Jeremias 47:6 - Chol: I T’an Dios

⁶ Mach yujilic ñʌjch'el i yespada lac Yum. ¿Jal to ba mi caj a cha' otsan espada ti' yotot? La' ajnicon lojon, che'etla.

Chol de Tumbalá Bible

⁶ Mach yujilic ñʌjch'el i yespada lac Yum. ¿Jal to ba mi caj a cha' otsan espada ti' yotot? La' ajnicon lojon, che'etla.

Jeremias 47:6 Iomraidhean Croise

2 Samuel 2:26

Abner tsi' sube Joab: ¿Jala to ba mi caj i chʌn jilelob winicob ti espada? ¿Mach ba a wujilic woli jach lac p'ojlesan wocol? Che' ti' yujtibal cabʌlix lac ch'ijiyemlel. ¿Baqui to ora mi caj a subeñob a soldadojob cha'an mi cʌy i yajñesañob i pi'ʌlob? che'en.

1 Cronicas 21:27

Che' jini lac Yum tsi' tiq'ui jini Angel woli bʌ ti jisaya. Ti ora jach tsi' cha' otsa' i yespada ti' yotot.

Salmos 17:13

C Yum, yom ma' wa'tʌl, ch'ejl yom ma' pʌs a bʌ ti' contra. Wit'choco jini jontol bʌ. Ac'ʌyon ti colel ti' p'ʌtʌlel jini jontolo' bʌ ti pañimil.

Isaias 10:15

Lac Yum woli' yʌl: ¿Mu' ba mejlel i sub i ñuclel jini jacha che' woli' c'ʌjñel ti' c'ʌb i yum? ¿Mejl ba i sub i bʌ ti ñuc jini sierra che' woli' p'el te' i yum? Jini te' ¿mejl ba i cha' sujtel i jats' jini woli bʌ i chuc majlel? Asiria jiñʌch te' am bʌ i c'ʌñol tij c'ʌb, che'en.

Isaias 10:5

Jini Asiria i wentajʌch asiyal tij c'ʌb cha'an mic jats' Judá tic mich'ajel. I wentajʌch barate' tij c'ʌb. Tsa'ix c choco majlel ti contra Judá ti' caj i mul cha'an tsi' cʌyʌ i Dios. Tsa'ix c sube asiriajob cha'an mi' yʌc'ob ti to'ol e'tel yic'ot wocol. Mi caj i chilbeñob i chubʌ'an. Mi caj i juch'tec'ob che' bajche' oc'ol ti bij.

Jeremias 12:12

Julemobix jini yujilo' bʌ jisaya i wentajobʌch i yespada lac Yum. Pam pujquemob ti pam wits ba' ma'anic pʌc'ʌbʌl. Baqui jach añob woliyob ti jisaya. Ma'anic majqui ñʌch'ʌl. Woliyob ti bʌq'uen pejtel winicob.

Jeremias 12:4

¿Jala to mi' yujtel wocol? Tiquinix lum. Tiquinix pejtel jini jam. Majlemobix bʌte'el yic'ot te'lemut. Jochol mi' cʌytʌl lum cha'an i mul xjontolilob. Mi' yʌlob: Mach jiliconla. Mach muq'uic i jisañonla Dios, che'ob.

Jeremias 15:3

Mi caj cʌc'ob ti chʌmel ti chʌnchajp wocol: jini espada yujil bʌ tsʌnsa, yic'ot jini jontol bʌ ts'i' yujil bʌ c'ux, yic'ot jini mate'el mut, yic'ot bʌte'el. Tsa cʌq'ueyob i p'ʌtʌlel ili chʌnchajp cha'an mi' jisañob.

Jeremias 25:27

Mi caj a subeñob: “Japʌla jinto mi la' yʌc'an, jinto mi la' xejtan. Mi caj la' yajlel. Ma'anix mi caj la' chʌn ch'ojyel come mi caj la' jilel ti espada. Che' woli' yʌl i Yum Panchan yic'ot Pañimil, i Dios Israel”. Che' yom ma' subeñob.

Jeremias 4:21

¿Jala to ba mi caj j q'uelben i bandera jini xguerrajob? ¿Jala to ba mi caj cubiben i t'an tac trompeta?

Jeremias 48:10

Obol i bʌ jini am bʌ i ts'u'lel ti' ye'tel lac Yum. Obol i bʌ mu' bʌ i bajñel cʌntan i yespada ti' yotot che' pʌybilix cha'an mi' melben i ye'tel lac Yum.

Jeremias 50:35

Talob mu' bʌ caj i jisañob ti espada jini caldeojob yic'ot jini chumulo' bʌ ti Babilonia, yic'ot año' bʌ i ye'tel yic'ot año' bʌ i ña'tʌbal.

Ezequiel 14:17

Che' mic choc tilel guerra cha'an mi' laj jisʌntelob yic'ot espada, ma'anic bajche' mi caj i coltʌntelob.

Ezequiel 21:30

Jinto che' tsa'ix c meleyetla maxto mi caj c cha' otsan quespada ti' yotot. Ya' ti lum ba' tsa' coliyetla, ba' chumuletla, mi caj c jisañetla.

Zacarias 13:7

I Yum Panchan yic'ot Pañimil woli' chʌn al: La' tilic i contra cha'an mi' low jini Xcʌntaya c cha'an, jini c pi'ʌl ti e'tel, lajal bʌ quic'ot. La' tsʌnsʌntic jini Xcʌntaya. Mi caj i pam pujquelob jini tiñʌme'. Pero mi caj c sujtel cha'an mij coltan jini ch'o'ch'oco' bʌ.

Juan 18:11

Jesús tsi' sube: Pedro, otsan a wespada ti' yotot. ¿Mach ba yomic mic laj ñusan ili wocol tsa' bʌ i yʌq'ueyon c Tat? che'en.

Juezob 7:20

Jini uxmojt soldadojob tsi' wusuyob trompeta. Tsi' top'oyob i yuc'um. Ti ts'ej bʌ i c'ʌbob tsi' cha' ch'ʌmʌyob jini nich c'ajc. Ya' ti ñoj bʌ i c'ʌbob tsi' chucuyob majlel trompeta woli bʌ i wusob. Tsi' cha'leyob oñel: I yespada lac Yum am bʌ ti' wenta Gedeón, che'ob.