Jeremias 48:10 - Chol: I T’an Dios

¹⁰ Obol i bʌ jini am bʌ i ts'u'lel ti' ye'tel lac Yum. Obol i bʌ mu' bʌ i bajñel cʌntan i yespada ti' yotot che' pʌybilix cha'an mi' melben i ye'tel lac Yum.

Chol de Tumbalá Bible

¹⁰ Obol i bʌ jini am bʌ i ts'u'lel ti' ye'tel lac Yum. Obol i bʌ mu' bʌ i bajñel cʌntan i yespada ti' yotot che' pʌybilix cha'an mi' melben i ye'tel lac Yum.

Jeremias 48:10 Iomraidhean Croise

1 Reyob 20:39

Che' woli ti ñumel jini rey, jini x'alt'an tsi' pejca: C yum, che' bʌ tsajniyon ba' wen woli' yujtel guerra, juntiquil soldado tsi' pʌybeyon tilel juntiquil xcʌjchel. Tsi' subeyon: “Cʌntʌbeñon jini xcʌjchel ame puts'ic. Mi tsa' puts'i, mi caj a tsʌnsʌntel jatet, o mux caj a tojbeñon jo'p'ejl i cha'c'al mil (25,000) peso”, che'en.

1 Reyob 20:40

Pero che' woliyon ti e'tel, tsa' puts'i jini xcʌjchel, che'en x'alt'an. Jini rey tsi' jac'ʌ: Jiñʌch a mul. Wersa mi caj a toj, che'en jini rey Acab.

1 Reyob 20:42

Jini x'alt'an tsi' sube: Lac Yum woli' yʌl: “Tsac ña'ta wersa mi caj i chʌmel jini winic Benadad. Pero jatet tsa' colo. Jini cha'an wersa mi caj a tsʌnsʌntel ti' q'uexol jini winic. A winicob mi caj i tsʌnsʌntelob ti' q'uexol i winicob”, che'en lac Yum. Che' tsi' yʌlʌ jini x'alt'an.

2 Reyob 13:19

Pero i winic Dios tsi' mich'le jini rey. Tsi' sube: Tsa'ic a jats'ʌ jo'yajl wʌcyajl, che' jini tsa' mejli a laj jisan jini siriajob. Pero wʌle cojach uxyajl mi caj i mʌjlel a cha'an. Che' tsi' yʌlʌ Eliseo.

Jeremias 11:3

Subeñob ts'a'lebil ti Dios jini mach bʌ anic mi' ñich'tan jini xuc'ul bʌ c t'an. Tsac mele jini trato yic'ot la' tatob che' bʌ tsac pʌyʌyob loq'uel ti Egipto ya' ba' woliyob ti wocol e'tel. Tsac subeyob: “Ñich'tanla c t'an. Melela chuqui mic subeñetla. Che' jini c winiquetla, la' Dioson.

Jeremias 47:6

Mach yujilic ñʌjch'el i yespada lac Yum. ¿Jal to ba mi caj a cha' otsan espada ti' yotot? La' ajnicon lojon, che'etla.

Jeremias 47:7

Pero mach mejlic i jac' i tic'ol che' anto i ye'tel i yespada lac Yum. Come wersa mi caj i laj jisan jini chumulo' bʌ ti' ti' colem ñajb.

Jeremias 50:25

Lac Yum tsi' jamʌ i yotlel i ye'tijib come mich'. An chuqui mi caj i c'ʌn ti' contra jini caldeojob I Yum Panchan yic'ot Pañimil.

Jeremias 50:27

Tsʌnsanla pejtelel winicob. Obolob i bʌ, come i yorajlelix mi' tojob i mul.

Josue 10:19

Mach la' cʌy la' wajñesan laj contrajob. Yom mi la' jisan jini wi'il pat bʌ. Mach yomic mi' cha' sujtelob ti' tejclum tac. Jini lac Yum Dios tsa'ix i yʌc'ʌ ti la' c'ʌb laj contrajob, che'en.

Juezob 5:23

“Chocbil ti' wut Dios jini tejclum Meroz”, che'en i yAngel lac Yum. Chocbilix ja'el i pi'ʌlob ti chumtʌl, Come ma'anic tsa' tili i coltañob lac Yum Ti' contra jini p'ʌtʌlo' bʌ.

1 Samuel 15:3

Jini cha'an yomix ma' majlel a tsʌnsan jini amalecob. Jisan pejtelel chuqui añob i cha'an. Mach ma' wis p'untañob mi winicob mi x'ixicob, mi alʌlob anquese woliyob to ti chu', mi wacax, mi tiñʌme', mi camello, mi burro. Laj jisañob”, che'en.

1 Samuel 15:9

Pero ma'anic tsi' tsʌnsayob Agag yic'ot jini wen tac bʌ tiñʌme', yic'ot jini uts'at tac jax bʌ wacax, yic'ot pejtelel yan tac bʌ alʌc'ʌl wen jujp'em tac bʌ. Tsi' lotoyob. Ma'anic tsi' jisayob. Pero jini mach bʌ ch'ejlic tsi' jisayob ti pejtelel.