Jeremias 40:3 - Chol: I T’an Dios

³ Ts'ʌcʌl tsi' mele che' bajche' tsi' wʌn alʌ. Ti' caj la' mul tsi' choco tilel ili wocol cha'an ma'anic tsa' la' jac'be i t'an. Jini cha'an woliyetla ti wocol.

Chol de Tumbalá Bible

³ Ts'ʌcʌl tsi' mele che' bajche' tsi' wʌn alʌ. Ti' caj la' mul tsi' choco tilel ili wocol cha'an ma'anic tsa' la' jac'be i t'an. Jini cha'an woliyetla ti wocol.

Jeremias 40:3 Iomraidhean Croise

Nehemias 9:28

Che' bʌ cha' tijicñayix pañimil, tsi' cha' cha'leyob jontolil ti a wut. Jini cha'an tsa' cʌyʌyob ti' wenta i contrajob cha'an mi' yumañob. Che' bʌ tsi' sutq'uiyob i bʌ, che' bʌ c'am tsi' pejcayetob, tsa' wubibeyob i t'an ya' ti panchan. Ma'anic tsa' cʌyʌ a coltañob come wen a wujil p'untaya.

Nehemias 9:33

Tsa' pʌsʌ a bʌ ti toj che' bʌ tsa' chocbeyon lojon tilel wocol. Che'ʌch tsa' mele come xuc'ulet. An c mul lojon cha'an tsac mele lojon jontolil.

Jeremias 11:17

Come i Yum Panchan yic'ot Pañimil tsa' bʌ i pʌc'ʌyet mi caj i contrajiñet che' bajche' tsi' yʌlʌ cha'an ñuc a mul. Cabʌl tsa' jec'beyon c pusic'al che' bʌ tsa' pulbe pom Baal, che'en lac Yum.

Jeremias 22:8

Cabʌl tejclum tac ñajt bʌ ch'oyolob mi caj i ñumelob ti' t'ejl ili tejclum. Mi caj i yʌlob: ¿Chucoch tsi' yʌc'ʌ ti jilel ili ñuc bʌ tejclum lac Yum? che'ob.

Jeremias 39:16

Suben jini etíope Ebedmelec: “I Yum Panchan yic'ot Pañimil, i Dios Israel, woli' yʌl: Awila to, mi caj c ts'ʌctesan c t'an ti' contra ili tejclum. Mi caj cʌq'uen i toj i mul. Ma'anic mi caj j coltan. Ti jim bʌ ora mux caj a q'uel chuqui mi caj i yujtel.

Jeremias 44:23

Tsa' la' pulu pom. Tsa' la' cha'le mulil ti' tojlel lac Yum. Ma'anic tsa' la' jac'be i t'an. Tsa' la' ñusʌbe i mandar yic'ot pejtelel i cʌntesʌbal. Jini cha'an tsa' tili ti la' tojlel ili ñuc bʌ wocol, che'en.

Jeremias 50:7

I contrajob tsi' tajayob. C'unte' c'unte' tsi' jisayob. Jini xjisayajob tsi' yʌlʌyob: “Ma'anic lac mul, bajñel añob i mul cha'an tsi' cʌyʌyob i Yum, jini toj bʌ i Dios i tatob”, che'ob.

Lamentaciones 2:17

Pero jiñʌch lac Yum tsa' bʌ i mele Jerusalén che' bajche' tsi' wʌn alʌ. Tsi' ts'ʌctesa i t'an che' bajche' tsi' yʌlʌ wajali. Tsi' chocoyet jubel. Ma'anic tsi' p'untayet. Tsi' colta a contrajob. Jini cha'an chan woli' melob i bʌ ti a tojlel, tijicñayob i pusic'al.

Romanos 2:5

Tsʌtsatax a pusic'al. Ma'anic ma' cʌy a mul. Che' jini wola' wʌc' ti tempʌyel i mich'ajel Dios cha'an i q'uiñilel mich'ajel che' mi' caj ti tsictiyel bajche' mi' cha'len meloñel Dios ti toj.

Romanos 3:19

La cujil an ti' wenta jini mu' bʌ i yubiñob mandar cha'an mi' jac'ob ti pejtelel. Aq'uebilob cha'an mi' ñʌjch'elob yic'ot pejtel winicob x'ixicob ti pañimil che' mi' melob i bʌ ti' tojlel Dios.

Deuteronomio 29:25

Mi caj i jac'ob: “Cha'an ti' caj tsi' cʌyʌyob i tsajcan lac Yum Dios, i Diosʌch i ñojte'elob. Tsi' ts'a'leyob jini pacto tsa' bʌ i mele yic'ot i tatob che' bʌ tsa' loq'uiyob ti Egipto.