Jeremias 42:6 - Chol: I T’an Dios

⁶ Mi caj c jac'ben lojon i t'an lac Yum Dios mi uts'at mi cubin lojon o mi mach uts'atic, come wolic xiq'uet lojon cha'an ma' pejcan. Che' jini uts'at mi caj cajñel lojon che' mic jac'ben lojon i t'an lac Yum Dios, che'ob.

Chol de Tumbalá Bible

⁶ Mi caj c jac'ben lojon i t'an lac Yum Dios mi uts'at mi cubin lojon o mi mach uts'atic, come wolic xiq'uet lojon cha'an ma' pejcan. Che' jini uts'at mi caj cajñel lojon che' mic jac'ben lojon i t'an lac Yum Dios, che'ob.

Jeremias 42:6 Iomraidhean Croise

Salmos 128:2

Mi caj a c'ux waj cha'an ti a we'tel. Tijicña a pusic'al mi caj a wajñel. Mi caj a taj chuqui tac wen.

Salmos 78:36

Uts'atax tsi' pejcayob Dios, jini lac tatob, Pero lotiya jach.

Exodo 24:7

Tsi' ch'ʌmʌ jini jun cha'an xuc'ul bʌ t'an. C'am tsi' pejca ti' tojlel winicob x'ixicob. Tsi' jac'ʌyob: Mi caj c mel lojon ti pejtelel che' bajche' tsi' yʌlʌ lac Yum, che'ob.

Isaias 3:10

Pero uts'at mi caj i loq'uel pejtel chuqui mi' mel jini xuc'ul bʌ winic. Suben mi caj i taj i chobejtʌbal cha'an uts'at i melbal.

Jeremias 22:15

¿Mu' ba a lon ña'tan ñuquet cha'an ñuc a wotot? ¿Mach ba ñuquic a tat? Tsi' cha'le chuqui uts'at a tat. Toj tsi' mele ti' tojlel i pi'ʌlob. Jini cha'an tsa' jal'a i yumʌntel. Dios tsi' colta, come tsi' colta i pi'ʌlob.

Jeremias 43:4

Jini cha'an ma'anic tsi' jac'beyob i t'an lac Yum jini Jonanán yic'ot soldadojob año' bʌ i ye'tel ti Judá. Ma'anic tsa' jal'ayob ti Judá.

Jeremias 7:23

Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

Romanos 7:13

¿Am ba i mul jini mandar cha'an tsi' yʌc'ʌyon ti chʌmel? Ma'anic. Jiñʌch mulil am bʌ tic pusic'al tsa' bʌ i chucuyon ti' p'ʌtʌlel cha'an mi' tsictiyel mulilʌch. Jini mulil tsi' c'ʌñʌ chuqui uts'at, jiñʌch mandar, cha'an mi' yʌc'on ti chʌmel, cha'an mi' tsictiyel c'ax jontol mulil.

Romanos 7:7

¿Chuqui yom mi cʌl, che' jini? ¿Mulil ba jini mandar? Mach mulilic. Machic an mandar, ma'anic tsaj cʌñʌ mulil. Machic tsi' subu mandar: “Mach a tsʌjyuben i chubʌ'an a pi'ʌlob”, ma'anic tsac ña'ta mulilʌch che' bʌ tsac tsʌjyube i chubʌ'an c pi'ʌlob.

Romanos 8:7

Jini cha'an jini mu' bʌ i chʌn ña'tan chuqui yom i tsucul pusic'al woli' contrajin Dios. Ma'anic mi' jac'ben i mandar Dios. Mach mejlic i jac'ben.

Deuteronomio 5:29

Uts'atax muq'uic i bʌc'ñañoñob ti pejtelel ora cha'an mi' jac'beñonob c t'an yic'ot c mandar. Che'ic jini, muq'uix i ñusañob q'uin ti uts'at yic'ot i yalobilob ti pejtelel ora.

Deuteronomio 5:33

Chʌn cha'lenla xʌmbal ti' bijlel lac Yum che' bajche' tsi' subeyetla, cha'an cuxul mi la' wajñel ti pejtelel ora, cha'an mi' jastiyel la' chubʌ'an, cha'an mi' tam'esʌntel la' jabilel ya' ti lum baqui mi la' majlel ti chumtʌl.

Josue 24:24

Jini winicob tsi' subeyob: Mi caj lac ch'ujutesan lac Yum Dios. Mi caj lac jac'ben i t'an, che'ob.