Jeremias 40:5 - Chol: I T’an Dios

⁵ Uts'at mi a wom sujtel ya' ba'an Gedalías (i yalobil Ahicam, i yalobil bʌ Safán), come wa'chocobil cha'an i rey Babilonia. Woli' mel i ye'tel gobernador ti pejtelel tejclum tac ti Judá. Cucu ti chumtʌl a wic'ot a pi'ʌlob mi a wom. Mele bajche' jach uts'at ti a wut, che'en. Che' jini, jini capitán Nabuzaradán tsi' yʌc'ʌ ti colel. Tsi' yʌq'ue i bʌl i ñʌc' yic'ot yambʌ i majtan.

Chol de Tumbalá Bible

⁵ Uts'at mi a wom sujtel ya' ba'an Gedalías (i yalobil Ahicam, i yalobil bʌ Safán), come wa'chocobil cha'an i rey Babilonia. Woli' mel i ye'tel gobernador ti pejtelel tejclum tac ti Judá. Cucu ti chumtʌl a wic'ot a pi'ʌlob mi a wom. Mele bajche' jach uts'at ti a wut, che'en. Che' jini, jini capitán Nabuzaradán tsi' yʌc'ʌ ti colel. Tsi' yʌq'ue i bʌl i ñʌc' yic'ot yambʌ i majtan.

Jeremias 40:5 Iomraidhean Croise

Jeremias 39:14

tsi' chocoyob majlel winicob cha'an mi' yʌc'ob ti colel Jeremías ya' ba' ñup'ul ti patio ti' wenta xq'uelojelob. Tsi' yʌc'ʌyob ti cʌntʌntel ti' wenta Gedalías (i yalobil Ahicam, i yalobil bʌ Safán) cha'an mi' cha' pʌjyel ti' yotot. Jini cha'an tsa' sujti ti chumtʌl Jeremías yic'ot i pi'ʌlob.

Jeremias 41:2

Tsa' ch'ojyi Ismael (i yalobil Netanías) yic'ot jini lujuntiquil i winicob tsa' bʌ i pi'leyob tilel. Tsi' lowoyob Gedalías ti espada. Che' jini tsi' tsʌnsayob jini gobernador wa'chocobil bʌ cha'an jini rey ti Babilonia.

Hebreos 13:6

Jini cha'an, yom ch'ejl lac pusic'al mi lac sub: “Lac Yum jiñʌch caj Coltaya. Ma'anic mi caj c bʌc'ñan chuqui mi' tumbeñon winicob”, cho'onla.

Hechos 28:10

Tsi' yʌq'ueyoñob cabʌl c majtan lojon. Che' bʌ tsa' cha' majliyon lojon, tsi' yotsʌbeyon lojon ti barco chuqui tac yom c cha'an lojon.

Hechos 27:43

I yaj capitán soldadojob tsi' tiq'uiyob come yom i coltan Pablo. Tsi' subeyob cha'an mi' chocob ochel i bʌ che' bajche' jaytiquil yujilo' bʌ ñuxijel cha'an mi' c'otelob ñaxan ti lum.

Hechos 27:3

Ti yijc'ʌlal tsa' c'otiyon lojon ti Sidón. Uts'at chuqui tsi' melbe Pablo jini Julio. Tsi' yʌc'ʌ i t'an cha'an mi' majlel ti jula' ba'an i cʌñʌyo' bʌ, cha'an mi' poj jijlel yic'otob.

Jeremias 40:4

Awilan wolix c loc'sʌbeñet jini cadena am bʌ ti a c'ʌb. Mi a wom majlel quic'ot ya' ti Babilonia, conla. Mu'to j cʌntañet. Pero mi mach a womic majlel, uts'at ma' cʌytʌl ti ili lum. Yajcan baqui a wom majlel. Yom majliquet ba' uts'at ti a wut.

Jeremias 26:24

Pero Ahicam i yalobil Safán jini sts'ijbujel am bʌ ti' wenta rey, tsi' colta Jeremías. Jini cha'an ma'anic tsi' yʌc'ʌyob ti chʌmel.

