Jeremias 42:2 - Chol: I T’an Dios

² Tsi' subeyob: Ubiñon lojon, cha'an wolij c'ajtibeñet ti wocol t'an, pejcan a Yum Dios cha'an mi' coltañon lojon, come ma'anix jaytiquilon lojon che' bajche' wola' q'uel.

Chol de Tumbalá Bible

² Tsi' subeyob: Ubiñon lojon, cha'an wolij c'ajtibeñet ti wocol t'an, pejcan a Yum Dios cha'an mi' coltañon lojon, come ma'anix jaytiquilon lojon che' bajche' wola' q'uel.

Jeremias 42:2 Iomraidhean Croise

1 Reyob 13:6

Jini rey tsi' c'ajtibe jini x'alt'an cha'an mi' pejcan i Dios cha'an mi' q'uejlel ti uts'at: Cha'len oración cha'an mi' cha' lajmel j c'ʌb, che'en. I winic Dios tsi' mele che' bajche' tsa' c'ajtibenti. Che' jini tsa' cha' lajmi i c'ʌb jini rey. Tsa' cha' ajni che' bajche' ti ñaxan.

Salmos 119:170

La' c'otic ba' añet jini woli bʌ j c'ajtibeñet. Loc'sañon ti wocol che' bajche' tsa' wʌlʌ.

Exodo 8:28

Faraón tsi' yʌlʌ: Mi caj c choquetla majlel cha'an mi la' wʌq'uen tsʌnsʌbil bʌ i majtan la' Yum Dios ya' ti tiquin bʌ lum. Pero mach ñajtic yom. C'ajtibenla Dios cha'an mi' lajmel jini wocol tic tojlel, che'en.

Exodo 9:28

C'ajtiben la' Yum, come jasʌlix i t'an chajc yic'ot tuñija'. Mi caj c choquetla majlel. Ma'anix mi caj c mʌctañetla, che'en.

Isaias 1:15

Che mi la' lon letsan la' c'ʌb tic tojlel cha'an mi la' pejcañon ti oración, mux caj c mʌy c wut. Anquese cabʌl mi la' cha'len oración, mi wisilic mi caj c jac'beñetla cha'an ti' caj stsʌnsajetla, xbec' ch'ich'etla.

Isaias 1:9

Ts'ita jax tsa' cʌleyonla, mach oñonixla. Machic tsi' coltayonla i Yum Panchan yic'ot Pañimil, tsa' jisʌntiyonla che' bajche' Sodoma yic'ot Gomorra.

Isaias 37:4

Tic'ʌl mi tsa'ix i yubi lac Yum i t'an jini comandante tilem bʌ ti Asiria tsa' bʌ i p'ajbe i c'aba' lac Yum. Tic'ʌl mi caj i yʌq'uen i toj i mul cha'an tsi' p'ajbe i c'aba'. Jini cha'an yom ma' pejcan lac Yum ti oración cha'an mi' p'untan i colojbal i winicob”.

Isaias 42:20

Come an cabʌl chuqui mi la' q'uel, pero ma'anic mi' c'otel la' wut. Tocol la' chiquin, pero mach la' womic la' wubin c t'an, che'en.

Jeremias 15:11

Lac Yum tsi' yʌlʌ: Mi caj j cʌybeñet lamital winicob, pero ma'anic jaytiquil mu' bʌ caj i colelob. Jixcu jatet, i colojbalet bʌ, mi caj j coltañet ti' tojlel a contrajob ti' yorajlel wocol che' mi' bʌc' tilel ñuc bʌ wocol, che'en.

Jeremias 2:27

mi' pejcañob te': “C tatet lojon”, che'ob. Mi' pejcañob xajlel: “C ña'et lojon. Tsa' wʌc'ʌyon lojon ti pañimil”, lon che'ob. Pero ma'anic mi' sʌclañoñob. Mi' mʌyob i wut tic tojlel. Che' ti' yorajlel i wocol mi' cajelob ti oñel: “Ch'ojyen, coltañon lojon”, che' mi caj i yʌlob.

Jeremias 21:2

A wocolic c'ajtiben lac Yum cha'an mi' coltañonla, come wolix i contrajiñonla Nabucodonosor jini rey ti Babilonia. Tic'ʌl mi mux caj i pʌsbeñonla ñuc bʌ i melbal lac Yum che' bajche' ti oñiyi cha'an mi' wersa sujtel laj contrajob ya' ti' lumal, che'ob.

Jeremias 36:7

Tic'ʌl mi mux caj i cʌyob i mul cha'an mi' pejcañob lac Yum ti wocol t'an ti jujuntiquil cha'an mi' ñusʌbeñob i mul. Come cabʌl woli ti mich' lac Yum. Tsa'ix i yʌc'ʌ i t'an cha'an mi' jisʌntelob, che'en Jeremías.

Jeremias 37:20

A wocolic ubibeñon c t'an, c rey. A wocolic jac'beñon chuqui wolij c'ajtibeñet. Mach a chocon majlel ti' yotot jini secretario Jonatán ame chʌmicon ya'i, che'en Jeremías.

Jeremias 37:3

Jini rey Sedequías tsi' choco tilel Jehucal (i yalobil Selemías) yic'ot jini motomaj Sofonías (i yalobil Maasías). Tsi' subeyob Jeremías: A wocolic c'ajtibeñon lojon j coltʌntel ti Dios, che'ob.

