Jeremias 4:22 - Chol: I T’an Dios

²² Jinto mi' laj jisʌntelob c pi'ʌlob come jontolob. Ma'anic mi' ñich'tañoñob. Che'ʌch añob bajche' alp'eñelob maxto bʌ anic i pusic'al. Ma'anic mi' ch'ʌmbeñob isujm. Wen yujilob jontolil, pero mach yujilobic i melol chuqui uts'at.

Chol de Tumbalá Bible

²² Jinto mi' laj jisʌntelob c pi'ʌlob come jontolob. Ma'anic mi' ñich'tañoñob. Che'ʌch añob bajche' alp'eñelob maxto bʌ anic i pusic'al. Ma'anic mi' ch'ʌmbeñob isujm. Wen yujilob jontolil, pero mach yujilobic i melol chuqui uts'at.

Jeremias 4:22 Iomraidhean Croise

Genesis 39:16

Ili x'ixic tsi' lotbe i bujc José jinto tsa' c'oti i ñoxi'al ti' yotot.

2 Samuel 13:3

An juntiquil i yamigo Amnón, i c'aba' Jonadab (i yalobil Simea, i yʌscun David). Awilan wen p'ip'atax i pusic'al jini Jonadab.

Salmos 36:3

Jontol i t'an, lot jach mi' cha'len. Tsa'ix i cʌyʌ wen bʌ i ña'tʌbal. Tsi' cʌyʌ i mel chuqui uts'at.

Salmos 36:4

Che' ñolol ti' wʌyib mi' ña'tan i mel jontolil. Mach uts'atic ba' woli' majlel. Ma'anic mi' ts'a'len jontolil.

Salmos 53:4

¿Mach ba junlajalobic jini mu' bʌ i cha'leñob jontolil? Ma'anic mi' ch'ʌmbeñob isujm. Mi' jisañob i cha'año' bʌ Dios che' bajche' mi' c'uxob i waj. Ma'anic mi' c'ajtiñob i coltʌntel ti Dios.

Salmos 82:5

Ma'anic mi' ña'tañob, ma'anic mi' ch'ʌmbeñob isujm. Woliyob ti xʌmbal ti ic'ch'ipan bʌ pañimil. Ya' ba' chucul pañimil mi' ñijcan i bʌ.

Proverbios 28:5

Jini jontolo' bʌ ma'anic mi' ch'ʌmbeñob isujm chuqui toj. Jini mu' bʌ i tsajcañob majlel lac Yum mi' lu' ch'ʌmbeñob isujm.

Isaias 1:3

Jini wacax mi' cʌn i yum. Jini burro mi' wen cʌmben i yotot i yum ba' mi' taj i buc'bal. Pero Israel ma'anic mi' ch'ʌmben isujm. Jini mero c cha'año' bʌ ma'anic mi' cʌñonob.

Isaias 27:11

Lajal jini tejclum che' bajche' yajlem bʌ te', tiquinix bʌ. Talob x'ixicob i xot'ob. Mi' tempañob cha'an si'. Ma'añobic i pusic'al jini winicob x'ixicob. Ma'añobic i ña'tʌbal. Jini cha'an Dios tsi' cʌyʌyob. Dios tsa' bʌ i meleyob ma'anic mi caj i p'untañob. Anquese Dios tsi' meleyob ma'anic mi caj i pʌsbeñob i yutslel i pusic'al.

Jeremias 10:8

Tontojob jini diosob melbilo' bʌ ti te'. Ma'anic i c'ʌjñibal ti cʌntesaya. Tontojob ja'el mu' bʌ i ñopob.

Jeremias 13:23

Jini etíope, ¿mejl ba i q'uextan i pʌchʌlel? Jini bajlum, ¿mejl ba i yʌp i ts'ijbal am bʌ ti' pʌchʌlel? Che'ʌch añetla ja'el. Ñʌmʌletla ti jontolil. Mach muq'uic la' mel chuqui uts'at.

Jeremias 2:8

Jini motomajob ja'el ma'anic woli' yʌlob: “¿Baqui an lac Yum?” Jini yujilo' bʌ mandar mach i cʌñʌyoñobix. Jini año' bʌ i ye'tel wolix i contrajiñoñob. Jini subt'añob woli' subob ti ñuc jini Baal. Woli' tsajcañob jini lolom jach bʌ.

Jeremias 4:21

¿Jala to ba mi caj j q'uelben i bandera jini xguerrajob? ¿Jala to ba mi caj cubiben i t'an tac trompeta?

Jeremias 5:21

Ñich'tanla ti la' pejtelel. Tontojetla. Ma'anic la pusic'al. An la' wut pero ma'anic mi' c'otel la' wut. An la' chiquin, pero ma'anic mi la' wubin t'an.

Jeremias 5:4

Tsa cʌlʌ tic pusic'al: Jini jach jini pobrejob mi' mel che' bajche' jini. Ma'anic mi' ch'ʌmbeñob isujm come mach cʌntesʌbilobic. Mach i cʌñʌyobic i bijlel lac Yum yic'ot i mandar.

