Jeremias 47:4 - Chol: I T’an Dios

⁴ Come tal i yorajlel che' mi caj i junyajlel jisʌntelob jini filisteojob yic'ot i yaj coltayajob ti Tiro yic'ot ti Sidón. Come lac Yum woli' jisan filisteojob tilemo' bʌ ti Caftor jini lum joyol bʌ ti ja'.

Chol de Tumbalá Bible

⁴ Come tal i yorajlel che' mi caj i junyajlel jisʌntelob jini filisteojob yic'ot i yaj coltayajob ti Tiro yic'ot ti Sidón. Come lac Yum woli' jisan filisteojob tilemo' bʌ ti Caftor jini lum joyol bʌ ti ja'.

Jeremias 47:4 Iomraidhean Croise

Genesis 10:15

Canaán jiñʌch i tat Sidón jini ñaxan bʌ i yalobil. I tatʌch Het ja'el, yic'ot jebuseojob, amorreojob, gergeseojob, heveojob, araceojob, sineojob, arvadiojob, zemareojob, hamateojob. Ti mojt ti mojt tsa' pam pujquiyob ti' lumal Canaán.

Job 9:13

Dios mi caj i pʌs pejtel i mich'lel. Mi caj i ju'sʌbeñob i pusic'al jini chaño' bʌ yic'ot i pi'ʌlob ti jontolil.

Salmos 37:13

Lac Yum mi' tse'tan jini winic. Yujil mach jalix mi' caj ti jilel.

Isaias 10:3

¿Chuqui mi caj la' mel ti' q'uiñilel wocol che' mic choc tilel wocol tilem bʌ ti ñajtʌl? ¿Majqui mi caj la' pejcan cha'an mi' coltañetla? ¿Baqui mi mejlel la' cʌntan la' chubʌ'an?

Isaias 14:31

Winicob añet bʌ la ti jujump'ejl tejclum ti Filistea, cha'lenla uq'uel, come mi caj la' jisʌntel. Mi caj i jisʌntel jini colem bʌ la' tejclum. Talob wen chajpʌbilo' bʌ soldadojob loq'uemo' bʌ ti norte cha'an mi' contrajiñetla.

Isaias 31:8

Mi caj i jilelob ti espada jini asiriajob, pero mach i cha'anic winicob. I cha'añʌch Dios. Mi caj i puts'tañob espada. Jini ch'iton bʌ soldadojob mi caj i chujquelob cha'an mi' yochelob ti mozo.

Jeremias 46:10

Pero jiñʌch i Yum Panchan yic'ot Pañimil mu' bʌ caj i mʌjlel i cha'an ti jim bʌ q'uin. Mi caj i q'uextʌbeñob i mul i contrajob. Mi caj i yʌq'ueñob i toj i mul jini egiptojob. Jini caldeojob mi caj i tsʌnsañob egiptojob ti espada ya' ti norte ti' t'ejl jini ja' Eufrates. Mi caj i yʌq'uentel tsʌnsʌbil bʌ i majtan lac Yum Dios, i Yum Panchan yic'ot Pañimil.

Ezequiel 21:25

Jixcu jatet Sedequías, yumʌlet ti Israel, xñusa t'añet. Wolix i c'otel i yorajlel a wocol cha'an ma' toj a mul.

Ezequiel 21:29

Come jini payxo bʌ x'alt'añob la' cha'an woli' subeñetla lot ti' c'aba' la' dioste' tac. Woli' lon alob mi caj la' coltʌntel che' mi' tilelob jini ch'oyolo' bʌ ti Babilonia. Che' jini woli' yʌq'uetla ti chʌmel ti espada. Jini espada mi caj i jisañetla ti' q'uiñilel toj mulil.

Ezequiel 25:16

Jini cha'an lac Yum Dios woli' yʌl: Ti' caj i mul mi caj j contrajin jini filisteojob. Mi caj c jisan jini cereteojob yic'ot pejtel chumulo' bʌ ti' ti' jini ñoj ja'.

Ezequiel 30:8

Che' jini mi caj i ña'tañob Yumʌlon ba' ora tsa'ix c jisa Egipto. Pejtel mu' bʌ i coltañob mi caj i jisʌntelob ja'el.

Ezequiel 7:12

Tsa'ix c'oti i yorajlel, tsa'ix lʌc'tiyi i q'uiñilel. Mach i mel i pusic'al jini mu' bʌ i chon lum. Mach i tijicñesan i pusic'al jini tsa' bʌ i mʌñʌ. Come tal i mich'ajel Dios ti' tojlelob.

Oseas 9:7

Tsa'ix c'oti i yorajlel tojmulil. Jiñʌch i yorajlel mi' q'uextʌbentel i mul Israel. Mi' yʌlob: Tontojob jini x'alt'añob. Sojquem i jol i winic Dios, che'ob, come cabʌl jax i mul. Cabʌl mi' ts'a'leñob jini mu' bʌ i c'uxbiñob Dios.

Amos 9:7

Israelet bʌ la, ¿mach ba lajaletic la tic tojlel bajche' jini etiopejob? Junlajaletla. ¿Mach ba joñonic tsa' bʌ c pʌyʌ loq'uel Israel ti' lumal egiptojob? Joñon tsac pʌyʌ loq'uel jini filisteojob ti Caftor. Tsac pʌyʌ loq'uel arameojob ti Kir.

Lucas 21:22

Jiñʌch q'uin tac che' mi caj i q'uextʌbentelob i jontolil, cha'an mi' yujtel ti pejtelel che' bajche' ts'ijbubil.

Deuteronomio 2:23

Jini caftoreojob tsi' jisayob jini aveojob año' bʌ ti tejclum tac c'ʌlʌl ti Gaza. Tsa' caji' cha'leñob chumtʌl ya' ti' lum.)

Josue 22:30

Jini motomaj i c'aba' Finees yic'ot año' bʌ i ye'tel yic'ot tatʌlob ti' tojlel Israel uts'at tsi' yubibeyob i t'an jini rubeñob yic'ot gadob yic'ot manasesob.