Jeremias 4:2 - Chol: I T’an Dios

² Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

Chol de Tumbalá Bible

² Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

Jeremias 4:2 Iomraidhean Croise

Genesis 22:18

Winicob x'ixicob ti pejtelel pañimil mi caj i yʌq'uentelob i wenlel c t'an ti' tojlel a p'olbal, cha'an tsa' jac'beyon c t'an, che'en lac Yum.

1 Reyob 3:6

Salomón tsi' jac'be: Cabʌl tsa' p'unta jini c tat David. A winicʌch. Che' wʌ'an ti pañimil tsi' chʌn tsajcayet ti isujm ti pejtelel i pusic'al. Toj i pusic'al yic'ot i melbal ti a tojlel. Jatet tsa' wen pʌsbe i yutslel a pusic'al che' bʌ tsa' wʌq'ue i yalobil cha'an mi' ch'ʌmben i ye'tel ti' q'uexol.

Salmos 72:17

Chʌn an i p'ʌtʌlel i c'aba' ti pejtelel ora. Mux i sujbel i ñuclel che' anto q'uin. Mux i tajob i wenlel winicob x'ixicob ti pejtelel pañimil cha'an jini Rey. Mux caj i yʌlob uts'at i pusic'al.

Salmos 99:4

Jini Ñuc bʌ Rey mi' c'uxbin toj bʌ meloñel. Tsa'ix i yʌc'ʌ ti melol chuqui tac toj. Tsa'ix i mele chuqui toj yic'ot chuqui isujm ti' tojlel Israel.

Isaias 45:23

Tic bajñel jach tsa cʌc'ʌ c t'an. Tilem ti toj bʌ c pusic'al jini t'an tsa' bʌ loq'ui ti quej. Mach chʌn sujtic. Pejtel winicob mi caj i ñocchocoñob i bʌ tic tojlel. Mi caj i lu' melob i bʌ tic tojlel.

Isaias 45:25

Mi caj j q'uel ti toj pejtel mero isujm bʌ i p'olbal Israel. Mi caj i mʌjlel i cha'añob, che'en lac Yum.

Isaias 65:16

Majqui jach yom i tajben i yutslel Dios ti jini lum mi caj i wa'chocon i t'an ti' c'aba' jini isujm bʌ Dios, come ma'anix i ña'tʌntel wocol am bʌ ti yambʌ ora. Yajpemix tic wut a mul, che'en.

Jeremias 10:10

Pero lac Yum jiñʌch Dios jini isujm bʌ, jini cuxul bʌ mach bʌ yujilic chʌmel ti pejtelel ora. Che' mich' lac Yum, mi' ñijcan i bʌ lum. Che' mich'ix, mi' puts'elob winicob ti pejtelel pañimil cha'an bʌq'uen.

Jeremias 12:15

Che' colbilobix c winicob ti' p'ʌtʌlel i contrajob, cha' talon c pʌsbeñob i yutslel c pusic'al. Mi caj c cha' pʌyob tilel ti' lumal, jujuntiquil ti' yajñib ba' tsa cʌq'ueyob i lum.

Jeremias 12:16

Mi yomob i ñopon ti pejtelel i pusic'al cha'an mi' jac'ob c mandar che' bajche' tsaj cʌntesa c winicob, che' jini c cha'añobix. Temel yic'ot c winicob mi caj j coltañob mi tsi' junyajlel cʌyʌyob Baal cha'an mi' tsajcañoñob cha'an mi' q'ueloñob ti ñuc. Ti yambʌ ora tsi' tsajcayob Baal. Che'ʌch tsi' cha'leyob cʌntesa ja'el.

Jeremias 16:19

C Yum, ma'anic c bajñel p'ʌtʌlel. An jach c p'ʌtʌlel ti jatet. I wentajet ts'ajquibil bʌ otot tic joytʌlel. C puts'ibet ti' yorajlel wocol. Mi caj i tilelob ba' añet winicob ti jujunwejl pañimil. Mi caj i yʌlob: Tsi' ñopoyob lot c tat lojon. Tsi' lon tsajcayob jini mach bʌ isujmic, mach bʌ anic i c'ʌjñibal. Che' mi caj i yʌlob.

Jeremias 3:17

Ti jim bʌ ora mi' caj ti ajlel Jerusalén i buchlib lac Yum. Ya' ti Jerusalén mi caj i tempañob i bʌ ti' c'aba' lac Yum jini ch'oyolo' bʌ ti pejtel tejclum tac. Ma'anix mi caj i chʌn tsajcañob i bajñel pusic'al yujil bʌ jontolil.

Jeremias 33:9

Ili tejclum Jerusalén mi caj i tsictesan c ñuclel. Tijicña mi caj j q'uel. Pejtel tejclum ti yan tac bʌ lum mi caj i q'ueloñob ti ñuc che' tijicña ili tejclum cha'an pejtelel i yutslel c pusic'al mu' bʌ c pʌsben. Mi caj i toj sajtelob i pusic'al che' mi' ña'tañob cha' anix i ñʌch'tʌlel i pusic'al cha'an cabʌl tsaj colta.

