Jeremias 4:7 - Chol: I T’an Dios

⁷ P'ʌtʌlʌch che' bajche' bajlum jini tal bʌ i jisan cabʌl tejclum. Wolix ti jijlel ti pisil bʌ otot jinto mi' laj jochtesan la' lum. Jochol mi' cajelob ti cʌytʌl la' tejclum tac. Laj majlemob i yum otot.

Chol de Tumbalá Bible

⁷ P'ʌtʌlʌch che' bajche' bajlum jini tal bʌ i jisan cabʌl tejclum. Wolix ti jijlel ti pisil bʌ otot jinto mi' laj jochtesan la' lum. Jochol mi' cajelob ti cʌytʌl la' tejclum tac. Laj majlemob i yum otot.

Jeremias 4:7 Iomraidhean Croise

2 Reyob 24:1

Che' woli ti yumʌl Joacim tsa' tili ti guerra Nabucodonosor rey bʌ ti Babilonia. Joacim tsa' ochi ti' wenta. Pero che' ñumenix uxp'ejl jab, tsa' caji i tʌts' i bʌ ti' contra Nabucodonosor.

2 Reyob 25:1

Che' bolomp'ejl jab i ye'tel Sedequías, che' ti 25 de marzo, tsa' c'oti ti Jerusalén Nabucodonosor rey bʌ ti Babilonia yic'ot cabʌl soldadojob. Tsi' joyoyob Jerusalén. Tsi' meleyob chan tac bʌ ts'ajc cha'an mi' contrajiñob jini año' bʌ ti tejclum.

Isaias 1:7

Pujch'emix a lum Judá. Tsa'ix sujti ti c'ʌnc'ʌn. Tiquinix. Pulbilix a tejclum tac. Jini ñajt bʌ ch'oyolob woli' c'uxob i wut a pʌc'bal che' tulul a wut wola' q'uelob.

Isaias 5:9

Lac Yum tsa'ix i tsictesʌbeyon: Jocholix jini colem otot wen uts'at tac bʌ. Ma'añobix i yumob.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Jeremias 2:15

Woli' mʌjlel i cha'an año' bʌ ti ñajtʌl. Mi' pam tsictiyel i t'añob che' bajche' bajlum. Tsi' yʌc'ʌyob ti pujch'el i lum Israel. Tsi' yʌc'ʌyob ti bujchel jini tejclum tac. Laj majlemobix i yumob otot. Ma'anix majqui an.

Jeremias 22:6

Subeñob ja'el jini año' bʌ ti Judá: “Lac Yum woli' yʌl: I t'ojol jax mij q'uel i yotot jini rey David che' bajche' jini te'el am bʌ ti Galaad yic'ot ti Líbano. Pero mi caj c sutq'uin ti jochol bʌ lum. Ch'ijiyem mi caj la' cʌytʌl che' ma'anix la' yum.

Jeremias 22:7

Mi caj cʌq'ueñob e'tijibʌl jini yujilo' bʌ jisaya mu' bʌ caj i tilelob i jem. Mi caj i sec'ob jubel jini yajcʌbil bʌ ch'ujte'. Mi caj i chocob ochel ti c'ajc.

Jeremias 25:38

Tsa'ix loq'ui i sʌclan i buc'bal che' bajche' bajlum. Jocholix i lumal Judá. Cha'an mich' lac Yum tsa' jisʌntiyob ti espada jini ya' bʌ chumulob.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 26:9

¿Chucoch tsa' cha'le subt'an ti' c'aba' lac Yum? Tsa' subeyon lojon cha'an mux caj i sujtel ili otot che' bajche' Siloe. “Jochol mi caj i cʌytʌl ili tejclum”, che'et. Che' tsi' cha'leyob a'leya. Ya' joyol Jeremías ti ili winicob ya' ti' pat Templo.

Jeremias 27:8

Wʌle mi an jump'ejl tejclum mach bʌ yomic i yuman Nabucodonosor rey bʌ ti Babilonia, mi mach yomic i ch'ʌm i yugo cha'an mi' melben i ye'tel jini rey ti Babilonia, mi caj cʌq'uen i toj i mul ili tejclum. Mi caj i chʌmel ti espada yic'ot ti wi'ñal yic'ot ti c'amʌjel. Mi caj cʌq'uen i ye'tel jini rey ti Babilonia cha'an mi' jisan, che'en lac Yum.

Jeremias 33:10

Lac Yum woli' yʌl: Tsi' yubiyob laj pujch'emix ili lum. Ma'anic majqui wʌ' chumul mi winic mi bʌte'el. Jocholix i tejclum tac Judá yic'ot i bijlel tac Jerusalén. Pero wʌ' ba' ch'ijiyem pañimil mi caj i cha' ubintel

Jeremias 34:22

Awila to. Joñon mi caj cʌc' mandar cha'an mi' cha' sujtelob ilayi cha'an mi' cha' techob guerra ti' contra ili tejclum. Mi caj i t'uchtañob. Mi caj i pulob ti c'ajc. Joñon mi caj c jisan pejtel i tejclum tac Judá cha'an jochol mi' cʌytʌl, che'en lac Yum.

