Jeremias 47:3 - Chol: I T’an Dios

³ Ubiben i t'an caballo yic'ot jini carreta tac woli bʌ i tujc'añob ñumel. Woli' puts'elob winicob. Ma'anic mi' sujtel i can q'uelob i yalobilob ya' ti' pat. Ma'añobix i p'ʌtʌlel ti' tojlel i contrajob.

Chol de Tumbalá Bible

³ Ubiben i t'an caballo yic'ot jini carreta tac woli bʌ i tujc'añob ñumel. Woli' puts'elob winicob. Ma'anic mi' sujtel i can q'uelob i yalobilob ya' ti' pat. Ma'añobix i p'ʌtʌlel ti' tojlel i contrajob.

Jeremias 47:3 Iomraidhean Croise

Isaias 5:28

Wen jay tac i te'el i jalʌjb. Wen tsʌts xotbilob i jalʌjb cha'an mi' julob. Tsʌts i pacaralel i yoc caballo che' bajche' xajlel. Ajñel mi' majlel i carreta che' bajche' sutujt ic'.

Jeremias 46:9

Conla, che'ob. Yom p'is mi' majlelob carreta tac yic'ot caballo. La' ñaxan majlicob jini p'ʌtʌlo' bʌ yic'ot jini ch'oyolo' bʌ ti Cus yic'ot ti Put chuculo' bʌ i cha'an mʌctijibʌl tac, yic'ot jini ch'oyol bʌ ti Lud wen yujilo' bʌ julbʌl ti jalʌjb, lon che'ob.

Jeremias 50:42

Chuculob i cha'an jalʌjb yic'ot i te'el. Jontolob jax. Mach yujilobic p'untaya. Ju'ucñayob ti t'an che' bajche' i t'an colem ñajb. C'ʌchʌlob woli' tilelob, chajpʌbilob cha'an guerra, cha'an mi' contrajiñet Babilonia.

Jeremias 8:16

Ju'ucñayob i t'an i c'ʌchlibob ch'oyolo' bʌ ti norte. Talob ti guerra. Mi' ñijcan i bʌ lum. Talob i jisan lac lum yic'ot pejtelel laj c'ajbal, jini tejclum tac yic'ot jini chumulo' bʌ ti tejclum.

Ezequiel 23:24

Mi caj i tilelob ti la' tojlel ti carreta tac yic'ot cabʌl e'tijibʌl yic'ot cabʌl soldadojob. Mi caj i joy mʌctañetob winicob wen chajpʌbilo' bʌ cha'an guerra. Che' jini mi caj cʌq'ueñet a toj a mul.

Nahum 2:4

P'is woli ti ajñel jini carreta tac ti calle. Ora jach mi' ñumel. Mi' tilel mi' majlel. Lajalʌch yilal bajche' te' woli bʌ ti lejmel. Mi' ñumel tac che' bajche' chajc.

Nahum 2:8

Lajalʌch Nínive bajche' arroyojil, ora bʌ mi' sajp'ejl. Wa'i', wa'i', che'ob ti c'am bʌ t'an, pero mach i jac'ʌyic i soldadojob. Mi' chʌn puts'elob majlel.

Apocalipsis 9:9

An i sujl wechel ti' tajn lajal bajche' tsucu taq'uin. Lajal tsi' cha'le t'an i wich' bajche' cabʌl carreta mu' bʌ i tujc'an majlel caballo che' mi' cha'len ajñel ti guerra.

Juezob 5:22

Ju'ucña tsa' la cubin i yoc caballo Ba' woli' ñumelob jini ch'ejl bʌ caballo.