Jeremias 4:9 - Chol: I T’an Dios

⁹ Ti jim bʌ ora mi' caj ti quisin jini rey yic'ot i yalobilob yic'ot motomajob yic'ot x'alt'añob, che'en lac Yum. Mi caj i toj sajtelob i pusic'al.

Chol de Tumbalá Bible

⁹ Ti jim bʌ ora mi' caj ti quisin jini rey yic'ot i yalobilob yic'ot motomajob yic'ot x'alt'añob, che'en lac Yum. Mi caj i toj sajtelob i pusic'al.

Jeremias 4:9 Iomraidhean Croise

2 Reyob 25:4

Che' ti 24 de julio tsi' jemeyob jini ts'ajc am bʌ ti' joytʌlel jini tejclum. Tsa' puts'i Sedequías jini rey ti Judá che' bʌ tsi' q'uele jamʌlix jini tejclum. Tsa' puts'i yic'ot i soldadojob che' ti ac'ʌlel. Tsa' loq'uiyob ti' ti' tejclum am bʌ ti' ts'ej jini pʌc'ʌbʌl ba'an cha'p'ejl ts'ajc. Anquese joyol jini tejclum i cha'an babiloniajob, jini rey tsa' wersa puts'i majlel ti' bijlel Arabá.

Salmos 102:4

C'unix pañimil. Tsa'ix wen tiqui c pusic'al che' bajche' tiquin bʌ jam. Mach chʌn comix waj cha'an ch'ijiyem c pusic'al.

Isaias 19:16

Ti jim bʌ ora jini egiptojob mi caj i yubiñob bʌq'uen che' bajche' x'ixicob. Tsiltsilñayob ti bʌq'uen ti' tojlel i Yum Panchan yic'ot Pañimil mu' bʌ caj i ñijcañob ti' mich'lel.

Isaias 19:3

Mi caj i sʌc sojquelob i pensar pejtel jini egiptojob, come mi caj c jisʌbeñob i ña'tʌbal. Che' jini mi caj i lon majlelob ba'an i dioste' tac yic'ot ba'an jini xwutob, yic'ot ba'an xpejca cruzob yic'ot ba'an payxo bʌ x'alt'añob.

Isaias 28:19

Ti q'uiñil yic'ot ti ac'ʌlel, jayyal jax mi' ñumel, mi caj i wets'etla majlel jinto mi la' ña'tan isujm c t'an woli bʌ c subeñetla. Bʌbʌq'uen jax jini wocol mu' bʌ caj ti ujtel.

Jeremias 2:26

Jini yujil bʌ xujch' mi' cajel ti quisin che' cʌmbilix i mul. Che' ja'el mi' cajelob ti quisin i yalobilob Israel. Ti pejtelob yic'ot i reyob yic'ot motomajob yic'ot x'alt'añob

Jeremias 25:34

Cha'lenla uq'uel, xcʌnta tiñʌme'ob. Ñolq'uin la' bʌ ti' tʌñil c'ajc, yumʌlob ñuc bʌ la' we'tel, come i yorajlelix mi la' tsʌnsʌntel. Mi caj la' chojquel jubel. C'unix mi caj la' sujtel che' bajche' x'ixicob.

Jeremias 37:19

¿Baqui an jini x'alt'añob a cha'an tsa' bʌ i subeyet lot? Tsi' yʌlʌyob: “Mach talic jini rey chumul bʌ ti Babilonia. Ma'anic mi caj i contrajiñet ila ti a lumal”, lon che'ob.

Jeremias 48:41

Mi caj i ch'ʌmob jini tejclum tac yic'ot ts'ajquibil bʌ i yotot tac. Jini p'ʌtʌlo' bʌ winicob ti Moab lajal mi caj i sujtelob che' bajche' x'ixicob woliyo' bʌ ti bajq'uel.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Jeremias 52:7

Jini caldeojob tsa' majli i ts'ita' jamben ts'ajc ti' joytʌlel tejclum cha'an mi' yochelob. Pejtel jini soldadojob ti Jerusalén tsa' puts'iyob. Tsi' cʌyʌyob jini tejclum che' ac'ʌlelix. Tsa' ñumiyob ti mucul bij am bʌ ti' yojlil cha'p'ejl ts'ajc ya' ti' pʌc'ʌb jini rey. Ya' añob caldeojob ti' joytʌlel tejclum.

Hechos 13:41

Mi' yʌl: “Q'uelela sts'a'leyajet bʌ la. La' toj sajtic la' pusic'al. La' jiliquetla. Come joñon wolic mel junchajp e'tel ti a wut, mach bʌ anic mi caj la' ñop anquese an majqui mi' subeñetla”. Che' ts'ijbubil, che'en Pablo.