Jeremias 49:1 - Chol: I T’an Dios

¹ ¿Chuqui woli la' mel? ¿Chucoch wʌ' chumuletla ti' tejclum tac Israel? ¿Mach ba añobic israelob cha'an mi' bajñel chumtʌlob ilayi? Jatetla mu' bʌ la' ch'ujutesan la' dios Milcom, ¿chucoch tsa' la' choco loq'uel jini chumulo' bʌ ti' lumal Gad?

Chol de Tumbalá Bible

¹ ¿Chuqui woli la' mel? ¿Chucoch wʌ' chumuletla ti' tejclum tac Israel? ¿Mach ba añobic israelob cha'an mi' bajñel chumtʌlob ilayi? Jatetla mu' bʌ la' ch'ujutesan la' dios Milcom, ¿chucoch tsa' la' choco loq'uel jini chumulo' bʌ ti' lumal Gad?

Jeremias 49:1 Iomraidhean Croise

Genesis 19:38

Tsi' yila pañimil ch'iton bʌ i yalobil jini ijts'iñʌl bʌ ja'el. Tsi' yotsʌbe i c'aba' Benammi. I tatʌch amoñob.

2 Reyob 24:2

Lac Yum tsi' choco tilel cabʌl soldadojob: caldeojob, siriajob, moabob yic'ot amoñob cha'an mi' jisañob Judá, cha'an mi' ts'ʌctiyel i t'an lac Yum che' bajche' tsi' subeyob jini x'alt'añob.

2 Cronicas 20:1

Tsa' cajiyob ti tilel jini moabob yic'ot jini amoñob, yic'ot jini meuñob, cha'an mi' cha'leñob guerra ti' contra Josafat.

2 Cronicas 20:23

Come jini amoñob yic'ot jini moabob tsa' caji i contrajiñob jini ch'oyolo' bʌ ti wits i c'aba' Seir. Che' bʌ tsa' ujti i jisañob, tsa' caji i laj bʌ tsʌnsañob i bʌ.

Nehemias 2:19

Mich' tsi' yubiyob Sanbalat jini horon yic'ot Tobías jini amon, i winic Sanbalat, yic'ot Gesem jini árabe. Tsi' wajleyoñob. Tsi' ts'a'leyoñob. Tsi' yʌlʌyob: ¿Chuqui woli la' cha'len? ¿La' wom ba la' contrajin jini rey? Che'i tsi' lon jop'beyoñob lac mul.

Nehemias 4:7

Tsa' wen mich'ayob Sanbalat yic'ot Tobías yic'ot jini arabejob yic'ot amoñob yic'ot jini ch'oyolo' bʌ ti Asdod che' bʌ tsi' yubiyob wolix lac cha' lʌts jini jejmen bʌ ts'ajc. Wolix i ñujp'el majlel.

Salmos 83:7

Yic'ot año' bʌ ti Gebal, yic'ot ti Amón, yic'ot ti Amalec, Yic'ot filisteojob, yic'ot jini chumulo' bʌ ti Tiro

Salmos 9:6

Tsa' jiliyob laj contrajob. Jejmenix i tejclum tac tsa' bʌ a jisa. Ma'anix mi' chʌn ña'tʌntelob.

Jeremias 12:14

Lac Yum mi' yʌl: Ubin chuqui mi caj c tumben jini xjontolilob ñajt bʌ ch'oyolob mu' bʌ i tilelob cha'an mi' jisʌbeñob i lumal c tejclum Israel, jini lum tsa' bʌ cʌq'ueyob. Mi caj c chocob loq'uel ti' lumal jini israelob che' bajche' mi caj c choc loq'uel Judá.

Jeremias 25:21

Tsa cʌq'ueyob i jap ja'el Edom, yic'ot Moab, yic'ot jini ya' bʌ chumulob,

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 27:3

Chocbeñob majlel t'an jini rey ti Moab, yic'ot i rey amoñob, yic'ot jini rey ti Tiro, yic'ot jini rey ti Sidón. Talob ti Jerusalén suboñelob año' bʌ ti' wenta ili yumʌlob cha'an mi' pejcañob Sedequías rey bʌ ti Judá.

Jeremias 48:1

Jiñʌch i t'an i Yum Panchan yic'ot Pañimil, i Dios Israel, ti' contra Moab: Obol i bʌ Nebo, jejmenix i yotot tac. Woliyob ti quisin Quiriataim yic'ot Misgab. Tsa'ix jili i p'ʌtʌlel.

Jeremias 49:23

Woli' toj sajtelob i pusic'al jini año' bʌ ti Hamat yic'ot Arfad ya' ti Damasco, come tsi' yubiyob tal wocol. Tsa' c'uñ'ayob cha'an bʌq'uen. Lajalob bajche' jini colem ñajb mu' bʌ i ñijcan i bʌ. Mach mejlic i c'aj i yo.

Jeremias 49:28

Lac Yum woli ti t'an ti' contra Cedar yic'ot jini xchumtʌl tac ti Hazor. Tsi' pʌyʌ tilel Nabucodonosor, rey bʌ ti Babilonia, cha'an mi' jisan. Ch'ojyenla. Cucula ti' contra Cedar. Jisan ili lum tac ya' ti' pasibal q'uin.

Jeremias 49:7

Lac Yum woli' yʌl: ¿Baqui añob jini año' bʌ i ña'tʌbal? ¿Mach ba anix mi juntiquilic ti Teman? ¿Tsa' ba asiyi i pusic'al jini a waj cʌntesajob?

Ezequiel 21:25

Jixcu jatet Sedequías, yumʌlet ti Israel, xñusa t'añet. Wolix i c'otel i yorajlel a wocol cha'an ma' toj a mul.

Ezequiel 25:1

Tsa' tili i t'an lac Yum ba' añon: I yalobil winic, sutq'uin a wut ti' lumal Amón cha'an ma' subeñob jini wocol mu' bʌ caj i yubiñob.

Sofonias 1:5

Mi' lon ñocchocoñob i bʌ ti calle cha'an mi' ch'ujutesañob jini q'uin yic'ot uw yic'ot ec'. Mi' lon tajoñob ti t'an che' woli' ch'ujutesañob Milcom.

Deuteronomio 2:19

Che' jini mi caj la' c'otel ba'an jini amoñob, pero mach yomic mi la' contrajiñob, come ma'anic mi caj cʌq'ueñetla i lum amoñob mi ts'ita'ic, come tsa'ix cʌq'ueyob i yalobilob Lot”, che'en lac Yum.

Deuteronomio 23:3

Mach mejlic ti ochel ja'el jini amoñob yic'ot moabob ya' ti' yotot lac Yum c'ʌlʌl ti lujunlajm i p'olbal.

Deuteronomio 23:4

Come ma'anic tsi' ch'ʌmbeyetla tilel i bʌl la' ñʌc' ya' ti bij che' bʌ tsa' loq'uiyetla ti Egipto. Tsi' yʌq'ueyob i majtan jini Balaam (i yalobil Beor am bʌ ti Petor ti Mesopotamia) cha'an mi' p'ajetla.