Jeremias 49:4 - Chol: I T’an Dios

⁴ Lon tijicñayetla wʌ' ti joctʌl. Mi la' lon ña'tan xuc'ulet cha'an cabʌl la' chubʌ'an. “¿Majqui mi caj i contrajiñonla?” che'etla.

Chol de Tumbalá Bible

⁴ Lon tijicñayetla wʌ' ti joctʌl. Mi la' lon ña'tan xuc'ulet cha'an cabʌl la' chubʌ'an. “¿Majqui mi caj i contrajiñonla?” che'etla.

Jeremias 49:4 Iomraidhean Croise

Salmos 49:6

Winicob mi' lon ña'tañob an i coltʌntel cha'an i chubʌ'an. Mi' chañ'esañob i bʌ cha'an cabʌl i chubʌ'an.

Salmos 52:7

Q'uelela jini winic mach bʌ anic tsi' sajca i coltʌntel ti Dios. Tijicña tsi' lon ubi cha'an ti cabʌl i chubʌ'an. Tsi' ch'ejl'esa i bʌ ti jontolil, che'ob.

Salmos 62:10

Mach la' tic'lan la' pi'ʌlob cha'an mi la' chilbeñob i chubʌ'an. Mach mi la' xujch'iben i chubʌ'an la' pi'ʌlob. Che' mi' p'ojlel la' chubʌ'an mach mi la' lon ac' ti la' pusic'al.

Proverbios 10:15

Jini rico lajal mi' q'uel i chubʌ'an bajche' wen ts'ajquibil bʌ tejclum. An pobrejob mu' bʌ i jilelob cha'an ma'anic i chubʌ'an.

Jeremias 21:13

Awilan wolij contrajiñet anquese yumʌlet ti' tojlel jini xchumtʌlob ti joctʌl. Chañet che' bajche' chan bʌ xajlel ti' wutob. Ma' lon al ma'anic majch mi' mejlel ti ochel cha'an mi' contrajiñet. Mach mejlic i chilbeñoñob c chubʌ'an, lon che'et.

Jeremias 3:14

Sujtenla, israelob. Calobiletla anquese tsa' la' cʌyʌyon, i wenta la' ñoxi'alon. Mi caj c pʌyetla loq'uel, juntiquil ti jump'ejl tejclum, cha'tiquil ti jump'ejl otot cha'an mic pʌyetla majlel ti Sion.

Jeremias 31:22

¿Jala to ba ma' jalijel? ¿Cha'p'ejl jax ba a pusic'al? ¿Jala to ba ma' chʌn tʌts' a bʌ? Wʌlʌc pat ma' majlel. Come wʌ' ti pañimil lac Yum wolix i mel junchajp tsijib tac bʌ maxto bʌ anic c'ʌlʌl wʌle. Israel mi caj i c'ajtin i ñoxi'al. Ti jump'ejl i pusic'al mi caj i c'uxbiñon.

Jeremias 48:7

Tsa' la' ñopo la' coltan la' bʌ ti ts'ajquibil bʌ otot ba' lotol cabʌl chubʌ'añʌl. Jini cha'an mi caj la' cʌjchel majlel yic'ot la' dios Quemos yic'ot i motomajob yic'ot i yumob.

Jeremias 49:16

Lon tijicñayet cha'an woli' bʌc'ñañet yaño' bʌ. Chan ma' mel a bʌ ti' tojlelob. Pero ma' lon ña'tan xuc'ulet ya' ba' chumulet ti' jajp ch'en ya' ti' chañelal wits. Anquese chan a wajñib che' bajche' i c'u' xiye', mi caj c ju'sañet, che'en lac Yum.

Jeremias 7:24

Pero ma'anic tsi' ñich'tayob c t'an. Ma'anic tsi' jac'ʌyob. Tsi' chʌn cha'leyob xʌmbal che' bajche' yomob i bajñel pusic'al. Tsʌtsob i pusic'al. Jontol bajche' tsi' meleyob. Tsi' tʌts'ʌyob i bʌ. Ma'anic tsi' lʌc'tesayob i bʌ.

Jeremias 9:23

Lac Yum woli' yʌl: Jini cabʌl bʌ i pusic'al mach i chañ'esan i bʌ cha'an cabʌl i pusic'al. Jini p'ʌtʌl bʌ winic mach i chañ'esan i bʌ cha'an i p'ʌtʌlel. Jini wen chumul bʌ winic mach i chañ'esan i bʌ cha'an cabʌl i chubʌ'an.

Oseas 4:16

Pejtelel jini israelob tsi' ñusayob c mandar che' bajche' jontol bʌ ña' wacax mach bʌ yomic i q'uel i yum. Mach yomobic mij cʌntañob che' bajche' mi' cʌntʌntel alʌ tat tiñʌme'.

1 Timoteo 6:17

Jixcu jini am bʌ cabʌl i chubʌ'an ti pañimil, tsʌts ma' subeñob cha'an ma'anic mi' chañ'esañob i bʌ, cha'an ma'anic mi' yʌc'ob ti' pusic'al i chubʌ'an yujil bʌ jilel. Subeñob cha'an mi' chʌn ñopob jini cuxul bʌ Dios mu' bʌ i wen aq'ueñonla pejtelel chuqui tac yom cha'an mi la cubin lac tijicñʌyel.

Apocalipsis 18:7

Che' bajche' tsi' chañ'esa i bʌ che' bʌ tsa' wen chumle ti cabʌl i chubʌ'an che'ʌch yom mi la' p'isben cabʌl i wocol yic'ot i yuq'uel, come mi' lon al ti' pusic'al: “Buchulon tic yumʌntel che' bajche' rey. Mach meba'onic. Ma'anic mi caj cubin wocol yic'ot uq'uel”, che'ob.