Jeremias 48:6 - Chol: I T’an Dios

⁶ Cucula ti puts'el. Coltan la' bʌ che' bajche' burro ti mate'el mach bʌ anic i yum.

Chol de Tumbalá Bible

⁶ Cucula ti puts'el. Coltan la' bʌ che' bajche' burro ti mate'el mach bʌ anic i yum.

Jeremias 48:6 Iomraidhean Croise

Genesis 19:17

Che' bʌ tsa' ujti i pʌyob loq'uel, juntiquil tsi' yʌlʌ: Puts'en cha'an cuxul ma' wajñel. Mach a q'uel a pat. Mach a cʌytʌl ti joctʌl. Puts'en c'ʌlʌl ti wits, ame jisʌntiquet, che'en.

Salmos 11:1

Tsa'ix cʌc'ʌ c bʌ ti' wenta c Yum. ¿Chucoch ma' subeñon: Puts'en ti wits che' bajche' te'lemut?

Jeremias 17:6

Lajalʌch bajche' te' am bʌ ti colem bʌ i tiquiñal pañimil ba' mach mejlic ti wen colel. Ma'anic mi caj i c'oc'an, come mach i tajayic i ya'lel ya' ba' woli' colel ti colem xajlelol. Ma'anic i c'ʌjñibal jini lum.

Jeremias 51:6

Loq'uenla ti Babilonia. Puts'enla ti jujuntiquiletla cha'an mi la' coltan la' bʌ. Mach yomic mi la' chʌmel yic'ot jini chumulo' bʌ ti Babilonia, come i yorajlelix mi' tojob i mul. Lac Yum mi caj i yʌq'ueñob i toj i mul.

Lucas 3:7

Juan tsa' caji i subeñob winicob x'ixicob tsa' bʌ loq'uiyob tilel cha'an mi' ch'ʌmob ja': I yalobiletla xc'ʌñʌñej. ¿Majqui tsi' subeyetla cha'an mi la' puts'tan jini tojmulil mu' bʌ i tilel?

Hebreos 6:18

Dios mach mejlic i cha'len lot. An cha'chajp mach bʌ yujilic q'uextʌyel. Jiñʌch i xuc'tʌlel i pusic'al yic'ot albil bʌ i t'an. Jini cha'an joñonla tsa' bʌ lac taja laj coltʌntel ti Dios, mi lac taj i ñuq'uesʌntel lac pusic'al cha'an mi lac chʌn pijtan chuqui subebilonla.