Jeremias 47:2 - Chol: I T’an Dios

² Lac Yum woli' subeñob jini filisteojob: Ya' ti norte woli' bujt'el ja'. Talix but'ja' i pam mʌctan a lum yic'ot a c'ajbal, yic'ot a tejclum tac yic'ot jini ya' bʌ chumulob. Winicob mi' cajelob ti oñel cha'an bʌq'uen. Pejtel xchumtʌl tac mi' cajelob ti uq'uel.

Chol de Tumbalá Bible

² Lac Yum woli' subeñob jini filisteojob: Ya' ti norte woli' bujt'el ja'. Talix but'ja' i pam mʌctan a lum yic'ot a c'ajbal, yic'ot a tejclum tac yic'ot jini ya' bʌ chumulob. Winicob mi' cajelob ti oñel cha'an bʌq'uen. Pejtel xchumtʌl tac mi' cajelob ti uq'uel.

Jeremias 47:2 Iomraidhean Croise

Salmos 24:1

Jini pañimil i cha'añʌch lac Yum yic'ot pejtel i bʌl, yic'ot pejtel jini chumulo' bʌ ti pañimil.

Salmos 50:12

Anic c wi'ñal, mach muq'uic c subeñet, Come c cha'añʌch jini pañimil yic'ot pejtelel i bʌl.

Salmos 96:11

La' i yubin tijicña jini panchan yic'ot pañimil. La' i cha'len c'am bʌ t'an jini colem ñajb yic'ot pejtel i bʌl.

Salmos 98:7

La' i cha'len c'am bʌ t'an jini colem ñajb yic'ot chuqui tac an ti ñajb, Jini pañimil ja'el yic'ot pejtelel wʌ' bʌ chumulob.

Isaias 14:31

Winicob añet bʌ la ti jujump'ejl tejclum ti Filistea, cha'lenla uq'uel, come mi caj la' jisʌntel. Mi caj i jisʌntel jini colem bʌ la' tejclum. Talob wen chajpʌbilo' bʌ soldadojob loq'uemo' bʌ ti norte cha'an mi' contrajiñetla.

Isaias 15:8

Tsiquil ti pejtelel i lumal Moab i yuq'uel jini año' bʌ ti Moab, c'ʌlʌl ti Eglaim yic'ot ti Beer Elim.

Isaias 22:1

Jiñʌch i t'an Dios ti' contra Jerusalén. ¿Chuqui woli la' bʌc'ñan cha'an tsa' letsiyetla ti pam la' wotot, winicob yic'ot x'ixicob? ¿Chuqui woli la' q'uel?

Isaias 28:17

Pero mi caj c mel jini winicob yujilo' bʌ lot. Toj mi caj c melob. Tsa' wa'choco lot che' bajche' otot cha'an xuc'ul ma' wajñel. Pero tal tuñija' cha'an mi' jisan a wotot ba' lon xuc'ulet. Tal but'ja' i cuch majlel. Che' jini ma'anix ba' ma' mujcun a bʌ, che'en.

Isaias 59:19

Mi caj i bʌc'ñañob lac Yum ya' ba' mi' bʌjlel q'uin c'ʌlʌl ti' pasibal q'uin. Che' mi' tilel laj contra che' bajche' but'ja'lel cha'an mi' tic'lan i tejclumob Dios, ya'an i Ch'ujlel lac Yum ti' tojlelob cha'an mi' coltañob.

Jeremias 1:14

Lac Yum tsi' subeyon: Tal ñuc bʌ wocol loq'uem bʌ ti norte. Muq'uix i taj pejtelel chumulo' bʌ ti a lumal.

Jeremias 46:12

Ti pejtelel pañimil tsi' yubiyob cha'an tsa' t'uchtʌntiyetla. Woliyetla ti quisin. Ti ñajtʌl mi' yubintel a woñel, come tsi' cujuyob i bʌ jini p'ʌtʌlo' bʌ. Temel tsa' yajliyob.

Jeremias 46:13

Lac Yum tsi' wʌn sube jini x'alt'an Jeremías: Tal i jisan Egipto jini Nabucodonosor rey bʌ ti Babilonia.

Jeremias 46:20

Anquese i t'ojol jax Egipto che' bajche' i ña' wacax, pero tal jaj loq'uem bʌ ti norte. Mi caj i c'ux.

Jeremias 46:24

Egipto mi caj i yʌjq'uel ti quisin. Mi caj i yʌjq'uel ti' wenta jini ch'oyolo' bʌ ti norte.

Jeremias 48:39

Ma'anix i p'ʌtʌlel. Cabʌl woliyob ti uq'uel. Woli ti quisin Moab. Woliyob ti wajleya jini año' bʌ ti' joytʌlel. Mi' cajelob ti bʌq'uen.

Jeremias 6:22

Woli' yʌl lac Yum: Talob winicob ch'oyolo' bʌ ti norte. Woli' yutsi p'ojlel i p'ʌtʌlel ya' ti' ñajtʌlel pañimil.

Jeremias 8:16

Ju'ucñayob i t'an i c'ʌchlibob ch'oyolo' bʌ ti norte. Talob ti guerra. Mi' ñijcan i bʌ lum. Talob i jisan lac lum yic'ot pejtelel laj c'ajbal, jini tejclum tac yic'ot jini chumulo' bʌ ti tejclum.

Daniel 11:22

Majqui jach mi' contrajin mi caj i jisʌntel. Mi caj i tsʌnsan ja'el juntiquil i yum motomajob.

Nahum 1:8

Pero mi caj i laj jisan i contrajob che' bajche' ti but' ja'lel. Mi caj i yajñesañob majlel c'ʌlʌl ti ic'ch'ipan bʌ pañimil.

1 Corintios 10:26

Come i cha'an lac Yum jini lum yic'ot pejtelel i bʌl.

1 Corintios 10:28

Mi an majch mi' subeñetla: Tsa'ix aq'uenti dioste' tac, mi che'en, mach mi la' c'ux ame tejchic t'an ti' pusic'al jini tsa' bʌ i subeyetla,

Santiago 5:1

Ubinla wen chumulet bʌ la. Cha'lenla uq'uel, cha'lenla oñel cha'an jini wocol mu' bʌ caj i tajetla.

Apocalipsis 17:1

Tsa' tili juntiquil ángel i pi'ʌl jini wʌctiquil chucul bʌ i cha'añob wucp'ejl taza. Tsi' pejcayon. Tsi' yʌlʌ: La' ilayi. Mi caj c pʌsbeñet bajche' mi caj i yʌjq'uel ti toj mulil jini ñuc bʌ xmoja buchul bʌ ti' yumʌntel ba'an i xʌc' colem ñajb.

Apocalipsis 17:15

Jini ángel tsi' cha' subeyon: Jini cabʌl ja' tac tsa' bʌ a q'uele ba' buchul xmoja jiñʌch bajc'ʌl winicob x'ixicob año' bʌ ti cabʌl tejclum tac yujilo' bʌ t'an ti chajp ti chajp.