Jeremias 38:14

Jini rey Sedequías tsi' pʌyʌ jini x'alt'an Jeremías. Tsi' pejca ya' ti yuxp'ejlel bʌ i ti' i Templo lac Yum. Jini rey tsi' sube: An chuqui com c'ajtibeñet. Yom ma' subeñon. Mach ma' muc, che'en.

Jeremias 40:15

Johanán (i yalobil Carea) tsi' sube Gedalías ti mucul jach: La'ix majlicon cha'an mic tsʌnsan Ismael (i yalobil Netanías). Ma'anic majqui mi caj i ña'tan. ¿Chucoch ma' lon ac' a bʌ ti tsʌnsʌntel? Che' jini mi caj i pam pujquelob jini judíojob tsa' bʌ i cha' tempayob i bʌ cha'an mi' yumañet. Che' jini mi caj i laj jilelob c pi'ʌlob ti Judá, che'en.

Jeremias 42:20

Mux caj la' chʌmel cha'an la' sajtemal. Come tsa' la' subeyon majlel ba'an la' Yum Dios. Tsa' subeyon lojon: “C'ajtiben a Dios bajche' yom mic mel lojon. Che' jini pejtel mu' bʌ i subeñet lac Yum mi caj c mel lojon. Subeñon lojon. Mux caj c mel lojon”, che'etla.

Lamentaciones 1:1

Jiñʌch i t'an Jeremías: Ñʌch'ʌlix i bijlel tac Jerusalén ba' motocña winicob x'ixicob ti yambʌ ora. Ch'ijiyem jini tejclum che' bajche' meba' x'ixic che' i bajñel mi' cʌytʌl. Ti yambʌ ora tsa' q'uejli ti ñuc ti pejtelel pañimil. Wʌle ts'a'lebilix che' bajche' xñujp'el.

Ezequiel 12:16

Pero mi caj j coltan lamital ame laj jisʌnticob yic'ot espada, yic'ot wi'ñal, yic'ot jontol bʌ c'amʌjel. Jini mu' to bʌ i cʌytʌlob mi caj i cha' ña'tañob pejtelel i jontolil come i Yumoñʌch”. Che' yom ma' subeñob. Che' tsi' yʌlʌ lac Yum.

Oseas 8:10

Anquese mi' lon aq'uen i majtan cabʌl tejclum tac, ma'anic i coltʌntel. Cʌchʌl mi caj c pʌy majlel. Ma'anix mi caj i bajñel wa'chocoñob i yumob cha'an mi yʌq'ueñob i tojoñel.

Levitico 26:22

Mi caj c choc tilel ti la' tojlel jontol tac bʌ bʌte'el cha'an mi' jisan la' walobilob yic'ot la' wʌlac'. Che' jini mi caj i pim'an la' bijlel.

Amos 7:2

Jini mote' sajc' tsi' lu' c'uxu jini woli bʌ ti colel ti lum. Tsa cʌlʌ: C Yum Dios, awocolic ñusʌben i mul Israel. ¿Bajche' mi mejlel i cuch wocol i p'olbal Jacob? come mach cabʌlobic, cho'on tsac sube.

Mateo 24:22

Machic tsi' wʌn ña'ta i com'esan i yorajlel wocol, ma'anic majqui mi' coltʌntel mi juntiquilic. Pero cha'an i coltʌntel jini yajcʌbilo' bʌ mi caj i com'esʌntel i yorajlel wocol.

Hechos 8:24

Simón tsi' jac'ʌ: C'ajtiben lac Yum cha'an ma'anic mi' wis tajon jini tsa' bʌ a wʌlʌ, che'en.

Deuteronomio 28:62

Che' jini mach chʌn lajaletix la bajche' jini ec' am bʌ ti panchan, come ma'anix jaytiquil mu' bʌ caj i cʌytʌlob cha'an ti caj ma'anic tsa' la' jac'be i mandar lac Yum Dios.

Deuteronomio 28:63

Ti yambʌ ora tijicña jax i pusic'al lac Yum tsi' wen coltayetla. Tsi' p'ojlesayetla, pero mach che'ic ti jim bʌ ora. Mi caj i yubin i tijicñʌyel i pusic'al ba' ora mi' junyajlel jisañetla. Mi caj la' chojquel loq'uel ti lum.

Deuteronomio 4:27

Lac Yum mi caj i pam puquetla ti yan tac bʌ lum. Ts'ita jach mi caj la' cʌytʌl ya' ba' mi caj i pʌyetla majlel lac Yum.

Santiago 5:16

Subu la' bʌ che' an la' mul ti' tojlel la' pi'ʌlob. Taja la' bʌ ti oración cha'an mi la' lajmesʌntel. An cabʌl i c'ʌjñibal i yoración jini tojo' bʌ. Cabʌlʌch i p'ʌtʌlel.

1 Samuel 12:19

Ti pejtelelob tsa' caji' subeñob Samuel: A wocolic, pejcan a Yum Dios ti oración. C'ajtiben cha'an mi' coltañon lojon ame chʌmicon lojon cha'an pejtelel c mul lojon. Melel jontolon lojon. Jini cha'an tsaj c'ajti lojon c rey, che'ob.

1 Samuel 12:23

Joñon ja'el mi caj c chʌn coltañetla ti oración. Machiqui, mic taj c mul ti' contra lac Yum. Mi caj j cʌntesañetla ti jini wen bʌ bij, jini toj bʌ.

1 Samuel 7:8

Tsa' caji i subeñob Samuel ti wocol t'an: Chʌn pejcan lac Yum Dios cha'an mi' coltañonla, ame jiliconla ti' c'ʌb filisteojob, che'ob.