Jeremias 40:8 - Chol: I T’an Dios

⁸ Jini cha'an tsa' tiliyob ti Mizpa ba'an jini gobernador Gedalías. Tsa' tiliyob Ismael (i yalobil Netanías), Johanán yic'ot Jonatán (i yalobilob Corea), Seraías (i yalobil Zanhumet), yic'ot i yalobilob Efai ch'oyolo' bʌ ti Netafat, yic'ot Jezarías i yalobil winic chumul bʌ ti Maacat yic'ot i winicob.

Chol de Tumbalá Bible

⁸ Jini cha'an tsa' tiliyob ti Mizpa ba'an jini gobernador Gedalías. Tsa' tiliyob Ismael (i yalobil Netanías), Johanán yic'ot Jonatán (i yalobilob Corea), Seraías (i yalobil Zanhumet), yic'ot i yalobilob Efai ch'oyolo' bʌ ti Netafat, yic'ot Jezarías i yalobil winic chumul bʌ ti Maacat yic'ot i winicob.

Jeremias 40:8 Iomraidhean Croise

Jeremias 42:1

Pejtel jini soldadojob año' bʌ i ye'tel ti Judá yic'ot Johanán (i yalobil Carea) yic'ot Azarías (i yalobil Osaías) yic'ot pejtel winicob, jini ñuco' bʌ yic'ot ch'o'ch'oco' bʌ, tsa' tili i pejcañob jini x'alt'an Jeremías.

Deuteronomio 3:14

Jair i yalobil Manasés tsi' laj ch'ʌmʌ jini lum ti Argob c'ʌlʌl ba' jaxʌl i lumob Gesur yic'ot Maaca. Tsi' yotsʌbeyob i c'aba' Basán Havotjair.

Jeremias 43:2

Azarías (i yalobil Osaías) yic'ot Johanán (i yalobil Carea) chan tsi' meleyob i bʌ. Tsi' yʌlʌyob: A lot wola' subeñon lojon. Ma'anic tsi' chocoyet tilel Dios cha'an ma' tic'on lojon. Jatet tsa' wʌlʌ: “Mach yomic mi la' majlel ti chumtʌl ti Egipto”, pero mach tilemic ti Dios ili t'an.

Jeremias 42:8

Jini cha'an Jeremías tsi' pʌyʌ tilel Johanán (i yalobil Carea) yic'ot jini soldadojob año' bʌ i ye'tel ti Judá yic'ot pejtel winicob, jini ñuco' bʌ yic'ot jini ch'o'ch'oco' bʌ.

Jeremias 40:6

Jini cha'an Jeremías tsa' sujti ti Mizpa ba'an Gedalías (i yalobil Ahicám). Tsa' chumle yic'ot Gedalías yic'ot jini winicob tsa' bʌ cʌleyob ti jini lum.

2 Samuel 10:6

Che' bʌ tsi' q'ueleyob jini amoñob leco jax i melbal ti' tojlel David, tsa' majli i pʌyob tilel junc'al mil winicob siriajob año' bʌ ti Betrehob yic'ot ti Soba. Tsi' pʌyʌyob tilel ja'el i winicob jini rey ti Maaca, jump'ejl mil winicob yic'ot lajchʌmp'ejl mil winicob ch'oyolo' bʌ ti Istob.

Josue 12:5

Tsi' cha'le yumʌl ya' ti wits i c'aba' Hermón yic'ot ti Salca, yic'ot ti Basán c'ʌlʌl ti' cayajon Gesur yic'ot Maaca, yic'ot ti ojlil Galaad c'ʌlʌl ti' cayajon Sehén i yum Hesbón.

Jeremias 43:5

Johanán yic'ot jini soldadojob año' bʌ i ye'tel tsi' pʌyʌyob majlel pejtel jini chumulo' bʌ ti Judá yic'ot jini pam pujquemo' bʌ ti ñajtʌl tsa' bʌ sujtiyob ti Judá,

Jeremias 40:11

Jini caldeojob pam pujquemo' bʌ ti Moab yic'ot ti Amón yic'ot ti Edom yic'ot ti yan tac bʌ tejclum tsi' yubiyob wa'chocobilix Gedalías (i yalobil Ahicam i yalobil bʌ Safán). Aq'uebilix i ye'tel ti' tojlel jini rey ti Babilonia.

Jeremias 38:26

tsa' c'ajtibeyon cha'an mic p'untañet cha'an mach awomic mic cha' choquet majlel ti' yotot Jonatán ame chʌmiquet ya'i, che'en jini rey. Tsa' majli Jeremías.

