujti. Mich'ix i yum otot, tsi' sube x'e'tel i cha'an: “Cucu ti ora ti choñoñibʌl yic'ot ti calle ya' ti tejclum. Pʌyʌ tilel jini mach bʌ añobic i chubʌ'an, yic'ot mach bʌ weñobic i c'ʌb, yic'ot mach bʌ weñobic i yoc, yic'ot xpots'ob”, che'en.

2 Tesalonicenses 2:10

yic'ot pejtelel jontol bʌ lo'loya ti' tojlel jini woli bʌ i sajtelob, come mach yomobic i c'uxbin i sujmlel cha'an mi' coltʌntelob.