Jeremias 44:1 - Chol: I T’an Dios

¹ Tsa' tili jini t'an ba'an Jeremías che' ya' to chumulob jini judíojob ti Egipto, ti Migdol yic'ot ti Tafnes yic'ot ti Menfis yic'ot ti junwejl Patros.

Chol de Tumbalá Bible

¹ Tsa' tili jini t'an ba'an Jeremías che' ya' to chumulob jini judíojob ti Egipto, ti Migdol yic'ot ti Tafnes yic'ot ti Menfis yic'ot ti junwejl Patros.

Jeremias 44:1 Iomraidhean Croise

Isaias 11:11

Ti jim bʌ ora lac Yum mi caj i cha' sʌts' i c'ʌb cha'an mi' pʌy tilel i cha'año' bʌ tsa' bʌ cʌleyob ti Asiria, yic'ot ti Egipto, yic'ot ti Patros, yic'ot ti Etiopía, yic'ot ti Elam, yic'ot ti Sinar, yic'ot ti Hamat, yic'ot ti lum tac joyol bʌ ti colem ja' ti' ñajtilel pañimil.

Isaias 19:13

Tsa'ix ochiyob ti tonto jini yumʌlob ti Zoán. Tsa'ix i ñopoyob lot jini yumʌlob ti Menfis. Jini año' bʌ i ye'tel ti Egipto tsi' lotiyob i pi'ʌlob. Ti jump'ejl i pusic'al tsa' sajtiyob.

Jeremias 2:16

Jini ch'oyolo' bʌ ti Menfis yic'ot ti Tafnes am bʌ ti Egipto tsi' chilbeyet a yumʌntel.

Jeremias 24:8

Jini oc'benix bʌ higo ma'anix i c'ʌjñibal. Che'ʌch yilal jini Sedequías rey bʌ ti Judá, yic'ot ñuco' bʌ i ye'tel año' bʌ ti' wenta, yic'ot pejtelob tsa' bʌ cʌleyob ti Jerusalén yic'ot ti ili lum yic'ot ti Egipto.

Jeremias 43:13

Mi caj i jem jini chan bʌ oy tac am bʌ i ts'ijbal ya' ti' tojel jini templo ti Egipto ba' mi' ch'ujutesañob jini q'uin. Mi caj i jem jini templo tac ba' lotol i diosob Egipto. Mi caj i pulob ti c'ajc”. Subeñob che' woli' yʌl lac Yum, che'en.

Jeremias 44:15

Ya' tempʌbilob bajc'ʌl winicob x'ixicob tsa' bʌ majliyob ti Egipto, chumulo' bʌ ti Patros. Añʌch i mul ili x'ixicob cha'an tsi' pulbeyob pom jini dioste' tac. Ña'tʌbil i cha'an i ñoxi'alob, pero ma'anic tsi' tiq'uiyob. Tsi' yʌlʌyob jini winicob:

Jeremias 46:14

La', subeñob ti Egipto yic'ot ti Migdol. Subeñob ti Menfis yic'ot ti Tafnes: “Chajpan la' bʌ. Cucula ti guerra, come talob i joyetla jini mu' bʌ caj i tsʌnsañetla ti espada”. Che' yom ma' subeñob, che'en.

Jeremias 46:19

Jini chumulet bʌ la ti Egipto, chajpanla la' bʌ cha'an mi la' majlel ti ñajt bʌ lum. Come jochol mi caj i cʌytʌl Menfis. Mi caj i lu' jejmel i yotot tac.

Ezequiel 29:10

Jini cha'an wolij contrajiñet, yic'ot jini ñoja'. Mi caj c jisan pejtel chuqui an ti Egipto. Ya' ti Migdol c'ʌlʌl ti Sevene c'ʌlʌl ya' ba' jaxʌl i lumal Etiopía jochocña mi caj i cʌytʌl.

Ezequiel 29:14

Mi caj c cha' pʌy tilel jini cʌchbilo' bʌ c'ʌlʌl ti Egipto, ti' lumal Patros ya' ti Sur baqui tsi' yilayob pañimil. Pero ma'anix mi caj i chʌn tajob i ñuclel.

Ezequiel 30:13

Lac Yum Dios woli' yʌl: Mi caj c jisʌbeñob i dios tac ti' lumal Egipto yic'ot ti Menfis. Ma'anix mi caj i cʌytʌl am bʌ i ye'tel ti Egipto mi juntiquilic. Ti pejtelel Egipto mi caj cotsʌbeñob i bʌq'uen.

Ezequiel 30:14

Mi caj c jisan Patros yic'ot Zoán. Mi caj cʌq'ueñob i toj i mul jini año' bʌ ti Tebas.

Ezequiel 30:18

Ya' ti Tafnes mi caj i yic'an pañimil. Mi caj i mʌjquel ti tocal che' mic jisʌben i p'ʌtʌlel egiptojob che' mic ju'sʌbeñob i pusic'al. Mi caj i cʌjchelob majlel jini xch'oc bʌ i yalobilob.