Jeremias 9:2

Uts'at anic c cha'an otot cha'an mic majlel ti chumtʌl ya' ti tiquin bʌ lum. Comix j cʌy c pi'ʌlob come laj sojquemob ti' ts'i'lel. Laj yujilob lotiya.

Jeremias 9:3

Ñʌmʌlob ti lot. Lajal yujil jec'ol i t'an che' bajche' i te'el jalʌjb. Mi' yutsi p'ojlel i jontolil. Jini cha'an mach i cʌñʌyoñobic, che'en lac Yum.

Jeremias 9:5

Ti jujuntiquilob mi' lotiñob i pi'ʌlob. Ma'anic majqui mi' sub chuqui isujm. Tsi' ñʌmtesayob i bʌ ti lot. Mi' socbeñob i sujmlel. Mi' chʌn cha'leñob lot yic'ot jontolil jinto che' lujbobix.

Ezequiel 16:30

¡Wen tsʌtsatax a pusic'al! che'en lac Yum Dios. Come lajal pejtelel chuqui tac tsa' mele che' bajche' mi' mel sts'i'lel bʌ x'ixic mach bʌ yujilix quisin.

Oseas 4:1

Israelob, yom mi la' ñich'tʌben i t'an lac Yum. Lac Yum woli' tsictesʌbeñet la' mul: Ma'anic i xuc'tilel la' pusic'al. Ma'anic la' wutslel. Ma'anic mi la' cʌn Dios.

Oseas 4:6

Woli' laj jilelob c cha'año' bʌ cha'an ma'anic mi' cʌñoñob, cha'an mach la' womic la' cʌñon. Jini cha'an mach comix mi la' chʌn mel la' we'tel ti motomaj ja'el, come tsa' ñajʌyi la' cha'an c mandar. Jini cha'an mi caj la' ñajʌyel c cha'an. Ma'anix mi caj c chʌn p'untan la' walobilob.

Oseas 5:4

Ma'anic mi la' sutq'uin la' bʌ ba' añon, come cʌchbiletla ti mulil. Laj xaxubil la' pusic'al ti la' ts'i'lel. Jini cha'an mach mejlic la' cʌñon, che'en lac Yum.

Amos 3:10

Mach yujilobix i melol chuqui toj. Chuqui tac mi' tajob ti xujch' yic'ot ti leto mi' lotob ti ts'ajquibil bʌ i yotot”. Che' yom ma' subeñob, che'en lac Yum.

Miqueas 2:1

Obolob i bʌ jini winicob mu' bʌ i pensariñob jontolil ti ac'ʌlel che' cañal i wut ti' wʌyib. Che' bʌ tsa'ix sʌc'a pañimil, mi' melob chuqui tsi' ña'tayob, che' añʌch i p'ʌtʌlel.

Miqueas 7:3

Wen bʌxob ti jontolil. Wen ñʌmʌlob ti mulil. Jini xmeloñelob yic'ot año' bʌ i ye'tel mi' wersa c'ajtiñob taq'uin ñumen bajche' yom. Jini wen chumulo' bʌ on mi' yʌq'ueñob taq'uin cha'an mi' tajob i coltʌntel ti jontolil. Che' jini mi' tem socob meloñel.

Lucas 16:8

I yum tsa' caji i sub i ñuclel jini jontol bʌ i yaj choñoñel, come maña jax bajche' tsi' mele. Come i cha'año' bʌ pañimil ñumen maña i melbal ti' tojlel i pi'ʌlob bajche' i cha'año' bʌ i sʌclel pañimil.

Juan 16:3

Che'ʌch mi caj i cha'leñob, come mach i cʌñʌyobic c Tat. Ma'anic tsi' cʌñʌyoñob ja'el.

Romanos 1:22

Che' bʌ tsi' lon ña'tayob cabʌlʌch i pusic'al tsa' ochiyob ti tonto.

Romanos 1:28

Mach yomobic i wis ña'tan Dios. Jini cha'an Dios tsi' cʌyʌyob cha'an mi' ña'tañob chuqui tac bibi' yic'ot cha'an mi' cha'leñob chuqui tac mach wenic.

Romanos 16:19

Yujilob pejtel winicob uts'at bajche' mi la' jac'. Jini cha'an tijicñayon cha'añetla. Com mi la' wen cʌn chuqui tac uts'at cha'an mi la' mel. Mach comic mi la' ñop jontolil.

Romanos 3:11

Ma'anic majqui mi' ch'ʌmben isujm. Ma'anic majqui yom i ñop Dios.

1 Corintios 14:20

Hermanojob, mach yomic lajal la' ña'tʌbal bajche' i ña'tʌbal alobob. Mach yomic jontoletla. Yom lajaletla bajche' alʌlob. Yom lajal la' ña'tʌbal bajche' winicob año' bʌ cabʌl i pusic'al.

Deuteronomio 32:28

Tontojob jini israelob, Ma'añobic i ña'tʌbal.

Deuteronomio 32:6

¿Che' ba yom melol ti' wut lac Yum? Tontojetla. ¿Mach ba la' tatic jini Dios? ¿Mach ba jinic tsi' meleyetla? ¿Mach ba jinic tsi' yʌq'ueyetla la' p'ʌtʌlel?