Jeremias 15:11

Lac Yum tsi' yʌlʌ: Mi caj j cʌybeñet lamital winicob, pero ma'anic jaytiquil mu' bʌ caj i colelob. Jixcu jatet, i colojbalet bʌ, mi caj j coltañet ti' tojlel a contrajob ti' yorajlel wocol che' mi' bʌc' tilel ñuc bʌ wocol, che'en.

Proverbios 21:1

Jini Dios tsa' bʌ i melbe i bijlel ja' mi' ñijcʌben i pusic'al rey cha'an mi' mel chuqui yom Dios.

Proverbios 16:7

Che' tijicña mi' q'uel lac Yum i bijlel winic, mi' yuts'esʌbeñob i pusic'al i contrajob.

Job 22:29

Come Dios mi' ju'sʌben i pusic'al jini chaño' bʌ yic'ot p'ʌtʌlo' bʌ. Pero mi' yʌq'uen i ñuclel jini uts bʌ i pusic'al. Dios mi caj i coltan.

Nehemias 1:11

C Yum, a wocolic mij c'ajtibeñet, ñich'tʌbeñon coración come a winicon. Ñich'tʌbeñob i yoración a winicob año' bʌ ti Jerusalén mu' bʌ i tajob i tijicñʌyel cha'an woli' bʌc'ñañob a c'aba'. Coltañon ti ili q'uin cha'an mi' yujtel ti uts'at chuqui com c mel. Ñijcʌben i pusic'al jini rey cha'an mi' p'untañon ba' ora mic pejcan, cho'on ti oración. Joñon mic ñusʌben i taza jini rey.

Esdras 7:27

Esdras tsi' yʌlʌ: La' ñuq'uesʌntic i c'aba' lac Yum i Dios lac ñojte'elob, come tsi' ñijcʌbe i pusic'al jini rey cha'an mi' q'uel ti ñuc i Templo lac Yum ya' ti Jerusalén.

Esdras 7:6

Esdras jiñʌch sts'ijbaya wen chajpʌbil bʌ ti jini mandar tsa' bʌ aq'uenti Moisés cha'an lac Yum, i Dios Israel. Tsi' c'ajtibe permiso jini rey cha'an mi' majlel ti Jerusalén. Tsi' jac'ʌ jini rey come lac Yum an yic'ot Esdras.

2 Cronicas 34:20

Tsi' pʌyʌ tilel Hilcías yic'ot Ahicam (i yalobil Safán), yic'ot Abdón (i yalobil Micaía), yic'ot jini sts'ijbaya Safán, yic'ot Asaías i yaj e'tel jini rey.

2 Reyob 22:14

Jini cha'an tsa' majli jini motomaj: Hilcías, Ahicam, Acbor, Safán yic'ot Asaía cha'an mi' pejcañob jini x'ixic bʌ x'alt'an i c'aba' Hulda. Jiñʌch i yijñam Salum (i yalobil Ticva, i yalobil bʌ Harhas) jini xcʌnta bujcʌl ti' yotot rey. Tsi' tajayob ti Jerusalén ti junwejl Templo ba' mi' bʌjlel q'uin.

2 Reyob 22:12

Jini rey tsi' yʌq'ue mandar jini motomaj Hilcías, yic'ot jini sts'ijbaya Safán yic'ot Asaía i yaj e'tel rey yic'ot Ahicam (i yalobil Safán) yic'ot Acbor (i yalobil Micaías).

Jeremias 41:1

Che' ti wucp'ejlel uw tsa' tili ti Mizpa Ismael (i yalobil Netanías i yalobil bʌ Elisama) i p'olbal jini rey. Tsa' pi'leyob tilel cabʌl yumʌlob yic'ot lujuntiquil i winicob. Tsi' jula'tayob Gedalías (i yalobil Ahicam). Tsi' tem c'uxuyob waj ya' ti Mizpa.

Jeremias 41:18

Tsi' bʌc'ñayob jini caldeojob, come Ismael tsi' tsʌnsa jini gobernador Gedalías wa'chocobil bʌ cha'an jini rey ti Babilonia.