Jeremias 42:10 - Chol: I T’an Dios

¹⁰ “Yom wʌ' jach mi la' chumtʌl ti la' lum. Che' jini mi caj j coltañetla. Ma'anic mi caj c jisañetla. Mi caj c pʌq'uetla yilal. Ma'anic mi caj c boquetla. Che' uts'at ma' jac'beñon, mi caj c mel c pusic'al cha'an jini ñuc bʌ wocol tsa' bʌ c chocbeyetla tilel.

Chol de Tumbalá Bible

¹⁰ “Yom wʌ' jach mi la' chumtʌl ti la' lum. Che' jini mi caj j coltañetla. Ma'anic mi caj c jisañetla. Mi caj c pʌq'uetla yilal. Ma'anic mi caj c boquetla. Che' uts'at ma' jac'beñon, mi caj c mel c pusic'al cha'an jini ñuc bʌ wocol tsa' bʌ c chocbeyetla tilel.

Jeremias 42:10 Iomraidhean Croise

2 Samuel 24:16

Che' bʌ tsi' chajpa i bʌ jini ángel cha'an mi' jisan jini año' bʌ ti Jerusalén, lac Yum tsi' cha' mele i pusic'al. Tsi' sube jini ángel: Jasʌlix wʌle. Cʌyʌx a jisan jini winicob, che'en. Awilan ya'ix wa'al jini ángel i cha'an lac Yum ti patio ba' mi' jajts'el trigo. Jini patio i cha'añʌch Arauna jini jebuseo.

Salmos 102:16

Lac Yum mi caj i cha' mel Sion. Mi caj i pʌs i bʌ yic'ot i ñuclel.

Salmos 106:45

Tsi' ña'ta jini xuc'ul bʌ i t'an tsa' bʌ i yʌq'ueyob. Tsi' cʌyʌ i mich'leñob cha'an cabʌl i yutslel.

Salmos 37:3

Ñopo lac Yum, mele chuqui uts'at. Che' jini xuc'ul mi caj a chumtʌl ti jini lum.

Salmos 69:35

Come Dios mi caj i coltan Sion. Mi caj i cha' wa'chocon jini tejclum tac ti Judá Cha'an ya' mi' chumtʌlob i winicob x'ixicob. Ma'anix mi caj i chilbentelob i lum.

Exodo 32:14

Che' jini lac Yum tsi' cha' mele i pusic'al cha'an jini tsa' bʌ i ña'ta i mel ti' tojlel i tejclum.

Jeremias 24:6

Uts'at mi caj j q'uelob. Mi caj j coltañob. Mi caj c cha' pʌyob tilel ti chumtʌl ti ili lum. Mi caj c cha' aq'ueñob i yumʌntel. Ma'anix mi caj c chʌn jemob. Mi caj c pʌc'ob. Ma'anix mi caj c chʌn bocob.

Jeremias 26:19

Jini rey Ezequías yic'ot pejtel winicob ti Judá, ¿tsa' ba i yʌc'ʌyob ti chʌmel jini x'alt'an? ¿Mach ba anic tsi' bʌc'ña lac Yum Ezequías? Tsi' c'ajtibe i coltʌntel ti lac Yum. ¿Mach ba anic tsi' jac'ʌ lac Yum? Tsi' mele i pusic'al. Ma'anic tsi' chocbeyob tilel jini ñuc bʌ wocol che' bajche' tsi' subeyob. Yomix mi lac chʌcʌ q'uel lac bʌ, ame talic ñuc bʌ wocol ti lac tojlel, ame anic lac mul mi tsa' lac tsʌnsa Jeremías. Che'ʌch tsi' cha'leyob t'an jini xñoxob.

Jeremias 27:11

Pero pejtel tejclum mu' bʌ i yuman jini rey ti Babilonia, mi tsi' yʌc'ʌ i bʌ cha'an cuchijel, mi caj i chʌn chumtʌl ti' lumal cha'an mi' chʌn q'uel i lum”. Che'ʌch tsac subeyob che' bajche' tsi' yʌlʌ lac Yum.

