Jeremias 41:1 - Chol: I T’an Dios

¹ Che' ti wucp'ejlel uw tsa' tili ti Mizpa Ismael (i yalobil Netanías i yalobil bʌ Elisama) i p'olbal jini rey. Tsa' pi'leyob tilel cabʌl yumʌlob yic'ot lujuntiquil i winicob. Tsi' jula'tayob Gedalías (i yalobil Ahicam). Tsi' tem c'uxuyob waj ya' ti Mizpa.

Chol de Tumbalá Bible

¹ Che' ti wucp'ejlel uw tsa' tili ti Mizpa Ismael (i yalobil Netanías i yalobil bʌ Elisama) i p'olbal jini rey. Tsa' pi'leyob tilel cabʌl yumʌlob yic'ot lujuntiquil i winicob. Tsi' jula'tayob Gedalías (i yalobil Ahicam). Tsi' tem c'uxuyob waj ya' ti Mizpa.

Jeremias 41:1 Iomraidhean Croise

2 Samuel 3:27

Che bʌ tsa' cha' c'oti Abner ya' ti Hebrón, Joab tsi' mucu pʌyʌ Abner cha'an mi' bajñel pejcan ba'an colem tranca. Ya'i tsi' q'uextʌbe i mul cha'an tsi' tsʌnsʌbe i yeran, Asael. Tsi' sʌl jeq'ue ti' yojlil i ch'il'at. Che' jini tsa' chʌmi Abner.

2 Reyob 11:1

Che' bʌ tsi' q'uele Atalía chʌmenix i yalobil i c'aba' Ocozías, tsa' caji i tsʌnsan pejtelel i yalobilob Ocozías.

2 Reyob 25:22

Nabucodonosor, rey bʌ ti Babilonia, tsi' yotsa ti gobernador jini Gedalías (i yalobil Ahicam, i yalobil bʌ Safán). Tsa' aq'uenti i ye'tel Gedalías ti' tojlel jini tsa' bʌ cʌleyob ti Judá.

2 Reyob 25:25

Pero che' ti' wucp'ejlel uw tsa' tili Ismael i p'olbal bʌ jini reyob ti Judá yic'ot lujuntiquil winicob. Tsi' tsʌnsayob Gedalías yic'ot pejtel i pi'ʌlob ya' ti Mizpa, yic'ot babiloniajob.

2 Cronicas 22:10

Che' bʌ tsi' q'uele Atalía chʌmenix Ocozías i yalobil, tsi' tsʌnsa pejtel i yalobilob Ocozías cha'an mi' bajñel otsan i bʌ ti yumʌl ti Judá.

Salmos 109:5

Che' mic pʌsbeñob cutslel mi' cha' q'uextañob jontolil. Anquese mij c'uxbiñob mi' ts'a'leñoñob.

Salmos 41:9

Tsi' tsa'leyon ja'el juntiquil c pi'ʌl Tsa' bʌ c ch'ʌmʌ tic wenta, tsa' bʌ i c'uxu waj quic'ot.

Proverbios 13:10

Isujm mi' tech leto jini mu' bʌ i chañ'esan i bʌ, pero jini weño' bʌ i pusic'al mi' yubiñob i toj'esʌntel.

Proverbios 27:4

Jontol jax jini woli bʌ ti mich'ajel. Bʌbʌq'uen ja'el. Pero ñumen wocol ti cuchol jini tsʌytsʌña jax bʌ i pusic'al.

Jeremias 36:12

Tsa' toj majli ti' yotot rey ya' ba' temel añob jini año' bʌ i ye'tel. Ya'an Elisama jini sts'ijbujel (secretario), yic'ot Delaía (i yalobil Semaías), yic'ot Elnatán (i yalobil Achbor), yic'ot Gemarías (i yalobil Safán), yic'ot Sedequías (i yalobil Ananías), yic'ot yaño' bʌ año' bʌ i ye'tel.

Jeremias 36:20

Tsa' majliyob ti' yotot jini rey, pero tsi' cʌyʌyob jini ts'ijbujel ti' wenta Elisama jini secretario. Tsa' jach i subeyob jini rey pejtel chuqui ts'ijbubil.

Jeremias 39:14

tsi' chocoyob majlel winicob cha'an mi' yʌc'ob ti colel Jeremías ya' ba' ñup'ul ti patio ti' wenta xq'uelojelob. Tsi' yʌc'ʌyob ti cʌntʌntel ti' wenta Gedalías (i yalobil Ahicam, i yalobil bʌ Safán) cha'an mi' cha' pʌjyel ti' yotot. Jini cha'an tsa' sujti ti chumtʌl Jeremías yic'ot i pi'ʌlob.

Jeremias 40:13

Johanán (i yalobil Carea) yic'ot pejtel jini soldadojob año' bʌ i ye'tel ti Judá tsa' tem majliyob ti Mizpa ba'an Gedalías.

Jeremias 40:5

Uts'at mi a wom sujtel ya' ba'an Gedalías (i yalobil Ahicam, i yalobil bʌ Safán), come wa'chocobil cha'an i rey Babilonia. Woli' mel i ye'tel gobernador ti pejtelel tejclum tac ti Judá. Cucu ti chumtʌl a wic'ot a pi'ʌlob mi a wom. Mele bajche' jach uts'at ti a wut, che'en. Che' jini, jini capitán Nabuzaradán tsi' yʌc'ʌ ti colel. Tsi' yʌq'ue i bʌl i ñʌc' yic'ot yambʌ i majtan.

Jeremias 40:6

Jini cha'an Jeremías tsa' sujti ti Mizpa ba'an Gedalías (i yalobil Ahicám). Tsa' chumle yic'ot Gedalías yic'ot jini winicob tsa' bʌ cʌleyob ti jini lum.

Jeremias 40:7

Jini soldadojob año' bʌ i ye'tel ti ili lum tsi' yubiyob wa'chocobilix Gedalías (i yalobil Ahicam) cha'an i rey Babilonia. Tsi' yubiyob laj ac'bilobix ti' wenta Gedalías yic'ot pejtel jini pobrejo' bʌ tsa' bʌ cʌleyob ti Judá.

Jeremias 40:8

Jini cha'an tsa' tiliyob ti Mizpa ba'an jini gobernador Gedalías. Tsa' tiliyob Ismael (i yalobil Netanías), Johanán yic'ot Jonatán (i yalobilob Corea), Seraías (i yalobil Zanhumet), yic'ot i yalobilob Efai ch'oyolo' bʌ ti Netafat, yic'ot Jezarías i yalobil winic chumul bʌ ti Maacat yic'ot i winicob.

Ezequiel 17:13

Tsi' wa'choco ti rey juntiquil i yalobil lac ñojte'el Josías (jiñʌch Sedequías) che' bʌ tsi' wersa ac'ʌ i t'an ti' tojlel lac Yum. Pero tsi' pʌyʌ majlel jini ñuco' año' bʌ bʌ i ye'tel

Juan 13:18

Ma'anic mic pejcañetla ti la' pejtelel. Cujil majqui tsac yajca cha'an mi' ts'ʌctiyel i Ts'ijbujel Dios mu' bʌ i yʌl: “Jini tsa' bʌ i c'uxu waj quic'ot tsi' contrajiyon”. Che'ʌch ts'ijbubil.