Jeremias 37:20

A wocolic ubibeñon c t'an, c rey. A wocolic jac'beñon chuqui wolij c'ajtibeñet. Mach a chocon majlel ti' yotot jini secretario Jonatán ame chʌmicon ya'i, che'en Jeremías.

Jeremias 37:15

Tsa' mich'ayob jini yumʌlob. Tsi' jats'ʌyob. Tsi' ñup'uyob ti mʌjquibʌl ya' ti' yotot jini secretario Jonatán, come woli' c'ʌñob i yotot cha'an mʌjquibʌl.

Esdras 2:2

Jiñobʌch ñuc taco' bʌ i ye'tel: Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana. Jiñʌch i tsicol jini tsa' bʌ sujtiyob ti mojt ti mojt:

1 Cronicas 2:54

I p'olbalob Salma jiñobʌch Belén i yalobil, yic'ot jini netofatob, yic'ot jini Atrot Betjoab, yic'ot ojlil jini manahetob, yic'ot jini zoratob. Jini xts'ijbayajob chumulo' bʌ ti Jabes i p'olbalʌch Salma.

1 Cronicas 2:48

An yambʌ i yixic Caleb i c'aba' Maaca. Tsi' yʌc'ʌ ti pañimil Seber, yic'ot Tirhana, yic'ot Saaf (i tat Madmana), yic'ot Seva (i tat Macbena yic'ot Gibea). An xch'oc bʌ i yalobil Caleb ja'el, i c'aba' Acsa.

2 Reyob 25:25

Pero che' ti' wucp'ejlel uw tsa' tili Ismael i p'olbal bʌ jini reyob ti Judá yic'ot lujuntiquil winicob. Tsi' tsʌnsayob Gedalías yic'ot pejtel i pi'ʌlob ya' ti Mizpa, yic'ot babiloniajob.

2 Reyob 25:23

Che' bʌ tsi' yubiyob i yumob soldadojob woli ti gobernador Gedalías, tsa' majli i q'uelob ya' ti Mizpa. Jiñobʌch Ismael (i yalobil Netanías), Johanán (i yalobil Carea), Seraías (i yalobil Tanhumet jini ch'oyol bʌ ti Netofat), yic'ot Jaazanías (i yalobil winic ch'oyol bʌ ti Maaca) yic'ot pejtelel i pi'ʌlob ili winicob.

2 Samuel 23:34

Elifelet (i yalobil Ahasbai, i yalobil Maaca), yic'ot Eliam (i yalobil Ahitofel) ch'oyolo' bʌ ti Gilón,

Jeremias 40:13

Johanán (i yalobil Carea) yic'ot pejtel jini soldadojob año' bʌ i ye'tel ti Judá tsa' tem majliyob ti Mizpa ba'an Gedalías.

Jeremias 40:14

Tsi' subeyob: ¿Mach ba a wujilic talix Ismael (i yalobil Netanías) cha'an mi' tsʌnsañet? Chocbil tilel i cha'an Baalis i rey amoñob, che'ob. Pero Gedalías ma'anic tsi' ñopbeyob i t'an.

Jeremias 40:15

Johanán (i yalobil Carea) tsi' sube Gedalías ti mucul jach: La'ix majlicon cha'an mic tsʌnsan Ismael (i yalobil Netanías). Ma'anic majqui mi caj i ña'tan. ¿Chucoch ma' lon ac' a bʌ ti tsʌnsʌntel? Che' jini mi caj i pam pujquelob jini judíojob tsa' bʌ i cha' tempayob i bʌ cha'an mi' yumañet. Che' jini mi caj i laj jilelob c pi'ʌlob ti Judá, che'en.

Jeremias 41:1

Che' ti wucp'ejlel uw tsa' tili ti Mizpa Ismael (i yalobil Netanías i yalobil bʌ Elisama) i p'olbal jini rey. Tsa' pi'leyob tilel cabʌl yumʌlob yic'ot lujuntiquil i winicob. Tsi' jula'tayob Gedalías (i yalobil Ahicam). Tsi' tem c'uxuyob waj ya' ti Mizpa.

Jeremias 41:2

Tsa' ch'ojyi Ismael (i yalobil Netanías) yic'ot jini lujuntiquil i winicob tsa' bʌ i pi'leyob tilel. Tsi' lowoyob Gedalías ti espada. Che' jini tsi' tsʌnsayob jini gobernador wa'chocobil bʌ cha'an jini rey ti Babilonia.

Jeremias 41:11

Johanán (i yalobil Carea) yic'ot pejtel jini soldadojob año' bʌ i ye'tel ti Judá tsi' yubiyob chuqui tsi' mele Ismael.