Jeremias 5:2

Che' mi' wa'chocoñob i t'an, mi' cha'leñob lot anquese mi' yʌlob j c'aba': “Cuxul lac Yum”, lon che'ob. Che' tsi' yʌlʌ lac Yum.

Jeremias 7:5

Mi ts'ʌcʌl mi la' mel che' bajche' wolic subeñetla, mi mejlel la' chʌn jalijel ti la' lumal. Yom mi la' cʌy la' mul cha'an mi la' ñop chuqui wen. Toj yom mi la' cha'len meloñel cha'an mi' lajmel leto ti la' tojlel.

Jeremias 9:24

Jini mu' bʌ i chañ'esan i bʌ, la' i ña'tan an i ñuclel cha'an woli' ch'ʌmben isujm yic'ot cha'an woli' cʌñon i Yumon. Wolic pʌsben i yutslel c pusic'al. Mic cha'len chuqui toj. Mic mel winicob x'ixicob ti toj ila ti pañimil. Come tijicñayon che' bajche' jini.

Oseas 2:19

Mi caj c cha' pʌyet cha'an ma' wajñel quic'ot ti pejtelel ora. Mi caj c pʌyet ti toj bʌ c pusic'al. Mi caj c melet ti toj ti' yutslel c pusic'al cha'an wolic p'untañet.

Joel 2:12

Jini cha'an mi' yʌl lac Yum: Sutq'uin la' bʌ ba' añon ti pejtelel la' pusic'al che' anto i yorajlel. Cha'lenla ch'ajb. Cha'lenla uq'uel. Yom ch'ijiyem la' pusic'al, che'en.

Zacarias 8:8

Mi caj cʌc'ob ti chumtʌl ti' yojlil Jerusalén. Mi caj i yochelob tic cha'an. Joñon mi caj cochel ti' Dios. Mi caj c pʌsbeñob jini toj bʌ c pusic'al ti isujm, che'en.

Malaquias 1:11

Pero jini mach bʌ israelobic mi caj i q'uelob ti ñuc j c'aba' c'ʌlʌl ti' pasibal q'uin c'ʌlʌl ti' bʌjlibal q'uin. Ti pejtelel pañimil mi caj i yʌq'ueñoñob xojocña bʌ pom yic'ot uts'at bʌ c majtan, come j c'aba' mi' q'uejlel ti ñuc ti pejtelel pañimil, che'en i Yum Panchan yic'ot Pañimil.

1 Corintios 1:31

Jini cha'an, che' bajche' ts'ijbubil: “Jini yom bʌ i sub chuqui ñuc, la' i tsictesan i ñuclel lac Yum”.

2 Corintios 10:17

Jini yom bʌ i sub chuqui ñuc, la' i sub i ñuclel lac Yum.

Gálatas 3:8

Wʌn ts'ijbubil ti' t'an Dios, mi caj i ñusʌbeñob i mul. Mi caj i yotsañob jini gentilob ti' wenta che' mi' ñopob Dios. Jini cha'an tsa' wʌn subenti Abraham jini wen t'an: “Ti a tojlel mi caj i tajob i wenlel pejtel tejclumob”.

Deuteronomio 10:20

Wersa yom mi la' bʌc'ñan lac Yum Dios. Jini jach mi caj la' yuman. Yom mi la' tsajcan. Cojach ti' caba' lac Yum yom mi la' wʌc' la' t'an.

Deuteronomio 4:30

Che' ch'ijiyem la' pusic'al cha'an pejtelel jini wocol, mi caj la' cha' ña'tan lac Yum Dios. Mi caj la' ñich'tʌben i t'an.

Deuteronomio 6:13

Yom mi la' bʌc'ñan lac Yum Dios. Cojach jini mi caj la' Yuman, cojach jini mi caj la' ch'ujutesan.

Filipenses 3:3

Tsepbil lac pʌchʌlel ti isujm, joñonla mu' bʌ lac ch'ujutesan Dios ti Espíritu. Mi' ñuc'an lac pusic'al ti Cristo Jesús. La cujil mach mejlic lac bajñel coltan lac bʌ.

xRut 3:13

Cʌlejen wʌ'i c'ʌlʌl mi' ñumel ac'ʌlel. Che' ti sʌc'ajel mux c pejcan yambʌ a pi'ʌl. Mi yom i coltañet la' i mel. Mi mach yomic i coltañet mi caj j coltañet joñon che' bajche' yom, come a pi'ʌlon. Melelʌch chuqui wolic sub come mic bʌc'ñan lac Yum. Ñoli' jinto mi' sʌc'an, che'en.

1 Samuel 20:3

Pero David tsi' cha' ac'ʌ i t'an: Wen yujil a tat c'ux ma' wubiñon. Jini cha'an mi caj i yʌl: “Ma'anic mi caj c suben Jonatán ame ch'ijiyemic i pusic'al mi caj i yubin”, che' mi caj i yʌl. Pero isujmʌch jini mu' bʌ c subeñet, come mic bʌc'ñan lac Yum. Cujil bʌbʌq'uen mic chʌmel, che'en.