Jeremias 49:2 - Chol: I T’an Dios

² Jini cha'an ña'tanla, tal i yorajlel che' mi caj c choc tilel la' contrajob cha'an mi' techob guerra ti contra Rabá ti' contra jini amoñob ya' bʌ chumulob. Mi caj i sujtel i tejclum ti mucoñibʌl. Mi caj i laj pulel jini xchumtʌl tac. Jini israelob mi caj i cha' ch'ʌmob i lum. Mi caj c choquetla loq'uel ba' tsa' la' chocoyob loq'uel, che'en lac Yum.

Chol de Tumbalá Bible

² Jini cha'an ña'tanla, tal i yorajlel che' mi caj c choc tilel la' contrajob cha'an mi' techob guerra ti contra Rabá ti' contra jini amoñob ya' bʌ chumulob. Mi caj i sujtel i tejclum ti mucoñibʌl. Mi caj i laj pulel jini xchumtʌl tac. Jini israelob mi caj i cha' ch'ʌmob i lum. Mi caj c choquetla loq'uel ba' tsa' la' chocoyob loq'uel, che'en lac Yum.

Jeremias 49:2 Iomraidhean Croise

2 Samuel 11:1

Che' ti' tejchibal jabil che' i tilel mi' loq'uelob ti guerra jini reyob, David tsi' choco majlel soldadojob i cha'an. Tsa' majliyob ja'el i yumob soldadojob ti' wenta Joab, jiñʌch ñumen ñuc bʌ. Tsa' majli i jisañob jini amoñob. Tsi' joy mʌctayob ya' ti Rabá, pero ya' jach tsa' cʌle David ti Jerusalén.

Salmos 48:11

La' i yubiñob tijicña año' bʌ ti wits i c'aba' Sion. La' i yubiñob tijicña año' bʌ ti' tejclum tac Judá, Come toj ma' cha'len meloñel.

Salmos 97:8

Tijicñayob jini año' bʌ ti Sion yic'ot ti' tejclum tac Judá cha'an toj a meloñel, c Yum.

Isaias 11:14

Temel mi caj i majlel i jisañob jini filisteojob ya' ti' lumal ba' mi' bʌjlel q'uin. Temel mi caj i jisañob jini año' bʌ ti lum tac ba' mi' pasel q'uin. Mi caj i cha' ch'ʌmob i lum tsa' bʌ i chilbeyob Edom yic'ot Moab yic'ot Amón. Mi caj i yumʌntelob i cha'añob.

Isaias 17:1

Jiñʌch i t'an Dios ti' contra Damasco jini colem tejclum ti Siria: Awilan, wolix ti pujch'el Damasco. Pucu jejmenix jini tejclum. Mux i sujtel ti mate'el.

Jeremias 4:19

Obol c bʌ, obol c bʌ, mach cujchix c cha'an ili wocol. Tsiltsilñayon. Wen ch'ijiyem c pusic'al. Tsa' jejq'uiyon yubil. Mach mejlic c ñʌjch'el, come ubibilix c cha'an i t'an tac trompeta yic'ot i t'an winicob. Woliyobix ti guerra.

Jeremias 49:1

¿Chuqui woli la' mel? ¿Chucoch wʌ' chumuletla ti' tejclum tac Israel? ¿Mach ba añobic israelob cha'an mi' bajñel chumtʌlob ilayi? Jatetla mu' bʌ la' ch'ujutesan la' dios Milcom, ¿chucoch tsa' la' choco loq'uel jini chumulo' bʌ ti' lumal Gad?

Ezequiel 21:25

Jixcu jatet Sedequías, yumʌlet ti Israel, xñusa t'añet. Wolix i c'otel i yorajlel a wocol cha'an ma' toj a mul.

Amos 1:14

Jini cha'an mi caj c choc tilel c'ajc ti' ts'ajquil Rabá. Mi caj c laj pulben jini wen melbil tac bʌ i yotot. Cabʌl winicob mi' cajelob ti oñel ti guerra. Mi caj i yubiñob wen p'ʌtʌl bʌ ic'.

Abdias 1:19

Jini ch'oyolo' bʌ ti sur mi caj i ch'ʌmob jini lum ya' ti' wits Esaú. Jini año' bʌ ti joctʌl mi caj i ch'ʌmbeñob i lum filisteojob yic'ot i lum Efraín yic'ot i lum Samaria. I p'olbal Benjamín mi caj i ch'ʌmben i lum Galaad.

Numeros 10:9

Che' c'otemetixla ti la' lumal, che' mi la' loq'uel ti guerra ti' tojlel jini woliyo' bʌ ti tic'laya, mux caj cubibeñetla i t'an jini trompeta tac che' mi la' wus ti' yorajlel wocol. Mux caj coltañetla.

Numeros 21:25

Jini cha'an jini israelob tsi' laj ch'ʌmbeyob i tejclum tac amorreojob. Ya' tsa' cajiyob ti chumtʌl. Tsi' ch'ʌmʌyob ja'el Hesbón, i tejclum jini rey Sehón i yum jini amorreojob tsa'ix bʌ i cha'le guerra ti yambʌ ora ti' contra jini rey am bʌ ti Moab. Che' bʌ tsa' mʌjli i cha'an, tsi' chilbe cabʌl i lum c'ʌlʌl ti colem ja' i c'aba' Arnón.

Deuteronomio 13:16

Che' jini yom mi la' much'quin pejtelel i chubʌ'añob ya' ti calle cha'an mi la' pul che' bajche' pulbil bʌ i majtan lac Yum. Che' jini much'ul mi caj i cʌytʌl jini tejclum ti pejtelel ora. Ma'anic mi caj i chʌn wa'chocontel jini tejclum.

Deuteronomio 3:11

Che' bʌ tsa' chʌmi jini rey Og chumul bʌ ti Basán, ma'anix tsa' cʌle chan bʌ winicob refimob. Melbil i wʌyib Og ti tsucu taq'uin, lotol to ti Rabá ti' wenta jini amoñob. An chʌmp'ejl metro i tamlel yic'ot cha'p'ejl metro i xujc.

Josue 17:11

Lamital i p'olbal Manasés tsa' aq'uenti tejclum tac yic'ot xchumtʌl tac ya' ti' lumal Isacar yic'ot ti' lumal Aser: Betseán, Ibleam, Dor, Endor, Taanac, Meguido, ba'an uxpejt lum.

Josue 17:16

I p'olbalob José tsi' yʌlʌyob: Mach jasʌlic c cha'an lojon jini wits. Pejtelel jini cananeojob año' bʌ ti joctʌl an i cha'añob carreta tac melbil bʌ ti tsucul taq'uin. Ya' chumulob ti Betseán yic'ot ti jini xchumtʌl tac am bʌ ti joytilel, yic'ot ti joctʌl i c'aba' Jezreel, che'ob.