Jeremias 4:6 - Chol: I T’an Dios

⁶ Letsan la' bandera ti' bijlel Sion. Yom mi la' puts'el ya'i. Mach yomic mi la' jalijel come tal cabʌl wocol, come wolic pʌy tilel jini yujilo' bʌ jisaya ch'oyolo' bʌ ti norte.

Chol de Tumbalá Bible

⁶ Letsan la' bandera ti' bijlel Sion. Yom mi la' puts'el ya'i. Mach yomic mi la' jalijel come tal cabʌl wocol, come wolic pʌy tilel jini yujilo' bʌ jisaya ch'oyolo' bʌ ti norte.

Jeremias 4:6 Iomraidhean Croise

Isaias 62:10

Winicob x'ixicob, ochenla, ochenla ti' ti' tac Sion. Chajpʌbenla i bijlel c cha'año' bʌ cha'an mi' sujtelob. Wen melela jini colem bij. Loc'sanla pejtelel mu' bʌ i mʌctan. Letsanla i bandera Israel.

Jeremias 10:22

Ubinla. Motocñayob xguerrajob. Talob ti xʌmbal ya' ti norte. I tejclum tac Judá mi caj i sujtelob ti' ch'eñal jontol bʌ ts'i'.

Jeremias 18:11

Jini cha'an, subeñob jini chumulo' bʌ ti Judá yic'ot ti Jerusalén: “Awilan, wolic chajpʌbeñetla ñuc bʌ wocol. Mi caj j contrajiñetla. Wolic subeñetla ti wocol t'an, sutq'uin la' bʌ. Cʌyʌx la' mul. Ñopoxla chuqui uts'at. Melexla chuqui wen, che'en lac Yum”.

Jeremias 21:7

I colojbal winicob x'ixicob mach bʌ anic tsa' chʌmiyob wʌ' ti tejclum mi caj c tem ac'ob ti' c'ʌb Nabucodonosor jini rey ti Babilonia yic'ot Sedequías rey bʌ ti Judá yic'ot i winicob. Mi caj i chʌmelob ti' c'ʌb i contrajob mach bʌ yujilobic p'untaya. Che' woli' yʌl lac Yum”. Che'ʌch yom mi la' suben.

Jeremias 22:7

Mi caj cʌq'ueñob e'tijibʌl jini yujilo' bʌ jisaya mu' bʌ caj i tilelob i jem. Mi caj i sec'ob jubel jini yajcʌbil bʌ ch'ujte'. Mi caj i chocob ochel ti c'ajc.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 4:21

¿Jala to ba mi caj j q'uelben i bandera jini xguerrajob? ¿Jala to ba mi caj cubiben i t'an tac trompeta?

Jeremias 50:2

Subu ti pejtelel pañimil. Techela bandera ba' mi' wen q'uelob winicob. Mach mi la' muc. Alʌ: “Jisʌbilix Babilonia. Jembilix i yejtal tac i dios. Woliyob ti quisin jini tsa' bʌ i ch'ujutesayob Bel yic'ot Merodac. Woli' toj sajtelob i pusic'al cha'an ma'anic i coltʌntel ti' dios tac melbil bʌ ti ts'ajc”.

Jeremias 50:22

Ix tilelob xguerrajob yujilo' bʌ jisaya.

Jeremias 51:12

Letsanla bandera ti' chañelal ts'ajc ya' ti Babilonia. Chʌcʌ q'uele la' bʌ. Subenla soldadojob cha'an mi' wen q'uelob jini tejclum, come lac Yum tsi' yʌc'ʌ ti contrajintel jini chumulo' bʌ ti Babilonia che' bajche' tsi' wʌn ña'ta.

Jeremias 51:27

Letsan la' bandera ti pañimil. Wusula jini trompeta ba' mi' yubintel ti pejtelel pañimil cha'an mi' chajpañob i bʌ ti guerra. Pʌyʌla tilel jini chumulo' bʌ ti Ararat ti Mini yic'ot ti Askenaz. Wa'choconla jini yujilo' bʌ guerra. Pʌyʌla tilel cabʌl caballo che' bajche' bajc'ʌlel sajc'.

Jeremias 51:54

Ubi. An majqui woli ti oñel ya' ti Babilonia. Woli ti jejmel colem otot tac ti' lumal caldeojob.

Jeremias 6:1

Cucula ti ajñel, winicob ti Benjamín. Loq'uenla ti puts'el añet bʌ la ti Jerusalén. Wusula jini trompeta ti Tecoa. Melela c'ajc ti Bethaquerem cha'an mi' ñajtʌ q'uelob jini bats' cha'an mi' laj ña'tañob talix wocol. Talob jini yujilo' bʌ jisaya loq'uemo' bʌ ti norte.

Jeremias 6:22

Woli' yʌl lac Yum: Talob winicob ch'oyolo' bʌ ti norte. Woli' yutsi p'ojlel i p'ʌtʌlel ya' ti' ñajtʌlel pañimil.

Ezequiel 9:1

Ti c'am bʌ t'an lac Yum tsi' cha'le oñel: Pʌyʌ tilel i contrajob ili tejclum, come tsa'ix cʌq'ueyob jini wʌ' bʌ chumulob. La' i ch'ʌmob tilel i ye'tijib cha'an mi' tsʌnsañob, che'en.

Ezequiel 9:2

Awilan ya' ti' bijlel tejclum ti' ti' ts'ajc am bʌ ti' tojel norte woli' tilelob wʌctiquil winicob. Ti jujuntiquil an i yespada ti' c'ʌb cha'an mi' cha'len tsʌnsa. Juntiquil lʌpbil i cha'an lino bʌ i pislel, joc' cʌchbil i cha'an pluma yic'ot tinta ti' cajchiñʌc'. Tsa' laj ochiyob ti Templo ba' tsa' wa'leyob ti' tojel pulʌntib melbil bʌ ti bronce.

Sofonias 1:10

Ti jim bʌ q'uin cabʌl mi caj i cha'leñob uq'uel yic'ot oñel ya' ti' ti' tac Jerusalén, yic'ot ti entʌl, yic'ot ya' ti bujbujtʌl.

Zacarias 6:6

Jini carreta tujc'ʌbil bʌ ti i'ic' bʌ caballo mi caj i majlel ya' ti' tojel norte. Jini sʌsʌc bʌ caballo mi caj i tsʌclen majlel. Jini xyʌxem tac bʌ mi caj i majlel ti sur, che'en.