Jeremias 48:8 - Chol: I T’an Dios

⁸ Tal la' contra i lu' jisan la' tejclum tac yic'ot jini xchumtʌl tac ti joctʌl yic'ot ti' chañelal che' bajche' tsi' yʌlʌ lac Yum. Ma'anic la' coltʌntel.

Chol de Tumbalá Bible

⁸ Tal la' contra i lu' jisan la' tejclum tac yic'ot jini xchumtʌl tac ti joctʌl yic'ot ti' chañelal che' bajche' tsi' yʌlʌ lac Yum. Ma'anic la' coltʌntel.

Jeremias 48:8 Iomraidhean Croise

Jeremias 15:8

Tsac p'ojlesa meba' x'ixicob. Lajalob ti tsic che' bajche' i ji'il colem ñajb. Che' ti xinq'uiñil tsac chilbeyob jini ch'iton bʌ winicob. Tsac bʌc' chocbeyob tilel cabʌl i ch'ijiyemlel i pusic'al. Tsa' toj sajtiyob i pusic'al ti bʌq'uen.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 48:18

Loq'uenla ti Dibón ba' tijicñayetla. Buchi'la ti yambʌ lum mach bʌ la' cha'anic. Come tsa'ix juliyob mu' bʌ caj i jisañob Moab. Woli' jisañob ts'ajquibil bʌ la' wotot.

Jeremias 51:56

Come woli' jisʌntel Babilonia. Woli' wersa pʌjyelob majlel i soldadojob, jejmenix i te'el jalʌjb. Come lac Yum Dios mi' mel winicob. Wersa mi caj i tojob i mul.

Jeremias 6:26

Lʌpʌ coxtal, Jerusalén, c'uxbibilet bʌ i cha'an c pi'ʌlob. Bʌlchocon a bʌ ti' tʌñil c'ajc. Cha'len uq'uel che' bajche' x'ixic mu' bʌ i yuc'tan cojach bʌ i yalobil. Mele a pusic'al, come wolix i bʌc' tilel wocol ti lac tojlel.

Ezequiel 25:9

Jini cha'an ti' caj i mul mi caj c jisan i tejclum tac Moab c'ʌlʌl ti' pasibal q'uin ba' jaxʌl jini lum, yic'ot ti lum i c'aba' Betjesimot, yic'ot Baalmeón yic'ot Quiriataim.

Josue 13:17

Yic'ot pejtelel tejclum tac am bʌ ti joctʌl: Dibón, Bamot Baal, Betbaalmeón,

Josue 13:21

pejtelel jini tejclum tac am bʌ ti joctʌl, pejtelel jini lum i cha'an Sehón i yum amorreojob tsa' bʌ i cha'le yumʌl ti Hesbón. Moisés tsi' tsʌnsa Sehón yic'ot ja'el jini yumʌlob ti Madián, Evi, Requem, Zur, Hur, Reba. Jiñʌch yumʌlob ti' tojlel Sehón chumulo' bʌ ti lum.

Josue 13:9

Ya' jaxʌl i cayajon ti Aroer ba' mi' ñumel jini ja' i c'aba' Arnón yic'ot ti jini tejclum am bʌ ti ojlil jini joctʌl yic'ot pejtelel jini joctʌl ti yojlil Medeba yic'ot Dibón.