Jeremias 4:8 - Chol: I T’an Dios

⁸ Jini cha'an yom mi la' lʌp coxtal. Cha'lenla uq'uel, come mach lajmix i mich'ajel lac Yum. Cʌlʌx jax mi' mich'leñonla. Ma'anic chuqui mi' mʌctan.

Chol de Tumbalá Bible

⁸ Jini cha'an yom mi la' lʌp coxtal. Cha'lenla uq'uel, come mach lajmix i mich'ajel lac Yum. Cʌlʌx jax mi' mich'leñonla. Ma'anic chuqui mi' mʌctan.

Jeremias 4:8 Iomraidhean Croise

Salmos 78:49

Dios tsi' wen mich'le jini año' bʌ ti Egipto. Tsi' chocbeyob tilel cabʌl wocol yic'ot ch'ijiyem bʌ ti' wenta espíritujob yujilo' bʌ jisaya.

Isaias 10:4

Ma'anic mi caj j coltañetla. Mi caj la' mucul wutstʌl yic'ot xñujp'elob. Mi caj la' yajlel yic'ot jini tsʌnsʌbilo' bʌ. Anquese cabʌl la' wocol mach lajmic i mich'ajel lac Yum. Sʌts'ʌl to i c'ʌb cha'an mi' chʌn tic'lañetla.

Isaias 13:6

Cha'lenla oñel cha'an bʌbʌq'uen jax jini p'ʌtʌl bʌ Dios, come lʌc'ʌlix i yorajlel mi caj i jisañetla.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Isaias 32:11

Cha'lenla bʌq'uen x'ixicob mu' bʌ la' to'ol ñusan q'uin. Yom mi' toj sajtel la' pusic'al chan bʌ mi la' mel la' bʌ. Cha'lenla uq'uel. Jochola i t'ojol jax bʌ la' pislel cha'an mi la' lʌp coxtal.

Isaias 5:25

Jini cha'an mich'ix lac Yum ti' tojlel i cha'año' bʌ. Tsa'ix i sʌts'ʌ i c'ʌb cha'an mi' yʌq'ueñob i toj i mul. Jini wits tac mi' ñijcan i bʌ. P'ulul mi caj i cʌytʌlob jini ch'ujlelʌlob che' bajche' misujelʌl ti calle. Anquese cabʌlix i wocol, pero maxto lajmic i mich'lel lac Yum. Mu' to caj i chʌn aq'ueñob wocol.

Isaias 9:17

Jini cha'an lac Yum ma'anic mi' p'untan jini ch'iton winicob. Ma'anic mi' p'untan meba' x'ixicob yic'ot meba' alʌlob, come ti pejtelelob mi' cha'leñob lot. Leco jax i t'an. Jini cha'an maxto lajmic i mich'ajel lac Yum. Sʌts'ʌl to i c'ʌb cha'an mi' contrajiñob.

Isaias 9:21

Manasés yic'ot Efraín mi caj i contrajiñob i bʌ. Ti cha'mojtlel mi caj i contrajiñob Judá. Anquese cabʌl mi' p'ojlel i wocol, mach lajmic i mich'ajel lac Yum. Sʌts'ʌl to i c'ʌb cha'an mi' tic'lañob.

Jeremias 25:34

Cha'lenla uq'uel, xcʌnta tiñʌme'ob. Ñolq'uin la' bʌ ti' tʌñil c'ajc, yumʌlob ñuc bʌ la' we'tel, come i yorajlelix mi la' tsʌnsʌntel. Mi caj la' chojquel jubel. C'unix mi caj la' sujtel che' bajche' x'ixicob.

Jeremias 30:24

Mach lajmix i mich'ajel lac Yum jinto mi' yujtel i mel pejtel chuqui wʌn ña'tʌbil ti' pusic'al. Ti jini cojix bʌ q'uin tac, mux caj la' ch'ʌmben isujm.

Jeremias 48:20

Jisʌbilix i yumʌntel Moab, jisʌbilix i ñuclel. Cha'lenla oñel yic'ot uq'uel. Subeñob xchumtʌlob ti' ti' jini Arnón cha'an jisʌbilix Moab.

Jeremias 6:26

Lʌpʌ coxtal, Jerusalén, c'uxbibilet bʌ i cha'an c pi'ʌlob. Bʌlchocon a bʌ ti' tʌñil c'ajc. Cha'len uq'uel che' bajche' x'ixic mu' bʌ i yuc'tan cojach bʌ i yalobil. Mele a pusic'al, come wolix i bʌc' tilel wocol ti lac tojlel.

Lamentaciones 1:12

¿Mach ba la' wentajic jatetetla woliyet bʌ la ti ñumel? Q'uele mi an yambʌ woli bʌ i cuch wocol che' bajche' joñon. P'ump'un tsi' meleyon c Yum che' cʌlʌx jax i mich'ajel.

Ezequiel 21:12

Cha'len uq'uel, i yalobil winic. Cha'len c'am bʌ t'an yic'ot uq'uel, come mi caj i tsʌnsʌntelob ti espada c tejclumob yic'ot jini año' bʌ i ye'tel ti Israel. Ti pejtelelob mi caj i jilelob ti espada.

Joel 1:13

Motomajob, yom mi la' lʌp coxtal cha'an i ch'ijiyemlel la' pusic'al. I winiquet bʌ la Dios, ñusanla ac'ʌlel ti uq'uel ba'an pulʌntib, come ma'anix trigo yic'ot i ya'lel ts'usub cha'an mi la' wʌq'uen i majtan Dios.

Amos 8:10

Mi caj c sutq'uin la' q'uiñijel ti ch'ijiyem. Mi caj la' cʌy la' c'ay cha'an uq'uel. Mi caj cʌq'ueñetla la' xoj coxtal ti la' pejtelel. Mi caj cʌc' ti bojquel la' jol. Mi caj la' cha'len uq'uel che' bajche' jini mu' bʌ i yuc'tan coj bʌ i yalobil. Che'ʌch mi caj la' wujtel ti' q'uiñijel la' wocol. Wen ch'aj mi caj la' wubin.

Miqueas 1:16

Yom mi la' cha'len uq'uel jatetla mu' bʌ la' c'uxbin la' walobilob tsa' bʌ la' meq'ue, come mi caj la' chilbentel. Ma'anix mi caj la' chʌn q'uelob. Tsa'ix pʌjyiyob majlel ti to'ol e'tel ti ñajt tac bʌ pañimil. Jujchin la' jol cha'an i ch'ijiyemlel la' pusic'al.

Numeros 25:4

Lac Yum tsi' sube Moisés: Tempan pejtelel winicob ñuc taco' bʌ i ye'tel cha'an ma' jich'ob tic tojlel che' ti q'uiñil. Che' jini mi' caj ti lajmel c mich'ajel ti' tojlel israelob, che'en lac Yum.