Jeremias 41:7 - Chol: I T’an Dios

⁷ Che' bʌ tsa' c'otiyob ti tejclum, Ismael tsi' set' t'ojbeyob i bic' ili winicob yic'ot i pi'ʌlob. Tsi' chocoyob ochel ti pozo.

Chol de Tumbalá Bible

⁷ Che' bʌ tsa' c'otiyob ti tejclum, Ismael tsi' set' t'ojbeyob i bic' ili winicob yic'ot i pi'ʌlob. Tsi' chocoyob ochel ti pozo.

Jeremias 41:7 Iomraidhean Croise

2 Reyob 15:25

Peka (i yalobil Remalías, i yumʌch i soldadojob Pekaía) tsi' laja i t'an yic'ot lujuntiquil i yuxc'al (50) winicob ch'oyolo' bʌ ti Galaad. Tsi' tsʌnsayob jini rey Pekaía ya' ti' yotot ti Samaria. Tsa' tsʌnsʌntiyob ja'el Argob yic'ot Arie. Che' jini tsa' caji i cha'len i yumʌntel Peka.

Salmos 55:23

Dios mi caj i chocob jubel ti tam bʌ ch'en ba' mach chʌn loq'uicob. Ma'anic mi caj i ts'ʌctiyel i jabilel jini stsʌnsajob yic'ot xlotiyajob. Pero joñon mic xuc'chocon c pusic'al ti Dios.

Proverbios 1:16

P'ip'atax i pusic'al ti jontolil. Ora jach yomob tsʌnsa.

Isaias 14:19

Pero ma'anic a ñuclel. Chocbilet che' bajche' ts'i' am bʌ i chʌmel, ts'a'lebil cha'an winicob. Lʌtschocobilob ti a pam i cuctal ch'ujlelʌlob tsa' bʌ yajliyob ti guerra, jec'bilo' bʌ ti espada. Ya' ba' tsa' yajliyet ti bij tsi' t'uchtayet caballo.

Isaias 59:7

Ti ajñel mi la' majlel la' mel jontolil. Mi la' tsʌnsan jini winic mach bʌ anic i mul. Mi la' wʌn ña'tan lotiya yic'ot xujch'. Baqui jach mi la' majlel mi la' cha'len jisaya.

Ezequiel 22:27

Lajalob la' yumob bajche' bʌte'el ts'i' mu' bʌ i chuc i we'el. Mi' tsʌnsañob winicob cha'an mi' xujch'ibeñob i chubʌ'an.

Romanos 3:15

Ajñel mi' majlelob i tsʌnsañob i pi'ʌlob.