Jeremias 4:29

Mi caj i laj puts'elob loq'uel ti tejclum che' mi' yubibeñob i t'an jini c'ʌchʌlo' bʌ che' mi' tilelob, chucul bʌ i cha'an jalʌjb. Mi' puts'elob ti mate'el. Mi' letselob majlel ti xajlelol. Jocholix mi' cʌytʌl tejclum tac. Laj majlemix i yum.

Jeremias 44:2

I Yum Panchan yic'ot Pañimil, i Dios Israel woli' yʌl: Tsa' la' q'uele jini ñuc bʌ wocol tsa' bʌ c chocbeyob jini año' bʌ ti Jerusalén yic'ot i tejclum tac Judá. La' wilan lu' jocholix. Ma'anix i yum.

Jeremias 46:18

Jini Rey, i c'aba' i Yum Panchan yic'ot Pañimil, mi' yʌl: Tal juntiquil ñuc bʌ ti isujm. An i ñuclel che' bajche' Tabor jini chan bʌ wits yic'ot ja'el jini wits Carmel, lʌc'ʌl bʌ ti colem ñajb.

Jeremias 49:19

Awilan, mi caj c bʌc' chocbeñob tilel i contra che' bajche' bajlum loq'uem bʌ ti mate'el ti' ti' Jordán. Mi' mucul ochel ti corral ba' tempʌbil tiñʌme'. Che' ja'el mi caj cajñesañob. Mi' caj ti yumʌntel jini wa'chocobil bʌ c cha'an. ¿Am ba yambʌ bajche' joñon? ¿Majqui mi' subeñon chuqui yom mic mel? ¿Am ba juntiquil xq'uel winicob mu' bʌ mejlel i mʌctañon? che'en lac Yum.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 50:17

Pam pujquemob israelob che' bajche' tiñʌme' ajñesʌbil ti bajlum. Ñaxan tsi' cha'le jisaya Asiria. Wi'il tsi' cha'le jisaya jini rey Nabucodonosor ti Babilonia.

Jeremias 50:44

Q'uele ix tilelob i contra che' bajche' bajlum ti mate'el ya' ti' ti' Jordán. Talob i jisan jini xuc'ul bʌ tejclum. Mi caj c choc loq'uel i yumob. Mi caj c wa'chocon c winic yajcʌbil bʌ c cha'an. Come ¿am ba yam bʌ bajche' joñon? ¿Majqui mi' subeñon chuqui yom mic mel? ¿Am ba juntiquil xq'uelojel mu' bʌ mejlel i mʌctañon? che'en lac Yum.

Jeremias 8:16

Ju'ucñayob i t'an i c'ʌchlibob ch'oyolo' bʌ ti norte. Talob ti guerra. Mi' ñijcan i bʌ lum. Talob i jisan lac lum yic'ot pejtelel laj c'ajbal, jini tejclum tac yic'ot jini chumulo' bʌ ti tejclum.

Jeremias 9:11

Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Ezequiel 12:20

Jochocña mi caj i cʌytʌl pejtelel la' tejclum tac, yic'ot pejtelel la' lumal. Mi caj la' ña'tan la' Yumon”. Che' tsi' yʌlʌ lac Yum.

Ezequiel 21:31

Yic'ot cabʌl c mich'ajel mi caj c jisañetla che' bajche' c'ajc. Mi caj cʌq'uetla ti' c'ʌb jini jontol bʌ winicob yujilo' bʌ tsʌnsa.

Ezequiel 32:2

I yalobil winic, uc'tan jini Faraón rey bʌ ti Egipto. Suben: “Ma' lon ña'tan lajalet bajche' ch'ejl bʌ bajlum ti' tojlel colem tejclum tac, pero lajalet jach bajche' ajin am bʌ ti colem ja' i c'aba' Nilo. Woli jach a tit'esan jini ja'.

Daniel 5:19

Pejtel jini tejclum tac ti pañimil yujilo' bʌ t'an ti chajp ti chajp tsi' wen bʌc'ñayob cha'an cabʌl jax i ñuclel aq'uebil bʌ ti Dios. Tsiltsilñayob ti' tojlel. Come tsi' tsʌnsa majqui jach yom, pero mi yom i col, cuxul tsa' ajni. Tsi' yʌq'ue i ñuclel jini c'uxbibil bʌ i cha'an. Tsi' chilbe i ñuclel jini ts'a'lebil bʌ i cha'an.

Daniel 7:4

Jini ñaxan bʌ lajalʌch bajche' bajlum, pero an i wich' che' bajche' xiye'. Che' bʌ tsaj q'uele tsa' c'ocbenti loq'uel i wich'. Tsa' wa'le ti cha'ts'ijt i yoc che' bajche' winic. Tsi' aq'uenti i ña'tʌbal che' bajche' winic.

Levitico 26:31

Jochocña mi caj j cʌy jini la' tejclum. Mi caj c jisan jini la' templo tac. Ma'anix mi caj cubiben i yujts'il jini majtañʌl mu' bʌ la' pul.

Levitico 26:33

Mi caj c pam puquetla ti pejtelel pañimil. Mi caj cʌq'uetla ti jilel ti espada. Che' jini jochocña mi caj i cʌytʌl la' lum yic'ot la' tejclum tac.