Jeremias 31:28

Ti yambʌ ora tsac chʌcʌ q'ueleyob cha'an mic jisañob, yic'ot cha'an mi cʌq'ueñob wocol. Wʌle mi caj c chʌcʌ q'uelob cha'an mic wa'chocoñob, che'en lac Yum.

Jeremias 33:7

Joñon mi caj cʌc' ti colel Judá yic'ot Israel. Mi caj c cha' pʌyob tilel. Mi caj c cha' aq'ueñob i yumʌntel che' bajche' ti yambʌ ora.

Jeremias 43:4

Jini cha'an ma'anic tsi' jac'beyob i t'an lac Yum jini Jonanán yic'ot soldadojob año' bʌ i ye'tel ti Judá. Ma'anic tsa' jal'ayob ti Judá.

Ezequiel 36:36

Pejtel jini chumulo' bʌ ti la' joytʌlel mi caj i ña'tañob joñon tsac cha' wa'choco. Tsac cha' wen'esa jini lum tsa' bʌ cʌn sujti ti jochol. Joñon tsa cʌc'ʌ c t'an. Che'ʌch mi caj i yujtel, che'en lac Yum.

Oseas 11:8

¿Bajche' mi mejlel j cʌyet, Efraín? ¿Mejl ba c choquet, Israel? Mach comic j cʌyet che' bajche' Adma yic'ot Zeboim, come wolic wen mel c pusic'al. Com j coltañet.

Joel 2:13

Mach mi la' tsil la' pislel che' ch'ijiyem la' pusic'al, pero yom pec' mi la' mel la' pusic'al. Sutq'uin la' bʌ ba'an lac Yum Dios, come an i yutslel i pusic'al. Yujil i p'untañetla. Mach orajic mi' mich'an. Cabʌl i yutslel i pusic'al. C'ux mi' yubiñet che' mi' ju'sʌbeñet la' pusic'al.

Amos 7:3

Jini cha'an tsa' cha' uts'a i pusic'al lac Yum. Lac Yum tsi' yʌlʌ: Ma'anix mic chʌn melben, che'en.

Amos 7:6

Tsa' cha' uts'a i pusic'al lac Yum. Tsi' yʌlʌ lac Yum Dios: Ma'anix mic chʌn choc tilel, che'en.

Jonas 3:10

Che' bʌ tsi' q'uele Dios woli' cʌyob i jontolil, tsi' q'uexta i pusic'al. Ma'anic tsi' choco tilel wocol che' bajche' tsi' subeyob. Ma'anic tsi' jisayob.

Jonas 3:4

Jonás tsa' caji ti ochel ti tejclum. Tsi' xʌñʌ majlel jump'ejl q'uin. C'am tsi' subu: Anto yom cha'c'al q'uin mi caj i jisʌntel Nínive, che'en.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Hechos 15:16

“Ti wi'il mi caj c cha' tilel, che'en Dios. Mi caj c wa'chocon i yotot David tsa' bʌ yajli. Mi caj c cha' mel jini p'ulul bʌ tsa' bʌ cʌle. Mi caj c cha' wa'chocon

Deuteronomio 32:36

Lac Yum mi caj i coltan jini israelob ti' tojlel i contrajob. Mi caj i p'untan i winicob che' ma'añobix i p'ʌtʌlel, Che' ma'anix mi' cʌytʌl, mi libre bʌ, mi mozo bʌ.

Juezob 2:18

Che' bʌ lac Yum tsi' choco tilel juez, tsi' coltayob che' cuxul to jini juez. Lac Yum tsi' p'unta jini winicob x'ixicob, come tsi' yubibeyob i yajcʌn che' bʌ tsa' tic'lʌntiyob cha'an jontolo' bʌ. Lac Yum tsi' coltayob che' cuxul to jini juez.