Jeremias 48:12 - Chol: I T’an Dios

¹² P'isi ti la' wenta, che'en lac Yum, tal i yorajlel che' mi caj c chocben tilel xtic'layajob mu' bʌ caj i wersa choc loq'uel Moab ti' lumal che' bajche' vino mu' bʌ la' ñusan ti jujump'ejl i yajñib. Ti wi'il mi caj i tojp'ejl jini vaso tac.

Chol de Tumbalá Bible

¹² P'isi ti la' wenta, che'en lac Yum, tal i yorajlel che' mi caj c chocben tilel xtic'layajob mu' bʌ caj i wersa choc loq'uel Moab ti' lumal che' bajche' vino mu' bʌ la' ñusan ti jujump'ejl i yajñib. Ti wi'il mi caj i tojp'ejl jini vaso tac.

Jeremias 48:12 Iomraidhean Croise

Salmos 2:9

Mi caj a jisan winicob x'ixicob ti bara melbil bʌ ti tsucul taq'uin. Mi caj a bic'ti top'ob lajal bajche' mi' tojp'el p'ejt melbil bʌ ti lum”. Che' tsi' subeyon c Yum, che'en.

Isaias 16:2

Che' bajche' mi' lon cha'len wejlel jini mut mach bʌ anix i c'u', che'ʌch ja'el mi caj i ñumelob jini x'ixicob moabob ya' ti c'axib ja' am bʌ ti colem ja' i c'aba' Arnón.

Isaias 30:14

Dios mi caj i bic'ti top'etla che' bajche' p'ejt. Ma'anic mi caj i cʌytʌl mi junxejt'ic cha'an ma' lech i ñich c'ajc, mi cha'an ma' luch ja'.

Jeremias 14:3

Jini yumʌlob mi' chocob majlel winicob ti luch ja'. Mi' c'otelob ti' yajñib ja' pero tiquinix. Mi' tsicob i pusic'al come mi' to'ol sujtelob.

Jeremias 19:10

Che' ma' wujtel ti t'an, Jeremías, mi caj a top' jini uc'um che' woli' q'uelob a pi'ʌlob tsa' bʌ a pʌyʌ majlel ti joctʌl.

Jeremias 25:34

Cha'lenla uq'uel, xcʌnta tiñʌme'ob. Ñolq'uin la' bʌ ti' tʌñil c'ajc, yumʌlob ñuc bʌ la' we'tel, come i yorajlelix mi la' tsʌnsʌntel. Mi caj la' chojquel jubel. C'unix mi caj la' sujtel che' bajche' x'ixicob.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 48:11

C'ʌlʌl ti' cajibal tsi' mulayob alas año bʌ ti Moab. Tsi' meleyob bajche' jach yom i pusic'al. Ya' jach ti' lumal tsa' coliyob. Xuc'ul tsa' chumleyob. Ma'anic majch tsi' chocoyob loq'uel ti' yajñib. Ma'anic tsa' wersa pʌjyiyob majlel ti ñajtʌl. Jini cha'an chan mi' melob i bʌ. Mach ju'sʌbilobic i pusic'al.

Jeremias 48:13

Ti jim bʌ ora Moab mi caj i yubin quisin cha'an tsi' c'uxbi Quemos, che' bajche' tsi' cha'le quisin i p'olbal Israel cha'an tsi' ñopoyob lot ti Betel.

Jeremias 48:15

Talob mu' bʌ caj i jisañob Moab yic'ot pejtel i tejclum. Jini ch'iton winicob ti Moab tsa'ix majliyob ti chʌmel. Mi caj i tsʌnsʌntelob ti guerra. Che' tsi' yʌlʌ jini Rey, i Yum Panchan yic'ot Pañimil. Che'ʌch i c'aba'.

Jeremias 48:38

U'ucñayob ya' ti' pam i yotot yic'ot ti' bijlel tac tejclum ti pejtelel i lumal Moab, come tsac bic'ti jemeyob che' bajche' mi' tojp'el uc'um che' ma'anix majch mi' mulan, che'en lac Yum.

Jeremias 48:8

Tal la' contra i lu' jisan la' tejclum tac yic'ot jini xchumtʌl tac ti joctʌl yic'ot ti' chañelal che' bajche' tsi' yʌlʌ lac Yum. Ma'anic la' coltʌntel.

Nahum 2:2

Come lac Yum mi caj i coltan Judá yic'ot Israel. Mi caj i cha' ac' ti colel, anquese jisʌbilix i chubʌ'an cha'an Asiria.