Jeremias 48:2 - Chol: I T’an Dios

² Ma'anix i ñuclel Moab. Ya' ti Hesbón tsi' temeyob i t'an cha'an mi' contrajiñob: “Conla. La' lac jisan”, che'ob. Ñʌch'ʌl mi caj i cʌytʌl Madmena. Mi caj i laj puts'elob i winicob, ajñesʌbilob ti espada.

Chol de Tumbalá Bible

² Ma'anix i ñuclel Moab. Ya' ti Hesbón tsi' temeyob i t'an cha'an mi' contrajiñob: “Conla. La' lac jisan”, che'ob. Ñʌch'ʌl mi caj i cʌytʌl Madmena. Mi caj i laj puts'elob i winicob, ajñesʌbilob ti espada.

Jeremias 48:2 Iomraidhean Croise

Isaias 15:1

Jiñʌch t'an tsa' bʌ i subu Dios ti' contra Moab: Ti jump'ejl jach ac'ʌlel mi caj i jisʌntel jini tejclum tac i c'aba' Ar yic'ot Quir am bʌ ti Moab. Laj jisʌbilix la' lumal yic'ot la' p'ʌtʌlel.

Isaias 15:5

Wen ch'ijiyem mi cubin cha'an i wocol jini año' bʌ ti Moab. Mi' puts'elob majlel c'ʌlʌl ti Zoar yic'ot ti Eglat. We'ecñayob mi' letselob majlel ya' ti' witsilel Luhit. Tsiquil i yuq'uel ti' i bijlel Horonaim, come talob jini yujilo' bʌ jisaya.

Isaias 25:10

Lac Yum mi caj i yʌq'ueñob i wenlel jini año' bʌ ti Sion. Pero mi caj i t'uchtan jini año' bʌ ti Moab. Mi' cajelob ti oc'mʌl che' bajche' ti ta'jibʌl.

Jeremias 25:15

Lac Yum tsi' subeyon: Ch'ʌmʌ ili taza woli bʌ cʌq'ueñet. But'ulix tic mich'ajel. Aq'ueñob i jap pejtel winicob ti mojt ti mojt baqui jach mic choquet majlel.

Jeremias 25:17

Jini cha'an tsac ch'ʌmʌ jini taza tsa' bʌ i yʌq'ueyon lac Yum. Tsa cʌq'ueyob i jap pejtel winicob ti jujump'ejl lum baqui jach tsi' chocoyon majlel lac Yum.

Jeremias 31:36

Wen yujil i jac'ol c mandar ti pejtelel. Muq'uic i cʌy i jac'beñon, che' jini mux a ña'tan mach xuc'ulic c t'an. Machic xuc'ul c t'an, tsa'ix sʌc jili Israel ti' tojel c wut ti pejtelel ora, che'en lac Yum.

Jeremias 33:24

¿A wujil ba chuqui woli' yʌlob ili winicob x'ixicob? Woli' yʌlob: “Lac Yum tsi' junyajlel choco Judá yic'ot Israel, jini yajcʌbilo' bʌ i cha'an”, che'ob. Che' jini woli' wajleñob c tejclumob. Woli' lon ña'tañob ma'anic i c'ʌjñibal ti' tojlel yan tac bʌ tejclum.

Jeremias 46:28

Mach a cha'len bʌq'uen, c winic, Jacob, che'en lac Yum. Añon quic'otet. Mi caj c lu' jisan yambʌ winicob, pero mach jatetic. Jini jach mi caj c jultesʌbeñet a pusic'al. Ma'anic mi caj c to'ol ñusan a mul, che'en lac Yum.

Jeremias 48:17

Uc'tanla Moab pejteletla mu' bʌ la' cʌn, chumulet bʌ la ti lʌc'ʌl. Subula: “Lástima, come tsa'ix bʌc' jili che' bajche' barate' che' p'ʌtʌl to, che' wen i t'ojol jax”.

Jeremias 48:42

Mi caj i lu' jisʌntel Moab. Mi caj i junyajlel sajtelob ili wʌ' bʌ chumulob, come chan tsi' meleyob i bʌ ti' tojlel lac Yum.

Jeremias 48:45

Mi' puts'elob majlel ti Hesbón, pero ma'anic i coltʌntel come tsa'ix tejchi c'ajc ti Hesbón. Wolix ti pulel i yotot rey yic'ot jini templo tac ti Sihon i tejclum rey. Mi caj i pam ñumel jini c'ajc ti Moab. Mi caj i laj jisʌntelob i winicob tsa' bʌ i chañ'esayob i bʌ.

Jeremias 49:3

Cha'lenla uq'uel añet bʌ la ti Hesbón, come jisʌbilix Hai. Cha'lenla uq'uel xchumtʌlob ti' joytʌlel Rabá. Lʌpʌla coxtal. Mele la' pusic'al. Ñopo la' mujcun la' bʌ ti te'el come q'uechel mi' majlel la' dios Milcom ti ñajt bʌ lum yic'ot jini motomajob yic'ot jini yumʌlob mu' bʌ i ch'ujutesañob.

Jeremias 49:37

Mi caj c bʌc'tesan Elam ti' tojlel i contrajob yomo' bʌ i tsʌnsañob. Mi caj c chocbeñob tilel wocol cha'an cʌlʌx jax wolic mich'leñob.

Numeros 32:37

I yalobilob Rubén tsi' meleyob jini tejclum tac: Hesbón, Eleale, Quiriataim, Nebo, Baalmeón yic'ot Sibma. Tsa' cajiyob ti chumtʌl ya'i. (Jini israelob tsi' cha' q'uextʌbeyob lamital i c'aba' tac.)